Hjördís Vilhjálms

23.3.2012 | 10:28

Komið til að vera ?

Munu allir þeir sem lenda í svipuðum málum fá jafn mikið pláss í fjölmiðlum til að segja frá því sem gerðist og tjá líðan sína og þá með nafni og myndum í hvert sinn ? Eða verður látið skipta máli hver á í hlut hverju sinni í jafnræðissamfélaginu okkar ?

Vona að þessu máli ljúki með sátt allra sem hlut eiga að máli sem allra fyrst.

	Systir Guðrúnar svarar Bryndísi Schram
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Mér er þetta mál meira en lítið ógeðfellt. Kellingin hún Þóra Tómasdóttir sá sér þarna sóknarfæri til að græða nokkra þúsundkalla. Og það sem drífur þessar Harðarsdætur áfram er athyglissýki, ekkert annað. Þannig sé ég málið. Ég hef satt að segja meiri áhuga á 10 ára gömlum veðurspám, en á staðreyndum í fjölskyldumálum Jóns Baldvins og Schramaranna. OMG. Þó kann þetta að vera hvalreki á fjörur plebbanna í Reykjavík, þar sem áhugi margra takmarkast við bullið í Nýju Lífi, Séð og Heyrt, við Jón Stóra, Gillzenegger og aðra máttarstólpa höfuðborgarinnar.

Haukur Kristinsson (IP-tala skráð) 23.3.2012 kl. 11:48

Takk fyrir komment þitt Haukur.

Ef fjölmiðlar ætla að yfirtaka hlutverk sálfræðinga með nafn og myndbirtingu allra hlutaðeigandi í málum sem þessum, þá þarf bara að gæta þess að allir sem vilja, fái umfjöllun um mál sín sömuleiðis.

Hjördís Vilhjálmsdóttir, 23.3.2012 kl. 12:06

Þetta er hrikalegt vandamál og fólk vill helst ekki vita af svona málum. Hvernig væri að sýna þessum fáu aðilum sem þora yfirleitt að koma með svona mál upp á borðið, einhvern stuðning og ekki halda að þetta fólk sé með einhverja sýniþörf! Hvernig dettur einhverjum í hug að fólk beri á torg svona reynslu að gamni sýnu? Breiðavíkurmálið tók fimmtíu ár að draga upp á yfirborðið og samt vissi fjöldi fullorðins fólks af þessu meðan krakkarnir þar gengu í gegnum þær mestu hörmungar sem börn geta gengið í gegnum. Brennd fyrir lífstíð mörg af þeim.

Svona mál verða bara leyst þegar fólk hættir að vera svo eigingjarnt að það hendir frá sér öllu sem er óþægilegt. Gott hjá systur henni að koma inn í þetta mál, þá maður í svona afneitun eins og Jón Baldvin er og sjálfsagt búin að vera öll ár. Pedofili er sjúkdómur og 99% ólæknanlegur nema með geldingu. Eru fleiri fórnadýr sem ekki hafa komið fram? Hefur einhver áhuga á því eða villl fólk þagga þetta niður og ræða í staðin mál sem engu skiptir...

Óskar Arnórsson, 23.3.2012 kl. 12:11

Ef Jón Baldvin vildi ekki eiga það á hættu að "yfir þau gengi" eitthvað fár í þessum dúr, þá átti hann einfaldlega að hegða sér á lífsleiðinni eins og ábyrgum fjölskyldufaðir sæmir en það gerði hann sannarlega ekki.

Það er ekki hægt að horfa framhjá þéirri staðreynd sem skiptir verulegu máli að Jón Baldvin er ekki "almenningur". Hann er opinber persóna og hefur sjálfur kosið þann starfa. Því fylgir ábyrgð sem nær alla leið til einkalífsins. Á þessum árum sem um ræðir var hann "mikils metinn" einstaklingur sem sendiherra fyrir land sitt og þjóð. Hann var hluti valdsins sem sendiherra og fyrrverandi ráðherra að auki.

Auk þess var hann og er fullorðinn maður úr nánustu fjölskyldu stúlkunnar.

Hann vissi vel að hann var að misbjóða stúlkunni. Þess vegna sendi hann eitt af sínum subbulegu bréfum til hennar í GRUNNSKÓLANN! en ekki heim til hennar. Hann var nógu óforskammaður til að ganga svo langt.

Það var ekki fyrr en hún var hjá gestafjölskyldu í skóla í Venesúela sem hún þorði að sýna fullorðnu fólki bréfið frá manninum vegna þess að þau urðu vitni að viðbrögðum stúlkunnar hversu misboðið henni var og miður sín yfir þessum skrifum.

- Mér finst líka skipta miklu máli að stúlkan var sannarlega búin að reyna að fara réttu leiðina með þetta mál, lagalegu leiðina, að kæra o s frv.

Það skilaði henni engu. Og hvers vegna??

Mér finnst hedur lítið gefast fyrir "hetjuna" Jón Baldvin að væla opinberlega til að gera sig að fórnarlambi í augum almennings. Hann er búinn að skemma fyrir þessari stúlku sakleysið og ævina til þessa allt frá því hún var í sárum sem móðurlaust barn.

Ég held að þeir sem eru foreldrar ættu að setja sig um stund í spor foreldris hennar. Hvað fyndist ykkur ef slíkt mál kæmi á daginn og ykkar eigið barn hefði átt í hlut? Ég held að þá færi ekki mikið fyrir samúð ykkar í garð gamla perrans. Stúlkan var í sárum vegna móðurmissis, barnung, rétt á ellefta aldursári. Í blindri eigingirni var karlinn í þessu rugli, til þess eins að dekstra sína hugaróra á kostnað tilfininga og sakleysis stúlkubarnsins.

Hver getur láð ungri konunni þó hún sækist eftir uppreisn æru?

Hinsvegar á eiginkona fyrrverandi sendiherrans og ráðherrans alla mína samúð.

Þau hjónin njóta góðs af samfélaginu með ríkulegri eftirlaun en flestir hafa. Bæði sem fyrrverandi ráðherra og sendherra eru skattgreiðendur að sjá vel fyrir karlinum.

Marta B Helgadóttir, 23.3.2012 kl. 12:15

Ég ítreka það Hjördís, að Jón Baldvin var opinber persóna í ábyrgðarstöðu og fulltrúi lands síns og þjóðar. Þá fyrst mættum við spyrja spurninga ef málið myndi EKKI rata í fjölmiðla.

Marta B Helgadóttir, 23.3.2012 kl. 12:19

Og eitt enn að lokum,

finnst þér sjálfri ekki ójafn leikur þar sem þarna eru þau hjónin, bæði eru alvön fjölmiðlaathygli og hafa bæði starfað heilmikið á þeim vettvangi að auki, eru vel þekkt fólk að munnhöggvast opinberlega með skrifum sínum við kornunga konu sem ekki hefur fjölmiðlareynslu.

Manstu söguna um Davíð og Golíat?

Marta B Helgadóttir, 23.3.2012 kl. 12:26

Takk fyrir innlitið Óskar og jú það má alveg ræða þessi mál en er þetta mál JBH ekki fullrætt ? Mér þykir þetta ekki sambærilegt við Breiðavíkurmálið.

Í þessu innleggi velti ég því upp hvort fjölmiðlar ætli að fjalla jafnt um öll mál af þessum toga og með nafn og myndbirtingu. Það má vel vera að það ætti að gera, en þá þannig að allir sem vilja fái sama pláss fjölmiðla til þess.

Ég er alveg jafn mikið á móti barnaníð og langflestir aðrir en ég hef engar forsendur til þess að ælta JBH slíkan glæp m.v. það sem fram er komið. Það þarf að fara varlega í að saka fólk um slíkt vegna þess að það er nánast útilokað að hreinsa sig af slíkum ásökunum.

Hjördís Vilhjálmsdóttir, 23.3.2012 kl. 12:42

Jón Baldvin er með sama sjúkdóm og sumt starfsfólk Breiðavíkur var með. Það er það sem gerir Jón Baldvin alveg nákvæmlega eins og það starfsfólk. þeir fullorðnu sem ekki bregðast við þegar ráðist er á börn eru meira sekir enn árasarmaðurinn. Þetta þrífst einmitt vegna aðgerðaleysis og hræðslu þeirra sem vilja kalla sig fríska.

Mér er alveg sama þó hann hafi verið sendiherra eða eitthvað annað fínt. Það er erfiðast að fá mál skoðuð hjá aðlinum og þar er líka þetta mest grasserandi. Biskupar, prestar og kirkjan er eitt vanalegt skjól fyrir þetta fólk. Jón Baldvin er með eða var með sama geðvandamál og allir barnaníðingar eru með. Svo hversu alvarlegt það verður er allt annað mál. Menn þurfa ekki að nauðga börnum til að vera barnaníðingar. Það er nóg að gera tilrauin og það hefur hann greinilega gert ef það er eitthvað að marka þessar systur. Ég trúi þeim og ekki Jóni Baldri. Ég hef séð allt of mörg mál svona í vinnu minni í fangelsum um Norðurlönd í til að nokkurtíma draga eitt einasta orð í efa sem þær segja.

Ef systurnar segja að málið sé ekki fullrætt, hafa þær að öllum líkindum rétt fyrir sér. Jón Baldvin má ekki gera lítið úr þessu máli sýnu.

Óskar Arnórsson, 23.3.2012 kl. 12:55

Takk fyrir þetta Marta.

Ég er ekki að verja gjörðir JBH og það gerir hann ekki heldur sjálfur, m.v. það sem ég hef lesið um málið. Hann neitaði ekki eins og margir aðrir sem fá hinar ýmsu ásakanir á sig.

Hefði hann ekki skrifað þessi bréf hvort sem var og póstlagt þau ? Hann þekkti hana ekki vegna starfa sinna svo ég veit ekki alveg hvað mér á að finnast um þá staðreynd að hann var opinber starfsmaður í háum embættum þegar þetta gerðist. Hef ekki melt það nægilega vel.

Eins og sést, þá er ég að velta því fyrir mér í innleggi mínu hvort það að útkljá öll mál af þessum toga og jafnvel fleiri ósættismál milli einstaklinga, með nafn- og myndbirtingu í fjölmiðlum , sé sú leið sem við viljum að sé farin almennt? Er mögulegt að fjölmiðlum berist fleiri slík mál sem þeir ekki fjalla um ? Það væri áhugavert að vita.

Hver sá sem verður fyrir áreiti af þessum toga, sem og öðru sem særir það og meyðir, eiga alla mína samúð, bæði Guðrún Harðar og aðrir. Ég vona að sár þeirra allra grói og að þau nái öll að fyrirgefa og halda áfram með líf sitt.

Hjördís Vilhjálmsdóttir, 23.3.2012 kl. 12:56

Marta,

Vá, ekki er öll vitleysan eins.

Það er bara svo MARGT rangt við þín skrif. Þú sverð þig í ætt við Óskar, enda eruð þið greinilega skoðanasystkyn, hlýtur að vera mjög stolt af því?

Málið er nú er komið í ljós að manneskjan LAUG og það oft og mikið og það vibjóðslega. Blaðamaðurinn NOTFÆRÐI sér veika manneskju.

Ég hreint og beint skil ekki hvernig fólk getur haldið sönsum þegar svona viðbjóðslegir einstaklingar eins og sögusmettur t.d. á þessari síðu hreinlega lifa á þessari jörð.

Það er hjólað í manninn fyrir að bera fyrir sig hönd, eftir öll þessi ár, og hann líklega búinn að biðjast meiri fyrirgefningar en "honum bar". Málið er að þetta er "hefnd". Viðbjóðsleg, viðurstyggileg......ómannleg.

Kannski stór orð, en þetta er bara svona.

Síðan á eftir öllu því getum við byrjað að tala um hvað þetta eyðileggur fyrir raunverulegum fórnarlömbum, vegna þess að þau fæst fást við sín mál í fjölmiðlum, og trúverðuleiki þeirra mun einungis bíða hnekki út af svona rugli.

Skammist ykkar, og hættið að notfæra ykkur annað fólk til að gera nákvæmlega það.

Einar Arnarsson (IP-tala skráð) 23.3.2012 kl. 13:02

Hver laug og þá hverju Einar ?

Hjördís Vilhjálmsdóttir, 23.3.2012 kl. 13:28

Ég er ekki sammála því að rétt sé að líkja þessu við Breiðavíkurmálið Óskar.

Þú talar um skyldur fullorðinna til að vernda börn og það með réttu. Það sem ég hef ekki tekið eftir í umfjöllun um málið er hvar var fjölskylda Guðrúnar eða hennar forráðamenn ? Veit með mig að ef börnin mín hefðu ítrekað fengið bréf frá sama fullorðna einstaklingnum, þá hefði ég lesið þau og sennilegast lesið þau sama hvaðan þau hefðu komið. Ekki skilja mig á þann veg að ég sé að kenna þeim um vegna þess að það er ég alls ekki að gera. Sá sem skrifaði bréfin hefur ekki neitað því eða kennt öðru fólki um þau.

Systirin nefnir ( sá ég á netinu) að enginn hafi trúað Guðrúnu. Það er leitt að heyra það, sé það rétt. Má þá ekki alveg eins fjalla um hlut þess fólks í málinu um leið, víst verið er að fjalla um þetta mál ennþá á annað borð ?

Annars vona ég frá hjarta mínu , eins og ég hef áður sagt, að þau öll nái sáttum, frið og fyrirgefningu. Annað er ekki í stöðunni að mér sýnist.

Hjördís Vilhjálmsdóttir, 23.3.2012 kl. 13:38

Ég gef lítið fyrir röksemdir þínar Einar, þú ert að skamma fólk hérna fyrir það eitt að vera ekki sammála þínum skoðunum.

Marta B Helgadóttir, 23.3.2012 kl. 14:50

Vandamálið er ekki pedófílarnir sjálfir. Þeim er ekki sjálfrátt. Það er næstum alltaf að börnum er ekki trúað sem er stóra málið. Ég líki honum við starfsfólk Breiðavíkur og ekki þessum tveimur málum í sjálfu sér.

Jón Baldvin setur fram skýringar og afsökun á "dómgreindarleysi" þegar hann ætti að segja: "Fyrirgefðu enn ég var veikur maður á þssum tíma". Hann gæti alla vega spurt heiðarlega hvað þau vilji að hann geri eða segi við þessa frænku sína. Hún slapp sjálfsagt með skrekkinn, enn það gera ekki öll börn og þau fá ekki þessa umræðu í þjóðfélaginu sem þau ættu skilið. Pedófóli er alls ekkert dómgreyndarleysi. það er fyrir löngu búið að "finna upp hjólið" í þessum málum og þarf ekkert að gera það upp á nýtt, nema þá á Íslandi.

Það eru fullorðnir í umhverfi barna sem er við að sakast og ekki fárveikt fólk eða börnin sjálf...og svo hentu dómarar þessu af borðinu þegar hún leytaði til þeirra. Og fáir urðu hissa. Þetta eru vond mál og þau þarf að hreinsa upp án undanbragða frá fólki sem vill vera ábyrgt. Sama hver á í hlut.

Óskar Arnórsson, 23.3.2012 kl. 14:56

Óskar, ég veit ekki nákvæmlega hvað JBH hefur sagt við hana sjálfa til að biðjast fyrirgefningar.

Ég legg ekki þessi bréf að jöfnu við að vera pedófíl og það væru þá sérfræðingar með menntun til þess sem lagt geta mat á það. Mér þykir mjög alvarlegt að ásaka nokkurn um slíkt. Ég hef ekki séð að Guðrún , sem nú er fullorðin ung kona, hafi ásakað hann um slíkt.

Það er engin nauðsyn að ganga með opin sár þegar fyrirgefning getur læknað þau. Ég vona að frænkan hafi nú fundið frið í hjarta sínu og að þessi umfjöllun öll hafi skilað henni því sem hún vonaði, þeas það sem ég tel, og það er viðurkenning á orðnum atburðum með þessum bréfum og að hún hafi nú öðlast sálarró og að hún nái að fyrirgefa, sem er það sem allir þurfa að gera til að ná betri líðan. Óska henni alls hins besta og sama á við um alla þá sem málinu tengjast og ég vona að sáttir náist í fjölskyldum þeirra. Amk einhver friður og að þessari viðbót sem fram hefur komið frá systur hennar, verði lokapunktur þessa máls.

Hjördís Vilhjálmsdóttir, 23.3.2012 kl. 15:25

Er það ekki augljóst?

Hún laug einfaldlega um þetta mál. Hún kaus að "hefna sín" á ógeðfelldan hátt.

Marta,

Þetta er soldið spurning um aðeins meira en "skoðun".

.....er það kannski ekki þín skoðun?? ;-) við skulum hætta þessum sandkassaleik.

Málið er að þetta mál er orðið alveg ljóst. Hún laug, hún er veik, blaðamaðurinn notfærði sér það m.a. vegna þess um hvern var að ræða. Síðan hvernig efnistökin voru í blaðinu er síðan kapítuli út af fyrir sig.

Hjördís,

Við getum vonað það, en svona tæklun á persónulegum vandamálum, getur aldrei verið réttlætanleg. Hvers konar samfélag yrði það. Nógu sjálfhverft er fólk í þessu samfélagi í dag.

Það hefur eflaust ekki verið létt fyrir Jón Baldvin að "svara fyrir sig". Maður vissi s.s. að þetta var fært í stílinn, en að þetta hefði verið svona svæsin lygi er eitthvað sem verður að staldra við.

Einar Arnarsson (IP-tala skráð) 23.3.2012 kl. 16:00

Ég óska henni líka alls hins besta. Pedófíli eða barnagirnd er hugtak yfir alvarlegt mentalt ástand og þá skiptir engu máli hvort fólk hefur gert eitthvað af sér eða ekki. Það á að meta það mest út frá viðbrögðum barnanna hvað er í lagi og hvað ekki, enn ekki hvaða afsakanir fullorðnir eru með. Nú er þetta barn orðið fullorðið og þá þorir hún loksins að segja meiningu sína og það er sorglega seint eins og venjulega...

Óskar Arnórsson, 23.3.2012 kl. 16:05

Einar, útskýrðu betur um hver laug og hverju með nafni ? Er ekki enn að ná þessu hjá þér ???

Hjördís Vilhjálmsdóttir, 23.3.2012 kl. 16:15

Óskar, ertu að segja mér að út frá því sem þú hefur lesið um málið í fjölmiðlum, sértu búinn rétt sí sona að fá niðurstöðu um geðheilsu JBH ? Ég held að geðlæknar geti ekki einu sinni metið fólk út frá blaðaskrifum , amk ekki þeir sem taka sérþekkingu sína alvarlega.

Það sem skiptir máli, þegar eitthvað mál kemur fram af ýmsum toga er að bregðast ekki svo harkalega við og oft óvægið, að fólk hætti að viðurkenna og biðjast afsökunar eða fyrirgefningar á misgjörðum sínum. Sagt er um mistök ( almennt, ekki að leggja mat á þetta mál), að viðbrögðin við þeim séu margfalt verri en sjáf mistökin. Það er ekki gott og þarf að breytast. Gerum fólki það létt að viðurkenna mistök sín og dómgreindarbrest,hvort sem það gerist í einrúmi eða fyrir alþjóð, og biðjist fyrirgefningar. Please.

Hjördís Vilhjálmsdóttir, 23.3.2012 kl. 16:23

Hugsanlega varð þetta mjög svo sorglega "fjölskylduböl" að fjölmiðlamáli vegna þess að þar var rætt um "fræga" landa. Vonandi hafa þau aðstöðu og fjárráð til að berjast fyrir löglegum rétti sínum í sambandi við birtingu og umfjöllum málsins í fjölmiðlum.

Kannski getur þetta mál vakið athygli á þörf þess að fyllstu aðgát sé gætt í sambandi fullorðinna og barna og nauðsyn þess að börn sem finnast einhver fullorðinn sýna sér "óþægilega"athygli viti hvert þau geti leitað með sínar tilfinningar.

Kannski gerist það oftar en okkur grunar að fullorðinn villist inn í svefnherbergi barns með wiskýglas í annari hendinni og vindil í hinni.

Kannski ættum við að vera betur upplýst um þær aðferðir sem hin ýmsu afbrigði pedófila nota til að nálgast mark sitt.

Kannski gæti þetta "fjölskylduböl" leitt til umhugsunar um hugtökin afsökun og fyrirgefning. Þau eru kannski ekki eins einföld og halda mætti.

Agla (IP-tala skráð) 23.3.2012 kl. 17:58

Takk fyrir innlitið Agla,

Held að eitt af því sem almennt þykir erfitt í samfélaginu okkar er það að biðjast fyrirgefningar og fyrirgefa. Það þarf að breytast og gerir það vonandi sem fyrst. Það þarf að vera auðvelt og skila þá því sem lagt er upp með. Það er öllum til góðs að geta fyrirgefið. Við búum að auki í kristnu samfélagi og eitt af mikilvægu atriðinum í kristni er fyrirgefning.

Hjördís Vilhjálmsdóttir, 23.3.2012 kl. 19:17

Rétt hjá þér að við búum í kristnu samfélagi og höfum presta og þeirra yfirmenn okkur til aðstoðar til þess að ráða úr siðfræðilegum vandamálum eftir sinni kenningu.

Mér dettur í hug eitthvað í áttina við að fyrirgefa þeim sem vissu ekki hvað þeir gerðu og náttúrulega "fyrirgef oss vorar syndir"

Mér dettur samt ekkert í hug úr minni kristnu fræðslu sem gæti gefið leiðbeiningar um hvenær og hvernig við biðjum hvert annað fyrirgefningar á gjörðum okkar eða afleiðingum þeirra.

Agla (IP-tala skráð) 23.3.2012 kl. 20:57

Takk fyrir innltiið Agla,

Að skilja hvað fyrirgefning er ekki létt get ég sagt þér. Hef átt í basli sjálf með það og reynt að ná þessu betur. Eins og ég skil það, þá þarf maður að biðja þann fyrirgefningar sem maður hefur sært á einn eða annan hátt, .t.d. með því að segja: ,, mér urðu á mistök og ég bið þig um að fyrirgefa mér". Þannig öðlast sá særði möguleika á að sárin grói með því að viðurkennt sé að eitthvað hafi verið gert á hans hlut. Að fyrirgefa er svo það að atburðurinn sé ekki lengur að plaga okkur; sé ekki lengur byrgðar á hjarta okkar. Það finnur maður best með því að það særir ekki lengur né grætir mann þegar talað er um atburðinn eða maður hefur hreinlega gleymt honum. Veit ekki hvort ég skilji þetta rétt en svona hef ég skilið að fyrirgefning snúist um.

Við þurfum almennt að læra um fyrirgefningu að ég tel, við erum upp til hópa að baslast með þetta og vitum ekki alveg hvað fyrirgefning er, hvort sem er að biðja um hana eða að fyrirgefa sjálfur í hjarta sínu. Það fer verst með okkur sjálf og skemmir okkur sjálf mest, ef við getum ekki fyrirgefið. Það að fyrirgefa þýðir þó ekki að við höldum áfram að umgangast viðkomandi eins og ekki neitt hafi í skorist, en óvildin hverfur.

Hjördís Vilhjálmsdóttir, 23.3.2012 kl. 21:13

"Hún laug," segir Einar Arnarsson, "hún er veik, blaðamaðurinn notfærði sér það." Hann hefur greinilega ekki orðið var við það að Jón Baldvin hefur staðfest að það sem stúlkan sagði er rétt, hann sendi barni og síðan unglingsstúlku bréf sem voru svo óviðurkvæmileg að hann baðst síðar afsökunar á þeim. Var Jón Baldvin þá líka að ljúga? Er hann líka veikur? Er hugsanlegt að Eiður Arnarsson sé kannski veikur lygari? Af hverju er hann að notfæra sér þetta mál?

Hversemer (IP-tala skráð) 23.3.2012 kl. 23:28

Takk Hjördís, fyrir þínar fallegu hugsanir.

Það er eitt sem ég geri: Ég fyrirgef alltaf öllum.

Nú hugsið þið: Meðvirk, mikið?

Þetta er samt af einskærri eigingirni.

Af því um leið og ég geri það ekki, er ég að leyfa fólki út í bæ að stjórna minni líðan.

Og það kemur ekki til mála.

Erin (IP-tala skráð) 23.3.2012 kl. 23:32

Ég skil ekki frekar en þú, Hversemer,hvað hann er að tala um og er búin að biðja hann um að útskýra betur hvað hann á við og um hvern hann er að tala.

Hjördís Vilhjálmsdóttir, 23.3.2012 kl. 23:44

Það er góður kostur að geta fyrirgefin Erin og gott að þú sért þannig manneskja. Meðvirkni eða ekki, má allt eins kalla það samkennd eða hafa þann eiginleika að geta sett sig í spor annarra. Held að meðvirkni sé oft misskilin, hún er alls ekki með öllu slæm, hún hefur þennan kost sem ég var að nefna, eins og ég hef skilið hana blessaða.

Vel orðað hjá þér hvað gerist ef fólk nær ekki að fyrirgefa, þá erum við einmitt að leyfa öðrum að ráð líðan okkar, sem bitnar mest á okkur sjálfum en ekki þeim sem fyrirgefningarleysinu er ætlað. Það breytist oft í þrjósku; að vilja ekki gefa sig og rétta hinn vangann. Kannast vel við það sjálf en er að reyna að læra og skil því vel að fólk eigi erfitt með að fyrirgefa og sættast, því miður, af eigin reynslu í mínu lífi.

Hjördís Vilhjálmsdóttir, 23.3.2012 kl. 23:49

Hjördís,

Hvað heldur þú?? Þeir sem lásu á milli línanna sáu að þetta var mjög vafasamt mál. Núna er komið í ljós að konan laug, og síðan hvernig

hún gerir úr sér fórnarlamb og segist hafa þurft að flýja land.

Óþverra blaðamennska, og gerir engum gott.

"Hvaðsemer",

Og þú heldur áfram, þrátt fyrir allt saman. Voðalega áttu erfitt með að tjá þig um þetta.

Það er nefninlega að það þarf allt tvo til, viðurstyggilega manneskju(svipað og þú virðist vera) og síðan lélegan blaðamann.

Samt getur maður ekki annað en staldrað við ábyrgð tímaritsins. Þvílíkur dómgreindarskortur á þeim bænum, og líklega miklu

meira en það.

Jafnvel eftir allt þetta, og áttu náttúrulega blaðamaðurinn og "frænkan" von á því að hann myndi "lúffa", en núna sitja þessi viðbjóðir eftir með sárt ennið, og

hafa eyðilaggt fyrir þessari vesalings manneskju, og miklu meira en þeir nokkru sinni gátu gert sér grein fyrir.

Það er svo mikill skortur á fagmennsku í íslenskum fjölmiðlum. Það er varla 1/3 af blaðamönnum, sem hafa minnsta snefil af hæfileikum að fjalla um mál.

Einar Arnarsson (IP-tala skráð) 23.3.2012 kl. 23:56

Einar, ertu að segja að Guðrún Harðar hafi logið uppá JBH ???

Og hver situr nú uppi með sárt ennið og fyrir hverjum er búið að eyðileggja ? O ghverjir þeir áttu að gera sér grein fyrir og þá hverju ?

Sorrý, ég er bara ekki nógu klár að lesa á milli línanna, sérstaklega ekki þar sem JBH hefur ekki neitað bréfaskriftunum. Spell it out, please.

Hjördís Vilhjálmsdóttir, 24.3.2012 kl. 00:06

Veistu það Hjördís að ég held að þú viljir ekki vita hvað ég veit mikið um þessi mál. Ég mynda mér engar skoðanir á því sem Steingrímur segir og bara á því hvað Guðrún segir og núna sytir hennar henni til stuðnings. Grimmdin sem þau eru að berjast við kann ég út og inn....Vil ekki einu sinni vita meira enn það sem ég veit í dag.

Sendi þér eitt sálfræðiviðtal við eitt fórnadýr sem ég er eiginlega steinhissa á að skuli vera gert opinbert. Ég er búin að vinna við svona mál og mörg margfalt verri í 25 ár. Þetta er sálfræðisamtal við barn sem sýnir hvernig hrætt barn getur orðið.

http://www.youtube.com/watch?v=ME2wmFunCjU

Börn þurfa bara að verða hrædd að ákveðnu marki. Verða þau það, þá þurfa þau kanski að berjast við þessa hræðslu sýna allt lífið. Sem því miður í verstu tilfellunum er ekki alltaf svo langt....

Ég verð nú bara að segja við Einar hérna að ég er alls ekkert óánægður með því að "sverja mig í ætt við Hjördísi" eins og hann segir. Hann er hræddur við þetta og það eru flestir. Málið er að Einar þarf að skoða þetta öðruvísi enn hann gerir. Hann lýsir hræslunni vel við svona mál og ógeðinnu sem almenningur hefur á þessu. Það getur vel verið að Guðrún ljúgi einhverju. Enn það gera öll fórnalömb sem hafa verið viti sínu fjær af hræðslu sem börn.

Lýgi, "hlutir færðir í stílinn" og allskonar "réttætingar" á báða bóga fylgja svona málum. Ég vel að trúa Guðrúnu og alls ekki Jóni Baldvini. Ég nenni ekki einu sinni að hafa skoðun á því sem Bryndis segir. Ég skil hana og ekkert meira enn það...

Ég er ánægður að "sverja mig í ætt við Hjördís" eins og Einar orðar það. Ég skil vel góðmennsku Hjördísar og kunnáttuleysi Einars. Hann sýnir einmitt hræðsluna sem er í þessum málum. Og ég skil hann vel. Einars "kritik" hef ég heyrt hundruðum saman. Fólk fer í sjokk og byrjar að tala eins og lögfræðingar. Svona mál er hafið yfir alla lögfræði og vangaveltur um hvað sé hægt að sanna og hvað ekki. Það er sjálf umræðan sem skiptir máli, og ekki alltaf hverjir eiga í hlut.

Þetta snýst ekkert um blaðamenn Einar, eða hversu mikið þeim langar í skandal. Það er til fólk sem hefur þannig reynslu að það gæti gefið út sjokkerandi tímarit um sjálft sig. Ég skil algjörlega þína hlið á þessu máli. Hún er "hin venjulega" og ég vinn meðal annars við að breyta þeirri skoðun fórnarlömbum allskonar ofbeldis í hag...

Óskar Arnórsson, 24.3.2012 kl. 01:01

Takk Óskar, ég þarf að lesa þetta betur og kommenta þá síðar. En hvaða Steingrím ertu að tala um ?

Hjördís Vilhjálmsdóttir, 24.3.2012 kl. 01:10

... afsakaðu prentvilluna, Jón Baldvin átti þetta að vera og ekki forsætisráðherrann. Var greinilega að hugsa eitthvað annnað samtímis ...

Óskar Arnórsson, 24.3.2012 kl. 01:16

Hjördís,

Greinin í Nýju Lífi var meira og minna uppdiktuð. Blaðið vildi búa til einhverja "mynd", sem var ekki sannleikanum samkvæmt. Þessi bréf voru skrifuð, en öllu er vísvitandi blandað saman, og síðan þessar ásakanir um "kynferðislega áreitni", voru svo fráleitar. Það er kannski alltaf spurning hvenær maður er að ljúga eða ekki, en það er alveg ljóst að manneskjan veit betur, og það má jafnvel lesa í Mannlífi. Málið er bara að hún býr til sögu "í samræmi" við líðan sína.

Málið snýst um að ef svona ásakanir koma fram er nánast ómögulegt fyrir manninn að verja sig, og sér í lagi í svona máli. Stundum best að gera ekki neitt, því "öll umræða" virðist vera slæm.

Í dag er ábyggilega til fullt af fólki sem trúir einhverju allt öðru, en kom fram í blaðinu. Jafnvel það, sem þar stóð er ekki einu satt. Þannig að......

Síðan ef maður skoðar allt sem á undan var gengið, þá er dómgreindarskortur ritstjóra Nýs Lífs mikill. Hvort að aðilar nái saman, tel ég einkar hæpið, enda verða margir aðilar að éta ansi mörg orð ofan í sig til þess.

Þannig að sannleikurinn skiptir ekki máli Óskar. Merkilegt. Öll eigum við okkar reynslu, og okkar umhverfi. Eina sem við getum gert er að sýna hvort öðru skilning, og virðingu. Svona viðurstyggilegheit, sem blaðið býr til, og allt þetta mál, er bara það viðurstyggð. Það kemur þinni vinnu, og fórnarlömbum almennt, nákvæmlega EKKERT við.

Einar Arnarsson (IP-tala skráð) 24.3.2012 kl. 01:51

Sannleikurinn skiptir máli. Óskar talar um "svona mál". Mér finnst hann vera með því að gera lítið úr þjánungum þeirra barna sem hafa vorðið fyrir grófu líkamlegu ofbeldi. Að setja sama sem merki milli unglings sem fékk dónalegt bréf (sem hún vissi hver skrifaði og hefði getað hennt því í ruslið án þess að lesa það ef hún vildi), og barna sem verða fyrir grófu kynferðislegu ofbeldi og eiga sér engrar undamkomu auðið finnst mér satt að segja andstyggilegt og óviðeigandi.

Hörður Þórðarson, 24.3.2012 kl. 02:47

Ég tala um fórnardýrin í svona málum Hörður. Það sem þau ganga í gegnum og hvað þeim finnst þau þurfa að gera til að fá sig í lag aftur. Það er reynt að draga umræðunna inn á eithvað allt annað enn það er. Eða þú misskilur mig hrapallega Hörður ef þú heldur að ég sé að gera lítið úr þjáningum barna!. Ég set SAMASEMMERKI milli þeirra sem brjóta gróflega á börnum og þeim sem gera sig líklega til að gera það Hörður. Ég geri það og ef þú vilt vita af hverju, þá segðu til. Ég sé sjálft málið sem aðalatriði og ekki hverjir eru innblandaðir. það hefur komið fram oft +áður.

Prófum andstæðunna:

Guðrún laug öllu saman Jón Baldvin sendi bréf á fylleríi og Guðrún notar það núna til að pína gamla manninn. Bryndís er alveg miður sín yfir grimmd Guðrúnar.... hljómar þetta ekki ótrúlegt Einar? Þetta hljómar alla vega þægilegt til að losna við leiðindamál....

Það er augljóst að þetta er stórt tilfinningamál og þess vegna er ég yfirleitt að tjá um það. Mér er nákvæmlega sama um hvaða blaðamenn eru að skrifa, hver birtir hvað eða hver hefur sannað hvað á hvern. Ég er hvorki lögfrðingur né kemur mér við hvaða lög eru um þessi mál, enn Einar segir eitt alveg satt: "Þetta snýst um sannleikann" í málinu. Sannleikurinn er tilfinningalegs eðlis og ekki lögfræðilegs. Sannleikurinn fer ekki í manngreinarálit né annað. ...

Óskar Arnórsson, 24.3.2012 kl. 04:09

Einar Arnarsson: Jón Baldvin Hannibalsson hefur staðfest að hann skrifaði bréf til unglingsstúlku þar sem hann var að lýsa því þegar hann og Bryndís eiginkona hans voru uppi í rúmi og hann fór að "fór að ríða henni í hægum takti og hún stundi þungt eins og skógardís". Öllum nema nánustu aðstandendum Jóns Baldvins Hannibalssonar (og svo mikill æsingur er í þér að þú ert eflaust einn af þeim, nema hann sé sérstakur velgjörðarmaður þinn, nú eða pennavinur) finnst þetta viðbjóðslegt. Þetta eitt og sér er nóg til að héðan í frá munu allir efast um dómgreind Jóns Baldvins Hannibalssonar. Þetta verður hluti af arfleifð hans og er að öllu leyti honum að kenna; ekki stúlkunni sem fékk bréfin og sagði frá þeim og ekki blaðinu sem birti þau. Jón Baldvin Hannibalsson skrifaði þessi bréf.

Allt tuð um að ekki hefði átt að segja frá þessu er viðbjóðslegt dekur við valdastétt. Það skiptir svo engu máli hversu oft Jón Baldvin biðst afsökunar, það breytir því ekki að hann skrifaði þessi viðbjóðslegu bréf.

Hversemer (IP-tala skráð) 24.3.2012 kl. 08:15

Takk Óskar 01:16, skyldi ekki neitt um hvern þú varst að tala, mundi ekki til þess að þetta nafn hafi komið í umræðunni um bréfamálið.

Hjördís Vilhjálmsdóttir, 24.3.2012 kl. 08:47

Takk fyrir að skýra þetta betur Einar, en JBH hefur ekki sakað Guðrúnu um lygi, né nokkur annar svo ég hafi tekið eftir, fyrr en þú núna. Það væri helst á hans færi að gera það.

Rétt er það að erfitt er að verjast ásökunum og þessvegna þarf að gæta orða sinna. Sem er almennt góður siður í allri umræðu að auki. Það eina sem við getum virkilega sannað að er ekki satt, er það ef við erum ,,sökuð" um að vera dáin. Eina sem þá þarf til að slá á slíkar sögur er að sýna sig á lífi. Það hafa nokkrir lent í slíku, t.d. veðurfræðingur ( að mig minnir) sem var alltaf á skjánum og svo Hemmi Gunn. Báðir eru enn sprelllifandi og gátu þar með ,,drepið" ásakanir / kjaftasögu um að þeir væru dánir.

Svo er gott að hafa í huga, að ef umræðan snérist um okkur sjálf og okkar eigin yfirsjónir, hvernig myndum við þá vilja að um okkur væri fjallað ?

Hjördís Vilhjálmsdóttir, 24.3.2012 kl. 08:56

Hversemer. Gerir þú þér grein fyrir að þetta blogg er öllum opið, sama á hvaða aldri lesendur kunna að vera. Hvað skyldu margar unglingstúlkur nú lesa þessa lýsingu og bíða þess aldrei bætur að hafa þannig glatað sakleysi sínu, já orðið "fórnardýr" eins og Óskar lýsir hér að ofan? Þú, hversemer getur beðist afsökunar en það breytir því ekki að þú skrifaðir þessi "viðbjóðslegu" orð. Hvað getur þú gert, hversemer til að bæta fyrir þetta? Væru nokkur ár í grjótinu nóg til að bæta tjónið? Hvað hefur þú búið til mörg "fórnardýr" með subbulegum skrifum þínum?

Hörður Þórðarson, 24.3.2012 kl. 08:57

Langar að heyra skoðun á því sem ég laggði upp með í þessu innleggi mínu, og geri hér copy/ paste á það :

Komið til að vera ?

Vona að þessu máli ljúki með sátt allra sem hlut eiga að máli sem allra fyrst. "

Hjördís Vilhjálmsdóttir, 24.3.2012 kl. 08:59

Nei, einungis þeir sem eru umdeildir og eða líklegir til að sækjast eftir embættum, eins og til dæmis forsetaembætti munu fá jafn mikið pláss í fjölmiðlum. Ef Jón Jónson sendir dónalegt bréf er flestum nokk sama. Ekkert verður skrifað um það, því enginn nennir að lesa um það og enginn hefur haga af því að draga nafn Jón´s í gengum skítinn.

Hörður Þórðarson, 24.3.2012 kl. 09:04

Takk fyrir þetta Hörður,

En hvað með þá sem telja á sér brotið og upplifa að enginn trúi þeim og að kerfið hafi brugðist þeim ?Hvers á það fólk að gjalda þegar sá sem gerir á hlut þeirra er ekki þjóðþekktur einstaklingur ? Hvernig á þá því fólki að takast að ná frið í hjarta sínu og gera upp sín mál ?

Var JBH að spá í Forsetaframboð ?

Hjördís Vilhjálmsdóttir, 24.3.2012 kl. 09:24

Hvernig á þá því fólki að takast að ná frið í hjarta sínu og gera upp sín mál ?

Friðurinn kemur innan frá, ekki að utan.

Var JBH að spá í Forsetaframboð ?

Hef ekki minnstu hugmynd.

Hörður Þórðarson, 24.3.2012 kl. 09:30

Ég hefði einmitt haldið það Hörður og þá ætti ekki að þurfa að nýta fjölmiðla til þess í rauninni, eða hvað ?

En hafði einhver hag af því að mál JBH færi í fjölmiðla ?

En ef þolandinn er þjóðkunnur einstaklingur og gerandinn ekki, ætti þá að nafn-og myndbirta meintan geranda í umfjöllun fjölmiðla ?

Hjördís Vilhjálmsdóttir, 24.3.2012 kl. 09:44

Hörður: Google fann þessi orð fyrir mig og þau eru að eilífu aðgengileg fyrir allan heiminn. Ef ég hefði skrifað þessi orð í einkapósti til unglingsstúlku væri ég vissulega viðbjóður, rétt eins og höfundur þeirra.

Sá sem líkir því saman að áreita unglingsstúlku (og barn) með klámfengnum bréfaskriftum og því að afrita orð sem hafa verið birt opinberlega er dómgreindarlaus kjáni. Á það við um þig? Hvernig mun þér takast að ná frið í hjarta þínu og gera upp þín mál? Bendi á að friðurinn kemur innan frá, ekki að utan.

Hversemer (IP-tala skráð) 24.3.2012 kl. 10:18

Reynum að vera góð og kurteis við hvert annað Hversemer og Hörður ;) Reynum að láta ,,skothríðir " eiga sig ef hægt er. Takk.

Virðist misskilningur ykkar á milli, það eru gæsalappir á innleggi Hversemer, en svo má deila um það hvort nauðsyn sé að hafa endurbirt þessi orð, þó svo þau sé að finna á Google ?

Hver er þín skoðun á upphaflegu innleggi mínu á þessum þræði, sem ég endurtók hér áðan ? Mátt alveg segja mér hana Hversemer.

Hjördís Vilhjálmsdóttir, 24.3.2012 kl. 10:49

Hjördís: Fólki finnst gaman að lesa um fólk og því munu svona mál alltaf vekja mikla athygli. Það eykur svo áhugann til muna þegar um er að ræða þekkt eða áberandi fólk. Að því leyti er ekki jafnræði í þjóðfélagi okkar og verður aldrei. Jón Baldvin Hannibalsson er áberandi og hefur alltaf verið umdeildur. Það ýtir undir áhuga fólks á að lesa fréttir af því er honum verður á, en andstæðingar hans og/eða óvildarmenn hafa örugglega gert sitt til að ýta undir þessa umræðu. Það er þó alltaf illt þegar menn vilja verja slíka menn með því að varpa sökinni yfir á fórnarlambið.

(Jón Baldvin langaði líka einu sinni til að verða forseti og lét gera skoðanakönnun um það hvort hann ætti möguleika á móti Ólafi Ragnari en hætti við þegar hann sá niðurstöðu þeirrar könnunar (sjá DV 14. maí 1996).)

Svar við spurningu þinni í upphafi (Munu allir þeir ...) er því nei, fólk mun alltaf frekar vilja lesa um frægt fólk en óþekkt. Þannig er það og þannig verður það.

Hversemer (IP-tala skráð) 24.3.2012 kl. 11:14

Að mínu mati er málið ekki flókið. Hér er um ruslblaðamennsk af verstu gerð að ræða. Útgáfufélagið Birtingur á í fjárhagserfiðleikum og því er öllum brögðum beitt til að ná sér í nokkrar krónur. Stúlkukindin á bágt, hefur fengið borgað fyrir viðtalið og líklega líður henni betur eftir það athygli sem málið hefur fengið. Jón Baldvin er eins og hann er og hefur alltaf verið. Intelligent, en vandræða gemlingur. Búinn að biðjast afsökunar dag og nótt, liggjandi á hnjánum, standandi á haus. Hvað vilja menn? Að hann gangi út og hengi sjálfan sig. Rétta svarið við þessum óhroða er að kaupa ekki né auglýsa í blöðum frá Birtíngi. Þetta er mín persónulega skoðun á þessu ömurlega máli.

Haukur Kristinsson (IP-tala skráð) 24.3.2012 kl. 11:31

Takk fyrir svar þitt Hversemer. En fjölmiðlar gætu vel gætt jafnræðis og leyft öllum sem vilja tjá sig að koma þá fram og hafa sama háttinn á og nafn-og myndbirta meinta gerendur. Og sjá svo hvað það fær mörk " hits" á netinu.

Hjördís Vilhjálmsdóttir, 24.3.2012 kl. 11:38

Já Haukur, hef velt þessu sama fyrir mér, hvort fólk óski þess að sjálfsmorð eigi sér stað.

Eða hvort fólk vilji að augun sé potuð úr honum,hann hýddur á Lækjartorgi eða hvort það ætti evt að framleiða Vúddú dúkkur og svo þeir sem vilja geta þá potað með nálum...hvað myndi nægja svo fólk geti fyrirgefið honum ? Bréfin voru send og ekki hægt að taka það tilbaka þó reynt yrði. Guðrún varð fyrir mikilli vanlíðan vegna þeirra.

Þetta er ömurlegt mál í alla staði og ég óska engu barni þess að fá slík bréf. En það sem ég hef hugsað er hvað meira getur JBH gert en það sem hann þegar hefur gert ? Það er ekki gott ef fólki er gert það svo alltof erfitt að viðurkenna og biðjast afökunar á máli sínu, eins og JBH hefur gert. Við gerum öll mistök þó misjöfn séu og það er enginn alslæmur og enginn algóður. Fyrirgefning er það sem þarf að eiga sér stað. Ég óska þess einnig að Guðrún nái að jafna sig og geti fyrirgefið sín vegna.

Ég vona að umfjöllun um þetta mál í fjölmiðlum sé lokið. Þetta er komið alveg meira en gott og varla meira við málið að bæta. Fjölskyldurnar sem hlut eiga að máli, vona ég að útkljái restina í einrúmi, hvort sem það yrði gert hjá prestum, fjölskylduráðgjöfum eða öðrum. Og nái að fyrirgefa og halda lífim sínu áfram. Það verður ekki létt en ég vona að þeim takist það engu að síður. Óska þeim öllum alls hins besta.

Póstaði innleggi hér um það áður, fyrirsögnin er : ,, Eitt sinn skal hver maður deyja" , fyrir þá sem vilja lesa það.

Hjördís Vilhjálmsdóttir, 24.3.2012 kl. 11:55

Hjördís,

Þú talar um að ekkert barn óski sér svona bréfa.

Í þessu máli skiptir miklu í hvaða tímaröð, og á hvaða aldri hún var þegar bréfin komu.

Í fyrsta lagi þá bað hún hann um að senda sér bréf.

Grófasta bréfið sem hann sendi var þegar hún var 17 ára, og hann talaði um "samfarir", þau í mismuandi heimsálfum, og hann kófdrukkinn.

Í eitt skipti þegar hún var 15 minntist hann á "kynþroskaaldurinn".

Maður veltir fyrir sér t.d. ábyrgð foreldra. Hvort ætli sé meira "brot". Að koma ekki í veg fyrir að barnið þitt sæki í "óæskilegt" efni sem nægt framboð er á, út um allt. Hins vegar ef drukkinn maður myndi segja "klámbrandara" fyrir framan 17 ára ungling í eitt skipti.

Tvískinnungurinn í samfélaginu eða "umræðunni" er með hreinum ólíkindum. Fólk hoppar á þetta(jafnvel þó að ljóst sé að þetta er mjög vafasamt). Síðan í næsta skrefi hefur það engar skoðanir eða meiningar á þessum málum í samfélaginu.

Maður veltir því reyndar fyrir sér hvort að það sé ásetningur Þóru Tómasdóttur að hreinlega gera sig útlæga úr íslensku samfélagi, svo mikil steypa og rugl, og ófagmennska kemur frá þeirri manneskju.

Hversemer,

Allt þetta skiptir máli. Þetta snýst ekkert "dekur" við valdastétt. Ég þekki manninn ekkert.

Einar Arnarsson (IP-tala skráð) 24.3.2012 kl. 14:08

Málið með Jón Baldvin vekur athygli eingöngu vegna í hvaða stöðu maðurinn var í og líka í hvaða stöðu hann sjálfur heldur sig vera. Jón Baldvin er ekkert öðruvísi enn annað fólk. Umræðan um þetta mál er mikilvægari enn sjálft atvikið að hann skrifaði bréf, hræddi barn og ungling með þessari hegðun sinni, og notar klassískar afsakanir þegar það er gert opinbert.

Guðrún er hetjan í þessu máli og ekkert hefur komið fram enn sem mælir með neinu óréttæti gagnvart Jón Baldvin. Hvergi. Það sem hann segir eru næstum "krónológisk" viðbrögð manns sem ekki kann að vera heiðarlegur. Annars væru þetta yfirleitt ekki til umræðu. Það er ekki nóg að hafa skoðanir á svona málum. Fólk þarf að skilja hvað veldur svona og hverjar séu afleiðingarnar. Annars nenni ég ekki að tala um þetta mál lengur því ég þarf að sinna miklu alvarlegri málum.

Hjördís talar um fyrirgefningu fyrir Jón Baldvin, og ég skil það vel, enn það er því miður eins og að hringja á slökkviliðið þegar hús brennur, og fá bara loforð um rannsókn á hvernig eldurinn byrjað, i sem svar. Vill nokkur hafa svoleiðis slökkvilið í vinnu? Þarf að vita nákvæmlega hverngi eldurinn byrjaði áður enn ráðist er í að slökkva hann?

Þessi mál eru venjulega í lokuðu réttarhaldi og það er algjörlega rétt gagnvart öllum innblönduðum aðilum. Örfá dæmi eru til þar sem menn hafa verið ásakaðir um allt mögulegt rugl, og þá er það oftast þegar deilt er um börn í hjónaskilnaði.

Ég talaði nýlega við konu sem fékk 1 árs í fangelsi fyrir að ljúga upp á eiginmann sinn að hann hefði misnotað son þeirra. Hún segir sjálf að hún hafi logið vegna þess að hún var afbrýðissöm vegna framhjálhalds manns hennar. Bara eitt af endalausum málum í þessum dúr. Málið komst upp þegar einkalögregla spilaði inn samtal milli þeirra hjóna og var það notað sem sönnunargagmn gegn henni í réttarsal.

Séu þessi bréf staðreynd, þá er málið útrætt frá minni hlið. Hvaða athygli málið fær er bara vegna stöðu Jón Baldvins. Hvort athyglin sé rétt eða röng í eðli sýnu, verður hver fyrir sig að gera upp fyrir sjálfan sig. Aðalmálið er hvort þetta mál sé lærdómur eða ekki. Eða verður að bíða eftir nýju máli til að tala um áður enn fólk þorir að viðurkenna þetta sem vandamál og gera eitthvað til að fyrirbyggja svona ofbeldi gagnvart börnum.

Óskar Arnórsson, 24.3.2012 kl. 14:12

Einar, takk fyrir þetta innlegg,

Ábyrgðin er ávallt hjá þeim sem skrifaði bréfin og póstlagði, rétt eins og í dag. Nema nú er það fljótlegra og þarf bara að ýta á send. Held það séu mun fleiri email sem fólk sendir í dag og sem það sér eftir , en það er annað mál. JBH hefur sagt að þetta hafi ekki verið rétt og beðist afsökunar og reynt að sætta málið í ca. 10 ár, að ég held að fram hafi komið og ekki tekist. Það þykir mér dapurt. Þessi umfjöllun er orðin svo mikil að það þarf að passa að sem slík, valdi hún þá ekki nýjum sárum, það væri sorglegt. Nú vona ég að fyrirgefning náist hjá þeim sem hlut eiga að máli ; að þessi umfjöllun öll nái allavega að skila einhverju góðu.

Held að það sé pínu lenska í samfélaginu að biðjast afsökunar; biðjast fyrirgefningar, að við eigum almennt erfitt með að biðja um slíkt og að veita slíkt. Og svo er líka mismunandi hvernig fólki þykir að aðrir eigi að sýna iðrun. Við þurfum að æfa okkur með þetta, það gerir engum gott að fyrirgefa ekki.

Hjördís Vilhjálmsdóttir, 24.3.2012 kl. 16:01

Vonum að eitthvað gott komi út úr þessu öllu saman Óskar og að fólk muni ná að ræða um mál án þess að svo mikil læti og oft ljót orð falli um víðan völl.

Ég vona að það gerist ekki að það að fara með mál sem eru viðkvæm þeim sem í hlut eiga, í fjölmiðla, verði ekki notað sem hótanir. Það vita allir hvílíka útreið fólk hefur oft fengið í gegnum tíðina þegar svo persónuleg og viðkvæm mál eiga í hlut, hvort sem er um meinta gerendur eða meinta þolendur hefur verið að ræða. Í þessu máli var það JBH einn sem fékk útreiðina. Ég vona að mál linni. Það er nóg pláss í heiminum fyrir okkur öll, hvort sem aðrir telja okkur vera vont fólk eða gott fólk, með eða án vængja. Enginn er alslæmur og enginn algóður. Við erum nefnilega manneskjur með tilfinningar og erum svo langan veg frá því að vera gallalaus. Það á við um okkur öll.

Höfum í huga hvernig við sjálf viljum að tekið sé á því þegar við segjum frá einhverju sem hefur meitt okkur og sært, hvort við viljum ekki mæta virðingu og að okkur sé trúað. Og sömuleiðis hvernig við viljum að mistökum okkar sé mætt. Það er ekki fallegt að slá á útrétta sáttarhönd.

Hjördís Vilhjálmsdóttir, 24.3.2012 kl. 16:12

Hjördís: Mál eins og þetta verða alltaf erfið og þá sérstaklega fyrir þann sem fyrir áreitinu verður. Við sjáum það á svörunum við þessari bloggfærslu þinni hvernig Haukur og Einar ausa svívirðingum yfir stúlkuna; hún er athyglisjúk, bullari, lygari, viðbjóðsleg, sögusmetta, veik manneskja, viðurstyggileg, ógðfelld, hefnigjörn, veik, viðbjóður, dómgreindarskert vesalings manneskja. Þeir vita betur en hún þegar hún lýsir sinni upplifun og klykkja svo út með að segja að stúlkunni líði nú kannski betur eftir að hafa fengið borgað fyrir viðtalið.

Það hefur tekið áratuga baráttu á Íslandi að fá fórnarlömb kynferðislegrar áreitni til að þora að koma fram og segja frá reynslu sinni. Nátttröll eins og Haukur og Einar ættu eiginlega að vera útdauð, en þeir sýna hvað það er, því miður, langt í land.

Þú nefnir fyrirgefninguna og ég spyr á móti: Er hægt að fyrirgefa þeim sem er ekki einlægur í sinni iðrun? Hvernig veist þú hvort Jón Baldvin var einlægur þegar hann baðst fyrirgefningar? Stúlkan segir að hann hafi ekki verið það og ég hef engar forsendur til að rengja það, þekki hvorugt þeirra. Víst á að taka iðrun vel, en sá sem segir fyrirgefðu formsins vegna á ekki skilið að vera fyrirgefið.

Hversemer (IP-tala skráð) 24.3.2012 kl. 16:43

Það er nú það sem við getum ekki vitað með vissu Hversemer, hvernig fólk túlkar orðið FYRIRGEFÐU eða hvernig eigi að segja það.

Hinsvegar að þá óska ég þess að Guðrún nái að fyrirgefa JBH sjálfs síns vegna, annars mun henni líða illa áfram.

Mér þykir aldrei fallegt að slá á sáttarhönd, aldrei. M.v. það sem fram hefur komið hefur JBH rétt hana út en því miður ekki , m.v. það sem þú t.d. segir, tekist að segja það á þann hátt að Guðrún móttaki það.

Vonandi að það verði bara sýnd fræðslumynd um fyrirgefningu á RÚV, hvað það þýði og hvernig best sé að bera sig að með það. Held að margir eigi erfitt með þetta, þekki það úr eigin lífi og annarra og hef verið að reyna að skilja þetta og skil það betur nú en áður fyrr. Svo ég skil því miður af eigin reynslu hvað það er erfitt að skilja fyrirgefningu og nauðsyn hennar.

En ef þér þykir JBH ekki eiga fyrirgefningu skilið...hvað leggur þú til sem málalyktir á einhvern hátt ? Er gott að gleyma engu og fyrirgefa ekki neinum neitt ? Ég tel svo ekki vera. Þannig samfélag er ekki gott að búa í , eins og samfélög víða um heim eru enn þann dag í dag; auga fyrir auga, tönn fyrir tönn og þar sem fólk afgreiðir málin sjálft á götum og torgum, oft með grjótum þar til viðkomandi blæðir út. Hefndir.

Hjördís Vilhjálmsdóttir, 24.3.2012 kl. 17:28

Helst af öllu vildi ég að Guðrún og Jón Baldvin nái sættum, ekki bara hans vegna heldur hennar vegna, því það er satt hjá þér: Annars mun henni líða illa áfram. Liður í því er að hann, og fjölskylda hans, sýni sáttahug og auðmýkt, en ausi Guðrúnu ekki svívirðingum eins og eiginkona Jóns og sonur hafa gert á ósmekklegan hátt. Það er enginn minni af því biðjast fyrirgefningar af einlægni og allir meiri af að veita slíka fyrirgefningu.

Hversemer (IP-tala skráð) 24.3.2012 kl. 17:48

Vonum það Hversemer, að þau nái að sættast. Þau hafa án efa verið í sjokki vegna þessarar umfjöllunar og svo koma eðlilegt viðbrögð í framhaldinu, reiði þar á meðal og eðlilegt að fólk verji sig , annað væri það nú. Sjálf hefði ég ekki höndlað slíka útreið frammi fyrir alþjóð og vona að ég eigi aldrei eftir að kynnast slíku á eigin skinni eða minna nánustu. Hefði ekki einu sinni höndlað slíkt í heimahúsi eða í fjölskylduhópráðgjöf. Þetta mál er búið að vera í gangi hjá þeim í 10 ár ca. Það er enginn svo sterkur að hann/ hún þoli endalaust. Enginn.

Sendum þeim öllum fallegar hugsanir og vonum að þær skili sér.

Kærleiksknús frá mér ;)

Hjördís Vilhjálmsdóttir, 24.3.2012 kl. 18:13

Hversemer skrifar: "Helst af öllu vildi ég að Guðrún og Jón Baldvin nái sættum, ekki bara hans vegna heldur hennar vegna, því það er satt hjá þér: Annars mun henni líða illa áfram."

Þeir sem halda að þeim líði betur ef þeir fá eitthvað eða að einhverjir aðrir geri eitthvað eru dæmdir til að verða fyrir sífelldum vonbrigðum. (Þetta er reyndar lærdómur neysluþjóðfélagsins þar sem fólk þrælar eins of mýs á traðkmyllu til þess að geta keypt "eitthvað" eða náð einhverjum "árangri" sem nær síðan ekki að bæta líðanina á nokkurn hátt.) Að ná sáttum við aðra er lítilvægt samanborið við það að ná sáttum við sjálfan sig.

Hörður Þórðarson, 24.3.2012 kl. 19:36

Aldrei skrifaði ég að konan sem "varð fyrir" þessum bréfaskriftum væri annað en veik, og að hefna sín. Hins vegar sagði ég að blaðamaðurinn, og sumir lesendur væru viðurstyggð.

Það er stór munur á því.

Hversem er skrifar,

"en ausi Guðrúnu ekki svívirðingum eins og eiginkona Jóns og sonur hafa gert á ósmekklegan hátt."

Það hljóta að vera einhver mörk fyrir því hvað fólki finnst gaman að sparka í sig. Ef það bregðst síðan við, og einungis á hófstilltan hátt, þá er það ósmekklegt. Síðan þrátt fyrir að hafa viðurkennt "brotið", og beðist þráfaldlega afsökunar. Bíddu, góðan daginn!!!

Búinn að líða fyrir þetta aftur og aftur, og meira að segja hefur þessum bréfum verið dreift.

Ég held að það hoppi rosalega margir á einhvern "vagn", og síðan þegar þeir eru búnir að því, þá er rosalega erfitt að snúa honum.

Hjördís,

Ég veit vel að ábyrgðin er hjá þeim sem skrifaði bréfin. Ég var að meina að fólk fer á límingunum yfir þess, en á sama tíma, verða börn og unglingar fyrir margfalt verri áreitni, eða áreiti heldur en þetta.

Ég er að tala um ábyrgð foreldra, og jafnvel fullorðina almennt, gagnvart börnum og unglingum í þeim efnum. Þá er bara endalaus meðvirkni, og öllu snúið á hvolf.

Þetta er bara svona því miður, að stórum hluta.

Þetta heitir tvískinningur, og er jafnvel hræsni á köflum.

Einar Arnarsson (IP-tala skráð) 24.3.2012 kl. 19:57

Ríkislögreglustjóri telur sig ekki hafa forsendur til að víkja lögreglumanni tímabundið frá störfum þó fyrir liggi að hann er til rannsóknar vegna meintra kynferðisbrota gegn stúlkubarni. Þetta er annað málið á einu ári þar sem lögreglumaður er kærður fyrir kynferðisbrot gegn stúlku undir lögaldri

http://www.visir.is/logreglumanni-sem-grunadur-er-um-barnanid-ekki-vikid-fra-storfum/article/2011111118794

Það hefur ekkert breyst í þessu þjóðfélagi. Jón Baldvin hefði sennilega átt að vera lögga, þá þyrfti hann ekki að þola þessa umfjöllun.

magus (IP-tala skráð) 25.3.2012 kl. 01:57

Já Magus, það er mannamunurinn í umfjöllun fjölmiðla sem ég einmitt velti upp í innleggi mínu. Þarna er um grun um kynferðisbrot að ræða en með JBH er um áreiti að ræða eins og Guðrún upplífir það, hafi ég náð þessu rétt.

Hitt er annað að ég er alls ekki hlynt umfjöllun um kærur með nafni og/ eða mynd, það eru ekki opinber gögn og alls ekki allar kærur sem verða síðar að ákæru eða sakfellingu síðar. En þó er það þannig að jafnvel er fjallað nafn og myndlaust um einstaklinga sem hafa verið sakfelldir í Hæstarétti í ýmsum brotaflokkum.

Hjördís Vilhjálmsdóttir, 25.3.2012 kl. 08:53

Aldrei skrifaði ég að konan sem "varð fyrir" þessum bréfaskriftum ætti bágt,og væri að hefna sín. Hins vegar sagði ég að blaðamaðurinn, og sumir lesendur væru viðurstyggð.

Það er stór munur á því.

Hversem er skrifar,

"en ausi Guðrúnu ekki svívirðingum eins og eiginkona Jóns og sonur hafa gert á ósmekklegan hátt."

Það hljóta að vera einhver mörk fyrir því að fólk vilji láta sparka í sig. Ef það bregðst síðan við, og einungis á hófstilltan hátt, þá er það ósmekklegt. Síðan þrátt fyrir að hafa viðurkennt "brotið", og beðist þráfaldlega afsökunar. Bíddu, góðan daginn!!!

Búinn að líða fyrir þetta aftur og aftur, og meira að segja hefur þessum bréfum verið dreift.

Ég held að það hoppi rosalega margir á einhvern "vagn", og síðan þegar þeir eru búnir að því, þá er rosalega erfitt að snúa honum.

Hjördís,

Ég er að tala um ábyrgð foreldra, og jafnvel fullorðina almennt, gagnvart börnum og unglingum í þeim efnum. Þá er bara endalaus meðvirkni, og öllu snúið á hvolf.

Þetta er bara svona því miður, að stórum hluta.

Þetta heitir tvískinningur, og er jafnvel hræsni á köflum.

Einar Arnarsson (IP-tala skráð) 25.3.2012 kl. 12:01

Í fyrstu línunni í fyrri pósti átti að vera "aldrei hef ég skrifað annað en að". Þetta breytir merkingunni ansi mikið, best að hafa þetta á hreinu.

Einar Arnarsson (IP-tala skráð) 25.3.2012 kl. 12:06

Takk fyrir þetta Einar.

Það væri gott ef viðbrögðin við mistökum sem við öll gerum , væru almennt mild og amk ekki svo slæm að þau verði næstum verri á stundum en mistökin sjálf.

Hjördís Vilhjálmsdóttir, 25.3.2012 kl. 23:11

Ég missi áhugan á málefninu ef ég þarf að "scrolla" svona langt niður... ;)

Óskar Arnórsson, 26.3.2012 kl. 00:23

Á ég að stofna nýjan þráð Óskar ? ;) Eða eigum við að vona að umræðunni um þetta erfiða mál sem hefur tekið mikið á þá sem hlut eiga að máli sé lokið. Og að öll sár séu gróin eða grói sem allra fyrst. Setja loka punkt ?

En þar fyrir utan, þá er hægt að fara nokkuð hratt á scrollinu niður, meira að segja ég kann það sem fengi falleinkunn í tækni ög tölvum ef ég yrði testuð.

Hjördís Vilhjálmsdóttir, 26.3.2012 kl. 00:49

Ég er eitthvað klaufalegur við þetta. Stundum finn þræði finn ég hreinlega ekki aftur ef ég man ekki þess betur eftir þeim... ;) Ég vona allra vegna að þetta mál afgreiðist þannig að allir verði sáttir. ..

Óskar Arnórsson, 26.3.2012 kl. 10:19

Algjörlega sammála þér Óskar ;)

Hjördís Vilhjálmsdóttir, 26.3.2012 kl. 10:38