Fordæmi

Til hvers var sakfellt ( í einum lið)  án refsingar ??? Hvaða tilgangi á það að þjóna ?  Eru fordæmi fyrir slíku ? Er ekki venjan við sakfellingu að það sé þá t.d. fjársekt, skilorð eða fangelsi ???

Og með málskostnaðinn....hversu algengt er, þegar menn eru sakfelldir fyrir t.d. einn ákærulið af nokkrum, að sakarkostnaður sé greiddur úr ríkissjóð ?? Eru fordæmi fyrir slíku ? 

Sé þetta mál allt pólitískt, þá hlítur sýkna í 3 liðum að vera það jafn mikið og sakfelling í einum.

Annars er gott að þetta er búið. Ég óska engum að sitja á sakamannbekk né í fangelsi.

 

Sakfelldur fyrir eitt ákæruatriði

Pólitísk sýkna

Í 3 af fjórum ákæruliðum. Það hlítur að vera svo, þar sem álitið er að þetta sé litað pólitík.

En hvaða pólitík læddist inní 75 % málsins sem sýknað var í ?

Sú pólitík er þá öflugri þar sem aðeins var sakfellt fyrir ákærulið  nr.2; 25%.

Annars var áhugavert að vera þarna í dag. Það var mjög þungt og alvörugefið andrúmsloft í salnum og sérkennilegt að upplifa þessa sögulegu stund. Bæði fyrir og eftir dómsuppkvaðningu.

Það virkaði vera svo að ræða á ensku var tilbúin fyrirfram og útprentuð á A4 blöðum sem GHH las upp. Það væri fróðlegt að vita hvað stóð í hinni útgáfunni, sem gerði ráð fyrir 100% sýknu. Hvort það hefði verið minnst á pólitík í þeirri útgáfu.

Annars er gott að þetta er búið. Dómsmál eru hverjum manni afar þungbær, sem og fjölskyldum sakborninga og ástvinum. Það vita allir sem hafa staðið í þessum sporum þó svo mál séu af öðrum toga en í Landsdómi í dag. Og þetta mál hefur einnig snert þjóðina alla.

Máslmeðferðartími var alltof langur ,eins og GHH benti m.a. á. Sem og kostnaðarhliðin. Þetta eru atriði sem þarf að laga, það er búið að kvarta yfir þessu sama í áratugi og enn er kvartað .Vona að bragabót verði nú gerð á þó fyrr hefði verið.

Pólitík í málinu að sögn Geirs

Eitt sinn er allt fyrst

Í dag verða fordæmin sköpuð fyrir ráðherra nútíðar og framtíðar. Hvernig sem fer í dag kl. 14 eins og svo rækilega er búið að auglýsa. Ekki hafa þessir 15 dómarar öfundsvert hlutverk og að þurfa svo einnig að sitja undir því að verði hann sakfelldur sé það póliskt. Aðeins sýkna verður þá sönnun þess að dómurinn er ekki pólitkískur. Þannig skil ég þetta amk.

En það má segja að fordæmi muni þá einnig skapast fyrir skipstjóra nútíðar og framtíðar á sjó. Það er svo mikið búið að líkja hruninu við skipsbrot og þá að fyrrverandi Forsætisráðherra hafi verið skipstjórinn í brúnni. Fram til þessa hafa skipstjórar á sjó verið látnar sæta ábyrgð, þó svo þeir séu ekki einir um borð að stjórna skipum. Því hefur ekki verið mótmælt kröftulega svo ég muni. Nú í Apríl er heil öld síðan Titanic fórst. Enn er einungis talað um ábyrgð skipstjórans á því hvernig fór.

Hvað verður svo gert með lögin um ráðherraábyrgð efitr daginn í dag ? Það var nú liklegast aldrei gert ráð fyrir að á þau myndi reyna. En til hvers voru þau þá sett og viðhaldið í heila öld ?

Ég óska engum þess að þurfa að sitja í fangelsi.  Megi réttlátur dómur verða kveðinn upp í dag, sem og ávallt og í öllum málum, bæði stórum sem smáum.

 

 

Engin fordæmi til að styðjast við

Enn í tísku

Því miður. Það virðist aukaatriði hvernig fólki líður. Fólki er ætlað að færa sig á milli svæða til að fá vinnu. Eins og það sé álitið að það skitpi engu máli þó fj0lskyldum sé tvístrað. Við t.d. tókum á móti helling af útlenskum farandverkamönnum víðsvegar að úr heiminum. Nú hefur það snúist við. Íslendingar neyðast til að yfirgefa fjölskyldur sínar og vini til þess að vinna. Sumar fjölskyldur fara saman, en þurfa þá að skilja vinina eftir og koma sér fyrir á nýjum stað, eins og t.d. í Noregi. Svona lífi hafa fjölskyldur þurft að lifa í áratatugi eða lengur, í USA. Það er næstum sjalgæft þar að fjölskyldur búi í sama bænum ævina út. Oft hittist fólk aðeins á Thank´s Giving.

Sama þegar kemur að heilbrigðisþjónustu. Það er ætlast til þess að fólk fari um langan veg til að fá aðgerðir. Sent í viðgerð eins og hver önnur vél. Eða eins og hvert annað vélmenni. Sem hafa engar tilfinningar. Og Íslendingar vilja líka græða á þessu. Flytja inn sjúklinga. Eins og vélar sem þarf að laga. Eins og það sé algjört aukaatriði hvað kærleikur nánustu fjölskyldu og vina er mikilvægur þáttur í bata.  Enn er verið að spá í að byggja eitt risastórt verkstæði, afsaka, sjúkrahús við Hringbraut. Á sama tíma er t.d. nýbúið að loka St. Jósefs. Hverju verður lokað næst ? Er stefnan sú að hafa aðeins eitt risastórt LSH á öllu landinu ? Sem lítur út eins og álver plantað í hjarta Reykjavíkur.  Er þetta planað fyrir öll ,,tannhjólin" á einum stað ??? Er það hin rétta ástæða þess hvurslags risa ferlíki þetta á að vera ??? Fæðingadeildum hefur verið lokað eða /og þjónusta skert. Það á að vera ok að senda konur, eins og pakka, um lengri veg og halda í sér á meðan og fæða svo þar sem kerfið vill; þar sem það er svo hagstætt.  Tilfinningar, óöryggi , ótti og eðlilegar kvartanir er ekki hlustað á. Þetta hefur ekki neitt með hrunið að gera. Þetta var byrjað áður.

Allt í nafni hagræðingar ( græðginnar).

Sama var með t.d. Breiðuvík. Það var ekki hugsað útí það hversu vond áhrif það hefði að aðskilja fólk eins og gert var. Sama með elliheimilin enn í dag. Listinn er langur.

Þetta viðhorf er ekki í lagi og þarf að breytast. Það sjá vonandi allir. Til þess þarf hvorki afburða greind né 5 háskólagráður.  Fólk þarf að fá vinnu og þjónustu þar sem það býr og vill búa með þeim sem það elskar og vill deila lífi sínu með . Einmitt af því að við erum hvorki vélar né vélmenni eða pakkar. Hamingjusamt starfsfólk vinnur betur og um leið skilar það meiri hagnaði. Þetta ættu einmitt peningaölfin að sjá en sjá ekki því miður. Því fylgir mikið hagræði ( meiri gróði )  að hamingja og vellíðan fólks sé tryggð.  

Á meðan það er fólk með tilfinningar og sálir sem hafa kosningarétt, ræður sig til vinnu og eru viðskiptavinir en ekki vélmenni, þá þurfa stjórnmálamenn og fyrirtækjaeigendur að átta sig á því að kerfin þurfa að gera ráð fyrir einmitt því. Fólk þarf ást, rétt eins og mat, drykk og húsaskjól. Annars visnar það upp og deyr. Skype leysir ekki mannlega samveru, kærleik og þörfina fyrir knúsi af hólmi. Sem betur fer. Þetta ættu ráðamenn heimsins og buisness menn einmitt að vita. Því þeir fljúga á milli til að funda, þó þeir hafi líka Skype. Jafnvel þó því fylgi þvílík oft mega fyrirhöfn og kostnaður með her lífvarða.

Forsetinn: Maðurinn er ekki vél