Leiðinda mistök

Sýnist mér að þetta mál snúist um.

Er ekki hægt að leysa þetta í góðu án þess að blanda lögsókn inní málið ? Verktakinn þarf bara að laga garðinn og biðjast afsökunar og greiða sanngjarnar bætur til eiganda garðsins. Sem ég vona að hann geri og að það verði látið nægja.

Ömurlegt að lenda í svona löguðu og ég skil vel að þetta hefur verið sjokkerandi. Garðeigandinn á samúð mína.  Og ég vona að slík mistök endurtaki sig ekki. 

Ókunnugir menn grófu í garðinum

Athugasemdir

[Helgi Heiðar Steinarsson (IP-tala skráð) 11.5.2012 kl. 01:13]

Mér sýnist þetta mál vera svolítið blásið upp. Skaðinn er lítill sem enginn, nokkrar grasþökur skornar upp, eitthvað sem auðvelt er að laga. Ég held að þetta sé aðallega tilfinningatjón frekar en eitthvað annað.

[Gísli Sigurður, 11.5.2012 kl. 01:18]

Húsbrot og skemmdarverk? Af hverju í ósköpunum ætti konan ekki að kæra?

[Eyþór Örn Óskarsson, 11.5.2012 kl. 01:47]

það má kanski segja að þarna hafi verið gerð mistök og að mínu mati gerði gagnaveitan, að fara í jarðrsk í einkagarði án þess að hafa aflað sér skriflegs leyfis eigandans - þar með tek ég undir athugasemd 2

[Eyþór Örn Óskarsson, 11.5.2012 kl. 01:49]

gerði Gagnaveitan þau - átti þetta að vera...........

[Ása Björk (IP-tala skráð) 11.5.2012 kl. 02:15]

Þú ferð ekki inn í einkagarð án leyfi eigandans, aldrei. Það hefði nú verið lítið mál að skilja eftir blaðsnepil með númeri til að hringja í. Það að svara ekki til dyra er ekki sama og samþykji !

En vona jú líka að þetta verði leyst í góðu, þarf bara afsökunarbeiðni og að gengið verði almennilega frá garðinum, og örlitlar bætur fyrir vesenið =)

[óli (IP-tala skráð) 11.5.2012 kl. 09:59]

Hvaða djöfuls glæpafyrirtæki er þessi Gagnaveita?

Ræðst inn í garða fólks og eyðileggur

Hverjur reka þennan ófögnuð?

[Kristinn (IP-tala skráð) 11.5.2012 kl. 10:19]

Þetta eru engin mistök. Það eru standard vinnubrögð hjá Orkuveitunni að fara alltaf stystu leið og forðast allt malbik. Þar af leiðandi rífa þeir upp alla þá túnbletti sem verða á leið þeirra rétt eins og þeir eigi þá. Þá virðist skipta litlu máli hvort verið sé að leggja kapal í húsið sem túnbletturinn tilheyrir eða annað aðliggjandi hús. Það er a.m.k. mín reynsla.

[DoctorE (IP-tala skráð) 11.5.2012 kl. 10:32]

Konu greyið verður þá bara að notast við "ljósleiðara" yfir koparsímalínur... svona eins og Síminn er að selja fólki sem ljós :)
Þið getið td sett tvinna á milli glasa.. sett 1 mm af ljósleiðara á tvinnann.. og svo selt þetta sem ljósleiðaratengingu, það er síminn ;)

Auðvitað áttu þeir að óska eftir leyfi til þessa.

[V.Jóhannsson (IP-tala skráð) 11.5.2012 kl. 11:10]

Eigum við ekki bara að orða þetta rétt: Týpikal íslensk vinnubrögð.

Gerist ekki í siðmenntuðum samfélögum.

[Sigurður (IP-tala skráð) 11.5.2012 kl. 12:27]

Það er alveg skýrt að við hjá Gagnaveitunni eigum að fá leyfi hjá eigendum fyrir framkvæmdum í eða á þeirra eignum, hvort sem það er í eigu sveitarfélaga eða einkaaðila. Áður en framkvæmdir í hverfinu hófust þá fórum við í að afla okkur leyfi til þess að leggja ljósleiðaralagnir á lóðum hjá íbúum, langflestir heimila það enda vita íbúar að ljósleiðaratenging þýðir almennt aukin lífsgæði miðað við kopartengingu.

Hinsvegar er það oft þannig að ekki næst í alla íbúa til að fá heimild fyrir framkvæmdinni, af mismunandi ástæðum, en engu að síður er byrjað á framkvæmdum í hverfinu.  Það veitir okkur hinsvegar engan rétt til að fara inn á lóðir án heimilda og þá er reynt á framkvæmdatímanum að fá umrædda heimild, þannig að þessi heimili verði ekki útundan þegar allt hverfið er orðið ljósleiðaratengt.  Við framkvæmd hafa verktakar afrit af heimildarblöðum og einnig er merkt á teikningu hvar á eftir að fá heimild þannig að ekki sé framkvæmt án samþykkis lóðareiganda.

Í þessu tilviki er um yfirsjón að ræða og það var aldrei ásetningur verktakans eða Gagnaveitunnar að framkvæma í óþökk íbúans.  Við munum af sjálfsögðu setja okkur í samband við viðkomandi og leita leiða til að fá sátt í málið.

Kv. Sigurður, starfsmaður Gagnaveitu Reykjavíkur 

[Heimir (IP-tala skráð) 11.5.2012 kl. 13:00]

"Týpikal íslensk vinnubrögð"

Veit það nú ekki, sýnist þetta frekar vera "typical íslenskur úlfaldi" að tryllast og kalla til lögreglu og hóta að kæra alla. Auðvitað á konan allan rétt á að vera brugðið en mistök geta gerst og svo lengi sem fyrirtækið bætir fyrir þau mistök ætti nú að vera hægt að leysa málið í rólegheitunum.

[Jonsi (IP-tala skráð) 11.5.2012 kl. 13:08]

LOL, þetta er alveg eins og upphafið á bókinni "Hitchiker's guide to the galaxy", þar sem valtað er yfir hús Arthur Dent og sagt honum að skilti þess efnis hafi verið komið fyrir í borgarráðinu fyrir mörgum mánuðum.

[Dagný (IP-tala skráð) 11.5.2012 kl. 13:27]

Lenti í svipuðu atviki fyrir mörgum árum, þá var verið að leggja ljósleiðara í mínu nágrenni. Til mín komu fulltrúar frá framkvæmdaaðilum með kort af götunni og við hjónin sátum með þeim í góðan hálftíma við að fara yfir kortin og koma okkur saman um hvar farið yrði með leiðarann í gegn um innkeyrsluna hjá okkur þannig að það yrði sem minnst rask og tiltölulega auðvelt að ganga frá á eftir. Allir sáttir:

En þegar ég kom heim úr vinnunni daginn sem verkið var unnið fékk ég heljar sjokk, því blessaðir mennirnir fóru svosem eftir okkar ósk um að fara í gegn um hellulagða gangstétt með leiðarann inn í okkar hús, en þeir fóru þvert yfir garðinn hjá okkur til að komast í næsta hús OG ÞAÐ HAFÐI ENGUM ÞEIRRA DOTTIÐ Í HUG AÐ NEFNA VIÐ OKKUR fyrirfram. Þeir gengu illa frá þessu, en komu samt aftur og löguðu aðeins betur u.þ.b. mánuði seinna. Næsta vor hafði skurðurinn náttúrulega sigið og við þurftum að bæta jarðvegi í dældina á hverju vori í mörg ár til að jafna þetta út.

[Þórarinn Þór (IP-tala skráð) 11.5.2012 kl. 23:21]

Smá klaufaskapur hjá verktakanum að fara inn á lóð þar sem eigandi hafði ekki samþykkt. Ég hef þó fulla trú á því að Gagnaveitan geri það sem til þarf til að sættir náist og að verktakinn lagi það sem þeir röskuðu. Þeir lögðu ljósleiðara til mín í fyrrasumar og gengu mjög vel frá og nú er nánast ómögulegt að sjá hvaða leið þeir fóru. Sem betur fer var ég heima til að samþykkja þetta því ég hefði ekki vilja missa af því að hafa ljósleiðaratengingu.... þvílíkur munur :)

[Tryggvi Guðmundsson (IP-tala skráð) 12.5.2012 kl. 09:07]

Gagnaveitan er eina lagnaveitan sem leggur lagnir gegnum lóðir að nágrannahúsum.  Þetta er slæmt fyrirkomulag þar sem strengurinn er plægður niður mjög grunnt og því mikil hætta að vera skemmdur óvart.  Þá getur sá sem við garðvinnu óviljandi skemmir strenginn  skapað sér skaðabótaábyrgð gagnvart nágrönnum og Gagnaveitunni.  Aðrar lagnaveitur legga í skipulögð lagnastæði þar sem hefur verið gengið frá á löggilltan hátt með þinglýstum kvöðum.