Svæfður með sköttum ???

Ég hef haft það á tilfinningunni lengi og sú tilfinning eykst, að leynt en ljóst , sé með einbeittum vilja, verið að svæfa völlinn burtu með aukinni skattpíningu. Svo þegar allir eru hættir að fljúga, nema örfáir embættismenn sem fljúga ,,frítt" í boði OKKAR allra fyrir skattfé OKKAR, þá er svo létt að tala um það hversu fáir farþegar fari nú um völlinn og því engin nauðsyn að hafa hann þarna lengur. Og...svo þegar völlurinn er kominn ,,eitthvert annað", þá munu þeir skattar án efa lækka stórkostlega yfir nóttu, svo hægt verði að blása lífi á ný í innanlandsflugið...

Að færa völlinn er ekki neitt annað en græðgi. Held að hátt yrði hlegið að þeim stjórnmálamönnum í NY, sem létu sér detta í hug að hrófla við JFK !!! Með þeim rökum að þar er svo dýrmætt byggingarland , sem það er án minnsta vafa. Ekki kvarta flugmenn svo ég viti. Af hverju er ekki hlustað á sérfræðinga um málið, sem eru flugmennirnir, eða er það bara gert þegar sérfræðingarnir eru hlaðnir háskóladoktorsgráðum, þó aldrei hafi flogið flugvélum..... ??

Borgin hafi reynst úlfur í sauðargæru

Hvernig kemst fólk þá í flug til Íslands ?

Skil það ekki ?? Fram kemur að fólk er oft án allra skilríkja, og það vita allir sem hafa flogið, að maður þarf að framvísa skilríkjum þegar maður tjékkar sig í flug.

Svo hvað er þá málið að geta ekki sýnt þau sömu skilríki / vegabréf, við komuna til landssins ??? 

„Geymdur eins og dýr í búri“

Hver vill lána börn sín í þessa tilraun ???

Ef þetta er svona brilliant að bjóða fólki í neyð með börn sín að búa í gámum frá Kína sem eru einnota og ætlaðir til VÖRUFLUTNINGA, þá gerið tilraunir með ykkur sjálf og familíur ykkar !!!

Man ég sá eitt sinn þátt um Hong Kong, fyrir rúmum 20 árum síðan, og þar var fasteignaverð svo hátt, að fólk sem minnst mátti sín, leigði 3ja hæða búr !!! Eins og fyrir hunda, hver og einn hafði sitt litla pláss, sem var litlu stærra en líkkista. Á kannski að prófa það hér líka ???

Eða kannski tjaldbúðir, eins og hjá flóttafólki og hundruðum þúsunda fullvinanndi Frökkum, sem hafa svo lág laun að þeir geta ekki búið í venjulegu húsnæði. Er ekki eh mikið að þegar laun duga ekki fyrir lífinu ??? Þetta er eins og á tímum þrælahaldssins sem aldrei hefur lokið þó hlekkirnir séu farnir. Þeir fengu jú lásí húsaskjól og mat til að drepast ekki úr hungri, og ekki meira en það. Enn er fólki boðið uppá þannig kjör að engin lífsgæði eru í boði. Það er ekki nóg að halda lífi í fólki, það þarf að sjá til þess að það geti lifað lífinu !! Og bæta það svo með búsetu í vörugámum...nei !! 

Gleymið þessu í hvelli, þetta er ekki fólki bjóðandi og þegar búið að gera tilraun með þetta með Kampana skelfilegu í den, með sínum rottugang, sagga og ógeði sem því fylgi, ásamt gríðarlegri skömm þeirra sem þar neyddust til að búa! Nei, nei, nei og aftur nei takk !! Hvernig dettur fólki í hug að þetta verði eitthvað öðruvísi ???

Hver vill virkilega lána börn sín í slíka fanta-samfélagstilraun ?

Niðurstaðan liggur fyrir nú þegar í sögubókum, þetta var mega-flopp með skelfilegum afleiðingum, so drop it í hvelli !! 

Einstein sagði að skilgreina mætti geðveiki út frá því, þegar hlutir eru endurteknir aftur og aftur, en alltaf er vonast eftir nýrri niðurstöðu....

 

Tilraunabyggðir möguleiki?

Camp SamEimskip ???

Verða auglýsingar frá þeim á þessum gámum ? Vilja ráðamenn og þeir sem að þessu standa, búa þarna sjálfir með sín börn ?

Það er nú ekkért svakalega langt síðan síðustu hercamparnir voru rifnir. Og á nú að endureisa þá með breyttu sniði, langa og ferhyrna, í stað þeirra bogadregnu ? Þar var saggi,rottugangur, kalt og skelfilegt. Margir bera þess en sár að hafa alist þarna upp og eru ekki stoltir af, svo ég viti til. Held að ráðamenn ættu að skella sér á Vídeóleigu og sjá Djöflaeyjuna ! Nema þeir vilji fá framhald af þeirri mynd og séu að búa til efni í það með þessum pælingum ?Djöflaeyjan part II , sponsored by Eimskip og Samskip ? Nei og aftur nei !!!

Það vantar húsnæði já. En gáma fyrir fjölskyldur og einstaklinga, nei takk. Nógu er það dapurt að útigangsfólki sé ekki skaffað betur en gámar, þó fáir séu, en það gætu þó verið önnur sjónarmið þar að baki, vegna t.d. eldhættu og umgangs, sem getur verið afar erfitt að bjóða nágrönnum uppá í fjölbýlum, en sveitarfélögin ættu frekar að reisa sér fjölbýli fyrir þá sem minnst mega sín og hætta getur stafað af, með starfsfólki sem annast um íbúana. 

Ég vil ekki trúa að úr þessu verði. Hugsun þeirra sem að þessu standa er án efa falleg og góð, en lesið um fortíðina og gleymið þessum pælingu. Plís.  Vilja ráðamenn og þeir sem standa að þessu, sjálfir búa þarna ? Ef svo, þá gerið það endilega, en ekki bjóða fólki uppá þetta sem er í neyð með húsnæði !! Það væri þá hægt að skipta á því húsnæði sem þið búið í, við fólk í neyð sem gámarnig eru hugsaðir fyrir. 

27 m² íbúðir á 80 þúsund á mánuði