Hringavitleya

Vaxtabætur eru í raun bjánalegar ef maður hugsar það aðeins. Álagning bankanna er í raun send á ríkið/ okkur, og svo þurfum við að borga meirii skatta til að borga sjálfum okkur vaxtabætur !! . Þetta fer einhvernveginn í hringi, úr sömu vösunum og í þá aftur. Talað er um að það verði svo erfitt að afnema verðtryggingu, margt fari að versta veg. Væri það ekki betri kostur en þessi endalausa hringavitleysa ? Samþykkja okrið, samþykkja kennitöluflakk, samþykkja milljarðaafskriftir og skuldahreinsanir en bara ekki að lækka vexti og vöruverð. Það er ekki mjög gáfulegt og gengur auðvitað ekki upp.

Merkilegt hvað fjármagn sem ekki þarf að flytja inn og greiða af, kostar mikið. Made in Iceland og samt er Krónan okkar með okurálagningu sem bankarnir þurfa ekki að spá neitt í, því ríkið/ við greiðum þetta hvort sem er og þykir við vera svo lánsöm hvað ríkið/ við er gott við okkur og rausnarlegt að borga vaxtabætur. Í stað þess að álagning á peninga sé stillt í hóf og verðtrygging afnumin þannig að ekki þurfi að greiða bæturnar. Bankarnir eru að mestu í einkaeigu, afhverju þarf þá að styrkja þá til áframhaldandi okurs með vaxtabótum ? Og hvenær á svo að byrja á verðbótabótum ??? Eða seðilgjaldabótum ?

Í raun er verið að styrkja þá ( bankana)  þannig að þeir fái pottþétt allt sitt í topp án áhættu og án þess að þeim sé gert á móti að greiða hærri innvexti. Og það litla sem þaðan kemur, fer stærri og stærri hluti af til ríkisins/ okkur. 

Hvenær fáum við matarbætur ? Eða Bensínbætur ? Það styttist eflaust hratt í það í dýrtíðinni, svo kaupmenn og bensínsalar geti áfram lagt of mikið á og látið ríkið/ okkur borga það í formi bóta. 

 

 

Húseigendur fengu 2,6 milljarða

Athugasemdir

[Gunnar Heiðarsson, 6.5.2012 kl. 10:17]

Þetta er hinn tæri kommúnismi. Að skattleggja allt í rot og sitja svo í hásæti og deila út til baka því sem tekið var. Auðvitað er sú deiling háð duttlungum pólitíkusa og þá er oft horft frekar til hagsmuna flokksins en fólksins.

Hliðaráhrif þessarar stefnu er svo að fyrirtæki fara í þrot, eitt af öðru. En það er einmitt markmið kommúnismans, að ríkisvæða sem mest af fyrirtækjunum.

Þessi stefna er ekki nýnæmi, tilraunir hafa verið gerðar með hana um allann heim, allt frá fyrrihluta síðustu aldar. Hvergi hefur hún þó skilað árangri, þvert á móti hafa alltaf miklar skelfingar hlotist af!

Sú hugsun að betra sé að einhverjir misvitrir pólitíkusar sé betur til þess fallnir að skipta auðnum, er gamaldags og úrelt. Að betra sé að skattleggja sem mest og deila því síðan út eftir dutlungum nokkurra misvitra manna. Þetta drepur niður allt sem kallast sjálfræði, fólk kemst að því að það er best að gera ekki neitt, láta aðra um að búa til verðmætin, því stjórnvöld muni síðan sjá til þess að það muni hvort eð er njóta afrakstur þess sem það aldrei lagði hönd til!!

Þetta er úrelt hugsun, en því miður grasserar hún í stjórnarráaðinu, enda gamalmenni þar við völd!!

[Hjördís Vilhjálmsdóttir, 6.5.2012 kl. 22:45]

Vaxtabætur hafa nú verið greiddar í fleir herrans ár, sennilegast áratugi Gunnar, svo þetta er nú þverpólitíkst.

Það virðist allt hækka sem er styrkt, eins og t.d. leiguhúsnæði eftir að húsaleigubætur voru settar á ca. 1995 ca., svo kom tímstundastyrkur í Reykjavík og það fyrsta sem íþróttafélögin gerðu var að hækka æfingagjöldin. 

En svo bannar ESB og EES samningur um leið, að ríkið eigi fyrirtæki. Það má í raun segja að þetta sé leið til að fara bakvið þær reglur, að niðurgreiða okur þeirra með ríkisstyrkjum ? Eða hvað ?