Stofufangelsi

Og það að búa við félagslega einangrun vegna fjárskorts...er einhver munur á því í rauninni ?

Annars trúi ég ekki þessum tölum og skil ekki hvernig hægt er að halda því fram að fólk hafi það eins núna og árið 2004 hvað kaupmátt varðar. Vona að góðgerðarsamtök, féló of fleiri aðilar sem ættu að vita um málið, segi okkur hvort þetta sé rétt. Og já fleiri aðilar sem eru á hinum endanum, í því að græða, eins og innheimtufyrirtæki, sýslumenn sem sjá um að selja heimilin ofan af fólki, kaupmenn , vegagerðina, bensínsala ofl.

Er Hagstofan að taka með í þennan kaupmátt sinn þá staðreynd að almenningur hefur tekið út tugi milljarða af viðbótarlífeyris sínum eftir hrun, sem ekki var hægt árið 2004 ? Væri það sanngjarnt ?

Ekki man ég eftir að fólki hafi liðið eins illa árið 2004 og það gerir í dag og hefur gert frá hruni. Er Hagstofan að saka almenning um ímyndunarveiki á sama tími og við erum dópistar samkvæmt Seðlabankanum ?

Kaupmáttur svipaður og 2004

Athugasemdir

[Magnús Sigurðsson, 26.3.2012 kl. 15:10]

Það er í besta falli verið að hagræða sannleikanum með þessum tölum Hagstofunnar.  En sennilegast er þetta hrein lygi.

[Hjördís Vilhjálmsdóttir, 26.3.2012 kl. 16:15]

Takk fyrir innlitið Magnús ;)

Það sem mér þykir verst er að geta ekki treyst því sem okkur er sagt. Alvarlegasti hluti hrunsins þykir mér vera einmitt sú staðreynd.

En við þurfum svo sem ekki tölur til að vita að ástandið er langan veg frá því að vera það sama og árið 2004. Það finnur fólk á eigin skinni.