Æsa og espa upp

Í stað þess að koma bara ef á þarf að halda. Ekki fallegt að ætla fólki fyrirfram að fara að berja mann og annan eða kasta grjótum eða fisk út um allt.

Til hvers þurfa þeir að vígbúast fyrirfram ??? Það eina sem þetta hefur skilað hefur mér þótt, er að æsa og espa upp. Kannski að þeir hafi gaman af smá adrenalínkikki og geri þetta þessvegna ?  Nú eða þá að þetta er gert til að vernda LÍÚ og að LÍÚ stjórni þá lögreglunni eins og öðru ...?

Lögreglan með viðbúnað

Einelti

Að hunsa fólk er ein tegund af einelti. Hvernig er það, er ólöglegt að leggja vinnufélaga í einelti ? Ef svo, eru þau þá að brjóta lögin í beinni útsendingu ?

Eða er þetta bara eins og hvert annað sjóv á Alþingi og svo allt í gúddí þegar fólk er ekki lengur í mynd ? 

Ekki góð fyrirmynd fyrir þá sem eru að berjast gegn einelti, að Alþingi sem nýtur einungis 10% trausts að auki, skuli stunda það á launum frá ríkinu / okkur að auki !! 

Þingmaður hunsaður á Alþingi

Samningar lausir

Við sjómenn og hafa verið frá 2010 eða 2011....og sjómenn styðja útgerðina þó þeir þori ekki að viðurkenna það. Svei framkomu útgerðarmanna að þvæla þeim í þetta rugl, og án efa á kostnað sjómanna sjálfra sem eru látnir borga meira og meira í rekstri útgerða úr eigin vasa, sem þeir eiga ekki neitt í !!! Sennilegast er búið að hóta þeim meiri frádrætti á laun þeirra. Þetta er lífshættuleg þrælavinna og púl að vera sjómaður og þeir fá ekki einu sinni að borða um borð !! Og útgerðin með tugmilljarða hagnað og markmiðið að græða sem minnst með sem ,,minstum tilkostnaði ", eins og LÍÚ hefur sagt.

Held að sjómenn ættu að grípa tækifærið og standa með sjálfum sér. Fá útgerðina til að skrifa undir nýja kjarasamninga við þá í dag og eftir það geti þeir siglt út aftur.Og muna eftir að taka út kostnað sem á að vera útgerðarinnar sem eigenda, ekki starfsfólks. Það þekkist ekki í öðrun greinum svo ég viti til.  Og að muna að láta útgerðina bæta upp tapið vegna sjómannaafsláttar sem tekinn er af í þrepum vegna hrunsins.

Réttast væri að yfirvöld gripu þetta tækifæri og innkallaði veiðiheimildir. Það er nóg af mönnum sem vilja gera út skip. Útgerðin er ekki að standa í þessu í góðgerðar-og góðmennsku stellingum. Það er alveg öruggt að svo er ekki. En það er eins og þeir haldi það sjálfir og að það eigi að þakka þeim fyrir að nenna hafa fólk í vinnu til að ná í gullið okkar úr sjónum, því hvað, enginn annar nenni því ,eða kunni ?

„Erum hér okkar vegna“

9 mánuðir

Og hún hefur endurgreitt allt....er þetta í takt við það sem venjan er í samfélaginu ? Eða er það alvarlegra ef kona fær lán ? Menn hafa nú sloppið við dóma þegar þeir hafa skilað því sem var fengið að láni og þegar um misskiling er að ræða...

Er þetta ekki nokkuð þungur dómur  m.v. venjur hér á landi ? 8 milljónir og allt endurgreitt...

Gjaldkeri dró sér milljónir

Hafnargjöld í dag

Eins gott að útgerðin þurfi að borga gjöld í dag og að þeir fái ekki að fara úr höfn fyrr en þeir hafa borgað. Ekki í lagi ef Reyjavíkurhöfn ætlar að leyfa þeim að sleppa sem stuðning við sinn málstað. Þetta er ekki einkayfirtæki og hefur því ekki leyfi til þess. Og útgerðin skal ekki voga sér að láta sjómenn borga það eins og annað í sínum rekstri !!

Hvað ætli kosti að leggja þarna einn dag ? Eða er það per klukkutíma , veit ekki. En það getur ekki verið að það sé frítt.  

Getum þess vegna fyllt höfnina

BRIM auglýsing ?

Sé ekki betur en lógó BRIM sé í hægra horninu á vefmyndavélinni. Er þetta vél sam Harpa á hvort sem er, eða fékk BRIM leyfi til að setja hana þarna í telfni dagsins ? Og þá frítt eða stendur til að selja auglýsingar í glugga vélarinnar til allra sem vilja og hvað kostar það ??? Ef BRIM á vélina, borga þeir þá gjald til Hörpu að hafa sett hana upp ? Eða er það Mogginn sem setti vélina upp og seldi BRIM auglýsingu ? 

Hvað er málið með þetta eiginlega ? 

Bein útsending frá höfninni

Algjört gjafabann

Er það eina sem dugir á alla stjórnmálamenn og maka þeirra og aðra sem væri létt að leppa fyrir sig þegar freistingar heilla. 

Það kemur fram í reglunum : ,,nema um sé að ræða óverulegar gjafir". Ég einfaldlega ber ekki nægt traust til kjörinna fulltrúa að meta þetta sjálfir. Man t.d. þegar bankarnir gáfu starfsmönnum FME rauðvín fyrir einhver jólin, líklegast 2007 eða þar um kring, að þá þóttu sumum það í lagi því þetta væri ekki svo dýrt vín...minnir að meðal þeirra hafi verið ÞKG en það skiptir ekki öllu.

Auðvitað er Einar Örn borgarfulltrúi alla daga, allan sólarhringinn. Ólafur F. Magnússon mátti ekki kíkja á bari þegar hann var Borgarstjóri ( á sama tíma sást nú oft til annarra stjórnmálamanna og sést enn) , svo það þarf sama að gilda um alla. Hvort sem það á við um samflokksmenn þeirra sem undan kvarta eða aðra, og hvort sem vinskapur er á milli fólks eða ekki. Gísli Marteinn fór í nám um árið...var hann þá námsmaður í útlöndum eða Borgarfulltrúi ? Veit það ekki. 

Mér þykir rangt af Einari Erni að hafa þegið þessa ferð, þó svo hann hafi borgað smotterí sjálfur og það veldur mér vonbrigðum um leið að hann hafi látið sér detta þetta í hug. Svo gagnrýni Hönnu Birnu er algjörlega réttmæt. 

Túlkun á siðareglum fráleit

Upptaka

Það þarf bara að sýna þjóðinni upptökur frá gærkvöldinu. Þá getum við séð þetta með eigin augum.

Og svo vona ég að Björn Valur verði spurður af hverju hann sagði að JG hafi verið búinn að drekka áfengi. 

Og svo þarf augljóslega að eiga til lager af áfengismælum á Alþingi, eða hreinlega setja búnað í ræðustól eins og í sumum bílum, sem pípa ef ræðumaður hefur fegnið sér áfengi. Og í leiðinni, við innganginn !! Gengur ekki að menn mæti í vinnu eftir að hafa drukkið, landið hefur hrunið eitt skipti allhressilega, og það er lágmark að hafa algsgáð vinnuafl í þjónustu á Alþingi. Ég man eftir könnun sem danskir blaðamenn gerðu fyrir ca. 2 til 3 árum síðan. Þeir könnuðu leyfar af eiturlyfjum á salernum og undanskildu ekki þinghús sitt. Þar fundust leyfar, eins og á búllum í kring og líka á fínni stöðum. Væri ekki bara fínt að lög væru sett að Alþingismenn fari í randóm tékk við áfengi og lyfjum ? Það er gert við íþróttamenn, svo hversvegna ekki ? Og stjórnendur stórra fyrirtækja og bankanna.

Annars hegg ég eftir orðalgi JG að hann hafi ekki ,,smakkað einn dropa hér í kvöld".  Hvernig á að skilja þessi orð ? Að hann hafi semsagt fengið sér annarsstaðar en á Alþingi ? Eða stundum önnur skipti á Alþingi , en ekki þetta kvöld ? 

 

Sagði alþingismann vera drukkinn