Ósanngjarnt að rukka

Og ég vona að Leifsstöð hafi þetta endurgjaldslaust sem allra fyrst.

Það þarf enginn að segja mér að allir sem þurfa að hafa fyrir því að kaupa netið fyrir 490 kr per klst., noti það allt og Leifsstöð hirðir því restina. Hvað ætli það séu háar fjárhæðir sem ekki er notað af því sem selt er ?

Eins og t.d. ferðamenn sem eru að bíða eftir að komast frá landinu...og koma margir hverjir aldrei aftur. Eða bara venjulegur Íslendingur sem kaupir inneign á netið...hann kannski finnur svo ekki kótann næst þegar hann á leið um, svo það er tapað fé en gróði fyrir Leifsstöð.

Meira að segja alþjóðaflugvöllurinn í Washington DC, höfuðborgar USA, sér fært að bjóða uppá þráðlaust og endurgjaldslaust internet ! Þá ætti litla Leifsstöð að geta gert það sama. Það er að verða jafnsjálfsagt að komast á netið eins og að komast á wc. 

Frítt net á skandinavískum flugvöllum

Fórnar sínu starfi fyrir manninn

Fallegt og göfullt og allt það. En pínu á skjön við allt tal um jafnrétti kynjanna, eða ? Eru konur almennt duglegri að elta menn sína eftir þeirra starfi, frekar en að menn elti og fylgi spúsum sínum og þeirra starfi og láti jobb sín gossa fyrir ástina ? Hann hefði jú líka getað afþakkað jobbið með þeirri ástæðu að kona hans væri Alþingismaður og að hún yrði að vera á Íslandi til að sinna sínu starfi. 

Smá pæling. En vegni henni vel. Skil hana vel, hefði gert það sama.

Kveður þingið í vor

Sjálfboðaliði í HÍ ?

Hélt að allir fengju greitt fyrir kennslu. Eða fær hann greitt fyrir kennsluna, en bara ekki frá HÍ ?

Hversu margir vinna launalaust í HÍ og er það löglegt að svo sé ? Hef haldið að einungis góðgerðarfélög mættu hafa sjálfboðaliða á sínum vegum. 

Svo hefði ég talið að það væri meira en fullt starf að stjórna LSH og það er alls ekki þannig að fólk almennt komist upp með að sinna mörgum störfum; fái frí í vinnunni sinni til að sinna öðrum störfum og á fullum launum á tveimur stöðum / störfum á sama tíma. Þurfa læknar ekki , líkt og aðrir , að taka ákvörðun hvort þeir ætli að vinna við sitt fag eða við eitthvað annað ?  Hvernig virkar þetta fyrirkomulag forstjórans í framkvæmd og fyrir hvort starfið fær hann hærra tímakaup ? Stimplar hann sig út á forstjóralaunum og inn á læknalaunum til skiptis alla daga ?

Hafa allir starfsmenn LSH sama frelsi til að sinna mörgum störfum á sama vinnutímanum ???? Má t.d. skúringakonan vinna t.d. frá 8 til 10 á LSH og skjótast svo og sinna öðru starfi og koma svo aftur seinni partinn ? Hún gæti t.d. átt verið hárgreiðlsukona og verið með stofu , svo hún vill þá að sjálfsögðu viðhalda þekkingu sinni í sínu fagi, ef hún myndi vilja snúa sér að því aftur eftir skúringarkonu tímabil sitt. Nú eða kokkar spítalans, þeir gætu viljað viðhalda reynslu sinni við a la carté matseld og skotist þangað daglega í hádegistörninni.

 

Hvað varð um þá stefnu stjórnvalda að enginn ríkisstarfsmaður skyldi hafa hærri laun en Forsætisráðherra ????

Hann stendur sig án efa vel í starfi, en það á líka við um heilan helling af fólki , bæði hjá ríkinu og víðar, sem þó fá aðeins lúsalaun fyrir sitt vinnuframlag, þekkingu og reynslu. Allir eru mikilvægir, hver og einn á sinn hátt. 

Fjölhæfur forstjóri LHS

Gráðug, nísk og hlynnt þrælahaldi

Sýnist mér á að lesa þetta....ég vorkenni svona fólki sem safnar peningum í tonnavís og vogar sér að mælast til að aðrir púli fyrir 2$ á dag !!! Til þess að hún geti svo safnað meiru sjálf ??? Ætli hún sé svo ein af þeim ríku sem aldrei splæsa og þykjast ávallt gleyma veskinu þegar kemur að því að borga..?

Af hverju er frekar hlustað á þá sem eru ríkir ? Og borin meiri virðing fyrir um leið ? Hún er ekki rík af eigin kröftum, eins og ég hef skilið þetta, heldur fékk hún þetta í arf og vill meira, meira, meira, meira, meira, meira, meira, meira og meira af $$$$. Ég vorkenni henni og hennar líkum. Svei henni að ætlast til að fólk púli fyrir ekki neitt, svei henni ! Nær væri af henni að fordæma kjör þeirra sem svo lítið fá, á meðan ,,eigendur" safna peningum í gámavís ! Ojbarasta.

Ríkasta kona heims segir launin of há

Á maður að hafa haldið..

...að það væri verið að tala um Geir H. Haarde og Jóhönnu Sigurðardóttur, með þessari fyrirsögn ?

 

Geir vann fyrsta leik og kyssti Jóhönnu

Ánægð með þetta !

Og það er gott fyrir Magnús Hlyn, vona ég, að finna þennan stuðning við kuldalegri og ómanneskjulegri uppsögn ( ok, á verktakasamning, en 15 ár er langur tími, svo það gildir einu í mínum huga ). 

Sammála því að RÚV þarf að útksýra hvað sparast með þessu og hvað það kostar að senda mann í staðan frá Vestmannaeyjum. Virkar ekki vera mikið fjármálavit í þessu hjá þeim Óðni og Páli. En vissulega ,,sýnilegur" sýndarsparnaður, eins og þegar þulunum var sagt upp, þá einmitt notaði Páll það orð man ég vel, þeas ,,sýnilegur sparnaður".

Hefði óskað að þessir sömu þingmenn hefðu einnig mótmælt aðferðinni og um leið, hvernig þeir hafa borið sig að við að reka fólk almennt, eins og t.d. Elínu Hirst, eftir jafn mörg ár eða enn fleiri sem starfsmaður og Óðinn komst að því að hann þyrfti að ,,hagræða" rétt fyrir útsendingu og hún sat í sminkinu tilbúin að lesa fréttir og hent út !!! Þannig man ég að hafa lesið um það mál á sínum tíma.

Vil eki trúa að ríkisstarfsmenn megi bara valsa um og gera allt eins og í eigin ehf. ef þeir ættu það sjálfir prívat og persónulega. Án efa margt gott sem þeir gera, en aðerðir þeirra við að losa sig fólk eru engan veginn í lagi í nafni ,,hagræðingar". 

Og það þarf að breyta lögum um RÚV, augljóslega, til að halda þeim á mottunni með aðferðir sínar. Þeir ættu að þurfa að sækja um eitthvert  ? hjá ríkinu, með álit þegar það þarf að segja einhverjum upp, starfsmanni eða verktökum, gildir einu, hér er um fólk að ræða með tilfinngar, ekki tölvur.  Tjáði mig um það í blogginu mínu 1.Sept. undir fyrirsögninni : ,, Skítavinnustaður " .Þeir Ó og P eiga að fá áminningu að koma svona illa fram við fólk, þeir kunna ekki að segja upp fólki, það virkar augljóst á mig. Svei þeim ! Las á dv..is að Magnús Hlynur væri bæði sár og svekktur og það er auðvelt að skilja. Ég er það sjálf fyrir hans hönd og óska honum alls hins besta, en mest þó að þetta verði tekið til baka og að MH fái hreinlega fastráðningu , þó það yrði hlutastarf. 

Svo er annað...verktaki í 15 ár..ætti ekki að vera einhver stuttur tímarammi á verktöku, eftir það verði þeir að fastráða ? Og var þetta alvöru verktaka, eða á RÚV öll tæki og tól ? Ef svo, er það þá ekki það sem kallast gerviverktaka og sem er þá ekki lögleg...??? Pæla hvort RÚV fari að lögum hvað þetta varðar ?

Þingmenn mótmæla uppsögn fréttaritara

Félag eldri borgara

Á það ekki að nægja Borginni til að ráðfæra sig við ? Til hvers að stofna anna hóp sem er að gera það sama, hefði ég talið ? Er ætlunin að Borgin greiði Öldungaráðinu laun fyrir störf sín ? Ef svo, má þá ekki alveg eins greiða Félagi eldri borgara fyrir ráðgjöf ?

Og hvað með aðra hópa í samfélaginu ? Á að stofna ráð fyrir alla, eins og t.d. atvinnulausa, ungbarnaforeldra, öryrkja, hjólreiðafólk, fatlaða ...og listinn er langur ? Bara smá pæling, því mér sýninst að það sé nóg af hópum um allt samfélagið og í Borginni þar með talinni, sem sinna ýmsum hagsmunahópum sem hafa sýnar óskir um hvað þarf að vera til staðar, svo vel sé hugsað um alla hópa í Borginni. 

Það er hinsvegar mjög jákvætt ef Borginn vill heyra sjónarmið og hlusta á óskir ýmissa hópa í samfélaginu. Spurning samt hvort þetta verði sýndarmennska eða hvort farið verði eftir því sem fyrirhugað Öldungaráð á að vinna að, á launum hjá Borginni eða ekki.

Öldungar fái formlegan vettvang

Ein besta auglýsing á Íslandi

Tvímælaslaust og gaman að hún skuli vera endursýnd ;))  Vel gerð í alla staði;  handrit, leiksvið, búningar, myndataka leikur...

Hver samdi eiginlega þessa frábæru auglýsingu ?  Hver sem það er, þá er viðkomandi snillingu ! 

Auglýsingin með Júdas og Jesú endursýnd

Skítavinnustaður

Þannig virkar það á mig amk. Það hafa verið of margar fréttir af lásí skítatöktum yfirmanna á RÚV þegar þeir reka fólk. Erfitt að gleyma t.d. hvernig þeir komu fram við Elinu Hirst á sínum tíma, hent út eins og ónýtri tusku !!! Svei þeim og ég vona að þeir verði látnir heyra það af Menntamálaráðherra sem er jú þeirra yfirmaður að einhverju leiti amk. Efast um að Katrín sé sátt við þessar aðferðir sem virðast vera standard á RÚV.

Það er eins og RÚV fatti ekki að þeir eru með fólk í vinnu, fólk með tilfinningar. Að henda út ónýtri tölvu er eitt eða ónýtum tuskum. En þannig kemur ekki sómasamlegt og heilbrigt fólk  á geði, fram við annað fólk. Og þetta gerist aftur og ftur og ítrekað !!! Oj , ég er leið og reið að lesa þetta, svei þeim báðum tveimur, Óðni og Páli, arg !!! 

Og hvernig má það vera að skipulag með starfsmannafjölda, sé með þeim hætti , að þeir henda fólki alltaf út á staðnum ? Er ekki hægt að veita fólki normal uppsaganafrest ? Skiptir mig engu þó Magnús hafi verið verktaki, það á vel að vera hægt að ræða svona hluti með góðum fyrirvara. 

Og hversu langt verður að bíða þar til þeir á RÚV ráða svo annan mann í stað Magnúsar Hlyns??? 1 mánuður eða minna ? Þeir hafa nefnilega alltaf ráðið aðra, þegar þeir hafa fleygt starfsólki út með látum og leiðindum. Hefur það einvherntímann gerst þar á bæ, að fólk fær að vita með löngum fyrirvara að það verði breytingar ? Eins og t.d. gert er í USA. Jay Leo og áhorfendur vissu með árs fyrirvara eða meira, og sama með Opruh Winfrey, þó svo þau hafi verið með eigin þætti og allt það, en þau fá góðan aðlögunartíma , sem og áhorfendur. Fyrir þeim er boin virðing, nokkuð sem þeir félagar á RÚV spara meira en allt annað, og það er frítt. Ekki til marks um mikla greind í að reka fyrirtæki, hvernig þeir standa að þessu. 

Svo virkar það á mig þannig í gegnum árin, að Egill Helgason virðist aldrei vita hvort hann komi aftur á skjáinn að hausti. Og það er ekki í lagi þykir mér. Er ekki til neitt sem heitir langtímaplan innan RÚV ?????

Magnús Hlynur fær vonandi aðra góða vinnu sem fyrst. Það er mjög gaman að horfa á hans innlegg og missir af honum. Gangi þér vel og ég finn til með þér. Framkoma RÚV gagnvart þér er ekki í lagi, vandinn er hjá þeim en ekki hjá þér. 

 

 

Hagrætt á fréttastofu RÚV