5 stjörnur

Athyglin sem hún fengi sem Forseti okkar sem landkynning útí heim...held ég yrði minnst 5 stjörnur í markaðseinkunnagjöf.  Fjölmiðlavön kona og móðir og með eiginmann sem er einnig fjölmiðlamaður og yrði heimavinnandi ( las ég nýlega), 6 börn og þar af eitt nýfætt þegar kosningar fara fram. Og við erum að auki með konu sem er Forsætisráðherra. Geta fleiri lönd státað af slíku ? Og svo má vel vera að við séum að fara að fá fyrstu konuna sem Biskup að auki.

Frambærilegur frambjóðandi og við eigum vel að geta verið stolt af henni, nái hún kjöri ;))

Og ég vona að það komi einnig fleiri mjög frambærilegir karlmenn fram sem vilja á Bessastaði, svona til að hafa kosningabaráttuna skemmtilegri og jafnari. Annars skiptir það mig engu hvort kona eða karl verði kosinn í Júní. það bara yrði mjög flott ef þetta gerðist núna, sér í lagi á meðan kona er enn Forsætisráðherra.

Þóra ætlar í framboð

Athugasemdir

[Ásthildur Cesil Þórðardóttir, 4.4.2012 kl. 00:37]

Ég er ósköp hrædd um að það sem hún hefur upp úr þessu blessunin sé að fá á sig Samfylkingarstimpil.  Því fleiri sem gefa kost á sér því meiri líkur eru á að Forsetinn sem nú situr fái meirihluta atkvæða.  Ég er svo sem ekkert ósátt við það núna.  En ég myndi vilja fá öll þessi glæsilegu framboð næst.  Því nákvæmlega núna treysti ég Ólafi Ragnari best til að vera áfram allavega eitthvað ennþá.  Slík er afstaða mín eftir þessa ríkisstjórn.  Það er alveg ömurlegt að þurfa að segja það.  En þannig er það bara.  Nákvæmlega núna stendur yfir baráttan um Ísland, og ég verð að fá að treysta einhverjum fyrir okkar fjöreggi, ríkisstjórninni er ekki treystandi.  Æ þetta er bara ömurlegt.

[Óskar Helgi Helgason (IP-tala skráð) 4.4.2012 kl. 00:51]

Komið þið sælar; Hjördís síðuhafi - líka sem og, Ásthildur Cesil og fleirri gestir !

Hjördís !

Ætla mætti; að þú hefðir dvalið, um all langa hríð, í allt öðru Sólkerfi, ágæta kona.

Þó; sjálfur kysi ég - Landshöfðingja eða Ríkisstjóra, 75 prósentum ódýrari að uppihaldi, en Forseti hefir útheimt, frá árinu 1944, skulum við ætíð minnast þess, að Ó. R.  Grímsson; ÞORÐI, að standa gegn 63 flónum alþingis, gagnvart undirlægju hættinum, við Breta og Hollendinga, auk innlendra glæpamanna Lands bankans, á sínum tíma.

Þetta; skyldir þú ígrunda vel Hjördís, áður en þú hyggst lofsyngja eitthvert punt- og prjál  lið, sem engin vissa er fyrir, að hefði rænu til, að standa gegn óbilgirni og sóðaskap stjórnmála ruslsins, íslenzka.

Þrátt; fyrir ýmsa meinbaugi Ólafs Ragnars, frá fyrri tíð, ágæta Hjördís.

Ásthildur Cesil; Ísfirzk fornvinkona mín. segir síðan allt það, sem ég vildi hafa, við þetta að bæta, að nokkru.

Með beztu kveðjum; úr Árnesþingi / 

[Páll Blöndal, 4.4.2012 kl. 00:54]

Segðu mér eitt Áshildur, þar sem þú ert mikill ESB-andstæðingur.
Hvernig getur Ólafur Ragnar haft áhrif á það mál?

Er það ekki þjóðin sem mun segja af eða á með það?

[Páll Blöndal, 4.4.2012 kl. 00:56]

Ásthildur átti það að vera (sorry)

[Ásthildur Cesil Þórðardóttir, 4.4.2012 kl. 01:14]

Páll, það sem Ólafur getur gert er að vísa málinu til þjóðarinnar.  Ég er manneskja sem tek eftir því sem fólk GERIR frekar en það sem fóls SEGIR.   Ólafur hefur sýnt að hann mun standa með þjóðinni í þessu máli, það sem hann getur gert sem forseti eins og í þeim málum sem hann hefur vísað til þjóðarinnar er einmitt það. Hann getur farið fram á bindandi kosningu um aðild.  Þegar þessi ríkisstjórn hefur komi því svo fyrir að þjóðaratkvæðagreiðsla verður ekki bindandi heldur aðeins ráðgefandi.  Og með öll þeirra sjónamið og baráttu í þágu ESB hafa þau ekki mitt traust skiljanlega.  Þess vegna lít ég á forsetann sem öryggisventil fyrir þjóðina. 

[Páll Blöndal, 4.4.2012 kl. 02:27]

Ásthildur, Ólafur er snillingur í því að skipta um hest í miðri á

[Ásthildur Cesil Þórðardóttir, 4.4.2012 kl. 09:41]

Það hef ég ekki orðið vör við.  Nefndu mér dæmi.  Og þá er ég ekki að tala um pólitískt milliráf hans á stjórnmálasviðinu.  Ég er að tala um forsetann og vinnubrögð hans þar. 

[Hjördís Vilhjálmsdóttir, 4.4.2012 kl. 09:52]

Leitt að heyra að allt sé svona ömurlegt Ásthildur ;( en veistu, ég held að þjóðinni verði áfram vel treystandi til að setja pressu á alla framtíðarforseta um að fara að vilja meirihluta almennings. ÓRG er búinn að festa það í sessi ;) Þökk sé honum fyrir það. Að auki að ef ORG verður ekki endurkjörinn, þá mun hann áfram vinna að velferð Íslands og gæta fjöreggsins. Annars verð ég sátt við ÓRG áfram, hann hefur staðið sig vel. En ég hefði þó óskað þess að hann hefði ekki gefið kost á sér á ný og það að hann hafi gert það er að mínu mati stærstu mistök hans á ferlinum. Það yrði mjög neyðarlegt fyrir hann að enda glæsilegan ferill sinn með því að verða fyrsti Forsetinn til að tapa kosningu. Ef hann sigrar, þá þarf það að verða með yfir 50% atkvæða svo hann nái að sinna hlutverki sínu með glans. En sjáum hvernig fer, reyndu að hressa þig við, heimurinn ferst ekki þó við fáum nýjan Forseta ;))

[Hjördís Vilhjálmsdóttir, 4.4.2012 kl. 10:05]

Ef að dvöl í öðru Sólkerfi þarf til að sjá að þjóðinni er mjög vel treystandi til að velja nýjan Forseta þá hvet ég þig til að skella þér með mér næst ;)) Þá muntu sjá að nýr Forseti mun fara að ósk þjóðarinnar og neita að samþykkja lög og vísa í þjóðaratkvæði þegar við biðjum um það.

Við erum frjálst lýðræðisríki og mér þykir það beinlínis neyðarlegt að kjósa sama Forsetann 5 sinnum, þegar við höfum val um að breyta. ÓRG hefur staðið sig vel og hann mun áfram gæta hags okkar og mun sennilega verða enn öflugri við það en hingað til, enda fær hann aukið mál-og athafnafrelsi, nái hann ekki endurkjöri.

[Hjördís Vilhjálmsdóttir, 4.4.2012 kl. 10:23]

Sammála Páll, ÓRG mun ekki geta haft áhrif á ESB sem Forseti , við munum fá að kjósa um aðild hvort sem er. Það hefur amk verið venjan í öðrum ríkjum og ég hef enga ástæðu til að halda að það verði ekki eins hér líka. En nái ÓRG ekki endurkjöri, mun hann geta haft áhrif sem ,,frjáls" einstaklingur.

[DoctorE (IP-tala skráð) 4.4.2012 kl. 12:40]

Mér þykir miður að mr me þurfi að taka þátt í þessum skrípaleik sem þetta forsetarugl er.. Leggja þetta gagnslausa og forneskjulega embætti af, það er það eina vitræna.

[Hjördís Vilhjálmsdóttir, 4.4.2012 kl. 13:58]

Æji DoctorE....þurfum við ekki að hafa einhvern öryggisventil þegar lög eru sett sem þjóðinni mislíkar ? Eitthvert hálmstrá að grípa í amk. ?

[Anna Benkovic Mikaelsdóttir, 4.4.2012 kl. 23:48]

ég mun kjósa Þóru :-)

[Sólbjörg, 5.4.2012 kl. 00:28]

Anna, það eru allir búnir að ná því að þú styður Þóru, þú skrifar þetta inn á öll bloggin. Afar einhæft eins og atriði úr bíómynd þar sem búið er að heilaþvo einhvern.