Lækka verðskrána

Er það sem þarf að gera. Enda virðist hún blöff hvort sem er, ef svo margir fá yfir 70% afslátt. Hafa gott verð fyrir alla og alltaf.  Eða hunsað þetta, enda ekki alltaf farið að tilskipunum ESB alveg ett , tvo og tre hvort sem er. 

En var það ekki þannig í upphafi að það átti að hætta að rukka í göngin þegar þau væru greidd upp ? Og hefur það ekki annars tekist ?Mig rámar í að hafa lesið um það áður, hver man og veit meira um þetta ?

Jafnræði neytenda...hvenær mun ESB fara fram á að t.d. eldri borgarar borgi fullt verð fyrir lækna og lyf ??? Á að banna okkur að veita vissum hópum mikla afslætti á heilbrigðisþjónustu ? Er þá ESB einnig að berjast fyrir jafnri innkomu  allra og jöfnu verðlagi kaupmanna og opinberra aðila ??

Og svo er talað um að ESB þýði frjálst flæði fólks og fjármuna....hummm..

 

Breytt gjöld í göngin

Athugasemdir

[Gunnar Heiðarsson, 5.5.2012 kl. 08:42]

Það er rétt hjá þér Hjördís, gjaldskrá Spalar má alveg endurskoða. Fyrst og fremst ætti að taka virðisaukaskattinn af þessu gjaldi.

Hitt er annað mál að mismnandi gjaldskrá, eftir akstri, er ósköp eðlileg. Það er fjöldi fólks sem býr annars vegar gangnanna en stundar skóla eða vinnu hins vegar þeirra. Þetta fólk ekur allt að 21 ferð á mánuði fram og til baka um göngin. Það er því eðlilegt að þetta fólk fá afslátt á sínum ferðum, að það borgi minna en þeir sem fara kannski einu sinni eða tvisvar á ári þarna í gegn.

Í upphafi var ætlað að að fella niður gjaldið þegar göngin höfðu verið greidd upp. Lánin voru tekin til 20 ára og verða að fullu greidd upp 2018, þá mun gjaldið væntanlega verða afnumið. Það hefur hinsvegar orðið mun meiri umferð um göngin en ætlað var. Því hefur rekstur þeirra gengið mun betur. Þetta hefur fyrst og fremst skilað sér í lægra gjaldi til þeirra sem fara oft um göngin. Grunngjaldið hefur þó ekki hækkað í krónutölu og töluverð verðbólga hefur orðið frá árinu 1998. Því má segja að grunngjaldið hafi lækkað einnig.

Sú ákvörðun, þegar ljóst var að göngin væru að reka sig betur en ætlað var, að lækka gjaldið í stað þess að greiða lánin fyrr upp, var vissulega gagnrýniverð. Í dag væri væntanlega búið að greiða þau upp, ef gjaldið hefði verið látið fylgja verðbólgu og litlir eða engir afslættir veittir. En þessi ákvörðun var tekin af stjórn Spalar, sem hefur heimild til reksturs þessara gangna í tuttugu ár. Við því gat enginn gert. Það er þó virðingarvert að þessi góði rekstur var látin skila sér til þeirra sem um göngin fara, stjórn Spalar hefði allt eins getað greitt hann út í arði til hluthafa!

En þessi tilskipun er ekki bara vegna Hvalfjarðargangna. Þessi tilskipun bannar öllum að veita meiri afslátt á voru og þjónustu en sem svarar 18%! Hvaða áhrif hefur það á útsölur? Þetta er svo víðtæk tilskipun og mun hafa svo mikil áhrif að enn er vart hægt að hugsa þá hugsun til enda.

Svo er hitt. Hverjir skidu hafa farið fram þessa tilskipun? Voru það launþegasamtök ríkja ESB? Voru það þegnar ESB? Ætli krafan hafi ekki komið frá fjármálaöflunum, frá þeim sem reka fyrirtækin innan ESB. Ætli hugsunin sé ekki að hjálpa þessum aðilum við verðsamráðið sem þeir allir þrá svo heitt!!

[Sleggjan og Hvellurinn, 5.5.2012 kl. 15:49]

Tilskipunin kemur í gegnum EES samninginn og hefur því ekkert með ESB umsóknina að gera.