Lífsbjörg

Takk fyrir hana, kæri vegfarandi. Ánægjulegt að lesa svona frétt ;)  Megi þeim sem bjargað var vegna vel og já ykkur báðum að sjálfsögðu.

Nær drukknaður í ánni

Borin von

Það skal sko ekki verða létt fyrir fólk að fá leiðréttingar þrátt fyrir Hæstaréttardóma, oh nei !!  

,,Þá er sett sem skilyrði fyrir samráði að fjármálafyrirtækin krefjist ekki málskostnaðar og skuli í dómsmálum sem höfðuð verði í kjölfarið leitast eftir málum þar sem skuldarar eru að mati umboðsmanns skuldara hvað best til þess fallnir að halda uppi vörnum." , segir m.a. í fréttinni.

Það sem vantar í fréttina er: ,, þau skulu sko ekki halda þetta lið, að þau fái eitthvað tilbaka frá okkur ! Þau skulu hafa fyrir því í mörg ár í viðbót að reyna, og þau munu tapa, það ætti að kenna þeim að abbast ekki uppá okkur og halda áfram að borga þegjandi og hljóðalaust það sem við viljum fá, hverja krónu!!  Liðið þarf að ná því í eitt skipti fyrir öll að þetta fé er einungis fáum útvöldum tileinkað, þeir þurfa sitt hér eftir sem hingað til. Það eru bara sumir haldnir óseðjandi græðgi og því þarf að sýna skilning ! Það hljóta allir að sjá að við höfum þar með ekki efni á að leiðrétta þetta og endurgreiða, NO WAY , þrátt fyrir dóm Hæstaréttar ! Og svo ef svo ólíklega vill til, eftir nokkur ár, að liðið sigri eitt og eitt dómsmál, SO WHAT...þá verðum við hvort sem er farnir með allt til Tortula, lok  lok og læs...svo þá þarf að höfða mál gegn framtíðar þrotabúum, he he he .. getið allt eins gefist upp strax !

Þetta lítur ekki vel út. Og margir sem vonuðust án efa til , og með réttu, að fá endurgreitt ;(( Það stendur augljóselga ekki til , heldur verður valið hver fær að fara með mál fyrir dóm...eða ?

Hvað varð um lögin um hópmálsókn ? Urðu þau aldrei að veruleika eða eru þau sofandi í nefndum ? Er það greipt í öll grjót á landinu að Davíð skuli aldrei ná að sigra Golíat, aldrei ?

Er sú barátta og þeir fáu sigrar sem almenningur nær, aldrei raunverulegur og sem gefur tilefni til að gleðjast og fagna með því að skála í kampavíni ? Er það algjörlega borin von að eitthvert réttlæti nái fram að ganga ? Hvernig endar þetta og hvenær ? Sorglegt að lesa þessa frétt ;(

Segja úrskurðinn áfangasigur fyrir neytendur

Enginn skal voga sér

Að reyna að bjarga sér fjárhagslega í síhækkandi bensínverði framhjá þeim sem allt eiga í samfélaginu og tapa því á þessu. Og ekki heldur þeir sem vilja leggja sitt að mörkum að minnka mengun. Í þeim flokki sem græða á þessu eru án efa að auki við bensínsölurnar, tryggingafélögin. Þau fá þá fleiri trygigngataka og meiri iðgjöld $$$ Það ætti nú að vera þeirra hagur að berjast gegn því að þurfa að tryggja hjólin. Geri þau það ekki, þýðir það aðeins eitt; þeir græða á þessu þrátt fyrir kvart um tap.

,,Réttir aðilar" tapa á að fólk kaupi ekki bensín eða tryggingar og já bíla. Þeim sterkustu er ávallt vorkennt mest og fá mestu hjálpina, afskriftirnar og verndina, hér eftir sem hingað til. Alþingi hleypur til og kemur með frumvarp í hvelli, þó heimilin hafi hrópað eftir hjálp árum saman og hærra og hærra frá 2008. 

Allt skal gert til að halda fólki á einkabílnum. Strætó kemur þar inní sem frekar en að bæta og auka ferðatíðni á Rvk. svæðinu,  tekur uppá því að keyra alla leið á Höfn í Hornafirði !

Herða reglur um nýju fararskjótana

Óheppinn

Að vera ekki íslenskur hvítflibbi. Þá væri meint brot hans og hann sjálfur, photoshoppað í bak og fyrir, skreytt og fegrað. Reikna ég með.  Og þá væri hann ekki kallaður ræningi sem rændi. Það er nokkuð víst, held ég.

Þessi sem hér um ræðir var handtekinn og fluttur til landsins og verður settur beint í gæsluvarðhald. Hann fékk ekki að semja um að koma og sleppa við járnin, né beðinn um að koma í vinalegt kaffispjall og ræða málin, eins og þegar þarf að reyna að finna út hvað gerðist með þúsundir milljarða tjón á þjóðina í hruninu 2008 og tala við menn af þeim sökum.

Það er ekki búið að rannsaka málið og því ekki hægt að kalla hann ræningja né fullyrða að hann hafi rænt.

Eða er ok að kalla hann ræningja og segja að hann hafi rænt víst hann er hvorki  í toppstöðu né með mastergráður og ekki heldur Íslendingur ?

Það er ekki fjallað svo hastarlega um þá sem grunaðir eru um að hafa valdið hér algjöru hruni. Þetta eru klukkur sem endurheimtust og voru tryggðar hjá einkafyrirtæki að auki, muni ég það rétt. Tjón ríkissins er því mun minna en af völdum hrunsins. Aðeins aganarlítið brotabrot.

Með þessu er ég ekki að gera lítið úr alvarleika þess sem gerðist í úrabúðinni, alls ekki.

Úraræningi til landsins í dag

Tækniöld

,,Þetta virðist hins vegar ekki hafa komist til skila til ráðherra."

Hvaða ráðherra ?

Datt honum aldrei í hug að senda honum bara email ? Eða sms eða símtal ? Eða bara með Póstinum ? Eða ganga úr skugga um það sjálfur á einhvern hátt, að ráðherra vissi hvað væri um að vera ? Eða þá amk að biðja ráðuneytisstjórana um að skila þessu til ráðherra.  Eða var það ráðherra sem datt aldrei í hug að biðja ráðuneytisstjórana um upplýsingar ?

Við lifum á 21.öldinni , tækniöldinni, og það er magnað að það sé svo erfitt að koma upplýsingum áleiðis.

Það viriðist vera að hver og einn hafi verið að vinna störf sín eins og í hverju öðru einyrkja ehf.

„Hvað þarf marga ráðuneytisstjóra til?“

Fegruð lýsing

Hversvegna er þetta photoshoppað svona ? Hér kemur fram sú lýsing frá HÍ að grunur leiki á að fjármámalstjórinn hafi ,, misfarið með fé í eigin þágu". Af hverju segir HÍ ekki bara eins og er, að grunur leiki á að fjármunum skólans hafi verið stolið ??? Og hefur hann verið ,,sendur í leyfi" , eða var hann rekinn á staðnum ?

Man þegar ungur maður var rekinn á staðnum úr matvörubúð fyrir að vera með eina blessaða Pepsi á kaffistofunni og átti eftir að skrifa hana hjá sér. Ekki gékk honum að útskýra málið og ekki var honum trúað. Sá var sakaður um þjófnað, ekki að hafa ,,misfarið með" eða dregið sér....

Af hverju eru notaðar svo mismunandi lýsingar á sömu hlutum í rauninni ?

Er óhugsandi að háskólamenntuð manneskja í góðri vinnu sé mögulega þjófur og steli og sé rekinn fyrir það á staðnum ???? Er það bara sauðasvartur pöpullinn sem slíkt gerir ?

Fjármálastjóri HÍ grunaður um fjárdrátt

Hvað varð um biðlistana ?

Talsvert hefur, í gegnum tíðina, verið fjallað um ófremdarástand í fangelsimálum og að dæmt fólk þurfi að bíða of lengi eftir að hefja afplánun. Sem er vissulega slæmt.

Eru engir biðlistar lengur ? Eða er það bara á Litla Hrauni ? Eða skiptir máli hver á í hlut sem á að fara í afplánun og aðrir settir aftar í röðina ? Er það svo að það er gerður mannamunur allsstaðar, jafnt utan sem innan rimla ?

Við búum jú í jafnræðisþjóðfélagi svo þetta þarf að koma fram að mínu mati. Þannig að endilega þeir sem hafa beðið lengur eftir afplánun á þessum tveimur stöðum sem hér eru nefndir, látið í ykkur heyra !!

Vil taka sérstaklega fram að þetta er ekki persónulegt gagnvart þeim einstakling sem hér er fjallað um. Það er gott að hann kemst strax að , hafi hann óskað þess. Þannig á það að vera...gagnvart öllum sem fá dóma.

 

Baldur hefur hafið afplánun

Orð í spariföt

Þetta myndi flokkast sem hvítblibbabrot reikna ég með, verði hann dæmdur sekur.

En af hverju eru orðin sett í jafn fín og flott föt og stöðu eins og þeir sem þau fremja eða eru sakaðir um að fremja þau ?

Heitir þetta ekki bara þjófnaður, stuldur eða rán ?

(meintur í þessu tilfelli, enda ekki búið að dæma í málinu og hann er saklaus á meðan).

Eða á það bara við um kjúklinga og klukkur, þegar því er stolið ? Kannski að slíkir þjófar þyrftu bara að hafa vit á að koma við í Dressman áður , þá verður allt orðalag í fréttum og dómum fínna um leið...lengi lifi jafnræðið... ;))

En er eftirlitið í HÍ nógu gott ? Það er verið að tala um 5 ára tímabil. Það er mjög langur tími.

Dró sér 8-9 milljónir

Raunveruleg staða

Er það virkilega svo að matsfyrirtækin vita ekki raunverulega stöðu ?

Af hverju vissi Seðlabankinn meira en þau gerðu ? Hvernig vissi Seðlabankinn það ?

Eru matsfyrirtækin bara eins og endurskoðendur, kvitta bara blint á það sem fyrir þau er lagt , án þess að biðja um skjöl ? Það væri nú svakalegt ef skólakerfið virkaði með slíkum hætti, að nemendur láti bara kennara kvitta uppá einkunnir sínar, A+ í hvert sinn ;)) Vona að það sé ekki þannig, amk ekki á háskólastigi í hagfræði og viðskiptafræði...

En svo endaði það nú á þvi að matsfyrirtækin lækkuðu einkunnir bankanna. Hver kjaftaði þá í þau, víst Seðlabankinn gerði það ekki ? Af hverju bakkaði Seðlabankinn með hótanir sínar ? Er betra að saka ríkið um fall bankanna með aðgerðarleysi en aðgerðum ?

Afar hálkæringslegt innlegg hér... að sjálfsögðu ;))

Íhuguðu að hóta bönkunum

Ofsaakstur

Í umferðinni er í raun einungis vandamál bílstjóra sem slíkt stunda. Og vissulega eru það viss hættumerki gagnvart öðrum vegfarendum, þegar fólk keyrir of hratt.  Kannski að við ættum bara að hætta að stoppa þá ?

Nú eða að setja lögguna í að fylgjast með ofsaakstri bankanna ? Það gengi sennilega betur. Þeir svipta menn á staðnum og beita fjársektum.

En endilega ekki að svissa og setja bankaeftirlitið á götuna að fylgjast með umferðinni. Vá hvað þá yrði keyrt hratt án afskipta.

„Alltaf hættumerki þegar það gerist“