Lækkun vaxtabóta

Er það sem ég vona að verði ekki sú lausn sem kynna á, til þess að hægt sé að hækka aðrar búsetubætur.  Það þarf að muna að þeir sem fá vaxtabætur, þurfa hærri bætur að mínu mati, vegna þess að eigendur þurf að greiða fyrir viðhald , sem leigjendur og Búsetabúar þurfa ekki að gera.Margir sem hafa keypt, treysta á vaxtabætur og ef þær eiga að lækka, sem ég óttast, þá gegnur að sjálfsögðu ekki að gera það í einum grænum, heldur þarf nokkuð góðan aðlögunartíma, ef svo má að orði komast. 

Vonandi að þetta hækki þá allt, víst það þarf að hafa bætur á annað borð. Auðvitað væri best ef vextir og verðlag væri þannig að laun fólks nægðu. 

Svo vona ég að ekki eigi að búa til leigumarkað með íbúðum sem teknar hafa verið af fólki. Lyklafrumvarpið ber þess keim. 

Húsnæðiskerfinu umbylt

Athugasemdir

[Anna Sigríður Guðmundsdóttir, 20.5.2012 kl. 20:28]

Krullurnar í kerfinu eru svo faldar og gallaðar, að það er ekki nokkrum manni ætlað að skilja þessar kostnaðrasömu krókaleiðir kerfisins. Það er mér óskiljanlegt, hvernig nokkurt yfirvald (hvort sem það er íslenskt eða eitthvað annað) skuli sjá hagnað fyrir almenning, í því að flækja mál svo mikið, að ekki einu sinni þeir sem eru látnir framkvæma krókaleiða-kerfið skilja hvað er í gangi, né hver sé raunverulegi tilgangurinn.

Það mætti spara mikið með því að hætta að borga fólki laun og bónusa fyrir að flækja máli. Tryggingastofnun og lífeyrissjóðirnir eru gott dæmi um hvað mætti skapa miklar gjaldeyrisskapandi vinnu/framleiðslu, fyrir allan þann fjáraustur sem fer til spillis í krullu-ruglkerfið.

Annars þekki ég Lúðvík Geirsson einungis af góðu í sambandi við húsnæðismál og hugmyndir. Það má hann svo sannarlega eiga að mínu mati. Það á hver það sem hann á, sem hann hefur sýnt af sér af velvilja. Það verður ekki frá nokkrum manni/sálu tekið.

Spurningin er hins vegar hvort þessir tveir menn: Lúðvík og Guðbjartur hafi frelsi til að gera það sem raunverulega verður að gera? Ef þeir hafa það ekki, þá verða þeir  einfaldlega að taka sér það réttilega vald, án þess að spyrja einhverja siðblinda höfuðpaura úti í hinum stóra heimi um leyfi til að sinna réttlátu lýðræðislegu starfi í þágu mannréttinda.

Vogun vinnur, vogun tapar.  Sá sem ekki vogar að framkvæma eitthvað af heiðarleika og heilindum, hann tapar. Guðinn í hjarta hvers manns hjálpar þeim, sem af einlægni og heiðarleika hjálpa sér sjálfir, við að ná fram réttlæti fyrir heildina.

Gangi þeim sem best. Þetta er síðasta tækifærið til að standa strax við stóru orðin í þágu Íslandsbúa.

Hreyfingin getur ekki komið með einhverja nýja bið-leikbrellu eftir þetta útspil.

M.b.kv.

[Hörður Halldórsson, 20.5.2012 kl. 23:27]

 

Ef á að lækka vaxtabætur ætti  að  lækka vextina á verðtryggðu lánunum. 5% vextir á lán sem er verðtryggt fyrir er rugl (þekkist hvergi ) .Væri ekki hægt að sleppa vaxtabótunum og láta verðtryggð lán bera 1% vexti ? Eru ekki vaxtabætur skaðabætur fyrir oftekna vexti.?

[Guðmundur Ásgeirsson, 21.5.2012 kl. 01:49]

Nei það má ekki stoppa alla milljarðana sem fara hringinn úr ríkissjóði til lántakenda og þaðan í vaxtagreiðslur til Íbúðalánasjóðs og þaðan aftur til ríkissjóðs sem tekjur af starfseminni.

Ef það yrði gert myndi nefninlega mælast gríðarlegur samdráttur á landsframleiðslu. Jafnvel þó það hefði ekki nokkur einustu heildaráhrif á daglegt líf nokkurs manns.

Þess vegna þurfum við að borga fullt af fólki fyrir að vinna við útreikning, greiðslur og móttöku vaxtabóta, beggja vegna borðsins hjá ríkinu, og viðhalda háu flækjustigi í stað einföldunar og skilvirkni.

Því ef við myndum ekki gera það gætu hagfræðingar, þ.m.t. þeir sem vinna hjá Alþjóðagjaldeyrissjóðnum og öðrum stofnunum, haldið að við værum að fara á hausinn og yrðu þá sennilega órólegir.

Hagfræði 101. Einföld vegna þess hvað hún er vitlaus.