,,Örlætisgerning"

Jæja gott fólk, þið sem eigið það til að vera svöng og eigið svöng börn og takið stundum mat úr matvörubúðum eða borðið á veitingastöðum og gleymið að borga eða bara labbið út...þá má hér eftir líta á það sem ,,Örlætisgerning" og gefa ykkur kost á að skila eða borga , í stað þess að fá lögreglukæru um þjófnað og oft á endanum fangelsisdóm, ýmist skilyrtan eða beint á Hraunið !!!Það er vissulega örlæti að vilja gefa börnum sínum að borða og sjálfum sér um leið...rétt eins og það er örlæti að vera framkvæmdastjóri Eirar og vera örlátur á kostnað vinnustaðar síns og bjóða fólki í frí til Spánar.. Slæmt að launin hafi verið svo léleg, eflaust á pari við það sem þeir sem púla þar við þrif og eldamennsku fá, að þau leyfi ekki að vera örlátur á sinn eigin kostnað ...reikna með að öllum öðrum starfsmönnum Eirar hafi verið leyft að vera eins örlátt við sitt fólk og láta Eir splæsa í Örlætisgerninga út og suður til Spánar...annað væri nú bara óréttlátt og til marks um skítamóral og mismunun á einum og sama vinnustaðnum...

Eða kannski að það þurfi að festa upp skilti á skrifstofum Eirar um að ALLUR ÞJÓFNAÐUR SÉ KÆRÐUR TIL LÖGREGLU, eins og víða má sjá í verslunum ???  Eða heitir þetta ekki annars þjófnaður , réttu nafni eða þarf að færa þetta í fínan búning vegna stöðunni  sem maðurinn sinnti..?

Við búum jú í jafnræðissamfélagi , ekki satt...þar sem lögin ná jafnt til allra...;o

Gefinn kostur á að endurgreiða

Athugasemdir

[Ásthildur Cesil Þórðardóttir, 15.11.2012 kl. 14:27]

Þessi maður er algjörlega siðlaus og rífur bara kjaft þegar honum er gefin kostur á að laga ástandið.  Gvendur Jaki var þó maður að meiri að endurgreiða tvöhundruð þúsundinn sem Albert Guðmundsson gaf honum af annara manna peningum, þegar það uppgötvaðist.  Það væri gaman ef einhver man í hvaða samhengi það var, var það eitthvað í sambandi við Hafskip? minnir það.

[Hjördís Vilhjálmsdóttir, 15.11.2012 kl. 14:35]

Man aldrei eftir að hafa heyrt af þessari gjöf sem þú nefnir mín kæra...en þá er spurning hvort dóttir hans eða hennar maður, ættu að endurgreiða Eir...?

Mér svíður undan því hvað þetta er tekið ljúfum tökum, á meðan við vitum að hér er lögrelgu sigað á fólk hikstalaust við að taka einhvern kjúkling eða annað matarkyns sem kostar engar 200 þús. úr matvörubúð, en löggunni er ekki sigað á hann, og honum gefinn séns á að endurgreiða... arg ! ;O

[Ásthildur Cesil Þórðardóttir, 15.11.2012 kl. 14:53]

Já óréttlætið er himinhrópandi og hefur frekar aukist í tíð þessarar svokölluðu norrænu velferðarstjórnar.

[Jón Óskarsson, 15.11.2012 kl. 15:26]

Lögmaðurinn er þarna uppvís að skattsvikum og framkvæmdastjórinn um brot á bókhaldslögum og skattalögum, auk þess sem hann brýtur af sér í starfi og fer út fyrir starfsheimildir sínar.