Beint tap

Þá per íbúa ??? Meina þeir það ? Eða er það þeirra eigin hlutur sem minnkar um 100 milljónir ? Hverju mun þetta breyta í raun og veru fyrir Grímsey ? Hvað mun bæjarsjóður tapa á þessu eða munu þeir evt hagnast ? Hversu margir eru á launum hjá fyrirtækjum sínum á lágmarkslaunum ? Hvaða akkur er það fyrir byggðarlögin í raun og veru ?

Það má vel vera að margt sé að þessu frumvarpi. En það þarf þó að skoða leiðir til þess að eigendur fisksins í sjónum, við öll, fáum leigutekjur úr hafinu. Hafi ég skilið það rétt, er verið að tala um gjald af hagnaði. Þá væri nú gráupplagt að hækka laun fiskvinnslufólks svo minna verði eftir í hagnað; þá minna leigugjald. Merkilegt hvað þau laun hafa mestallatfa verið sultarlág í þessari arðsömu aðalatvinnuvegi þjóðarinnar. Hefði haldið að fyrirtæki sem geta ekki greitt góð laun, væru í raun ekki með rekstrargrundvöll.

Annars er nú almenningur svo sem vanur því að breytingar sem skerða lífskjörin er nú bara smellt á að fólki óspurðu. Með réttu eða röngu. Það amk fær ekki svona mikla umfjöllun, skýrslur, hitafundi, athygli fjölmiðla, froðufellandi Þingmenn eða að fólk mæti á útifundi. Það þarf eitthvað að jafna stöðuna.

Milljón á mann í Grímsey