Yndislegt

Að heyra og gott að RÚV var með beina útsendingu frá þessu. Sem betur fer fór allt á besta veg, eins og sérfræðingar höfðu reiknað með. Held að það hafi ekki verið létt að vera um borð og ég vona að allt það fólk muni geta flogið áfram í framtíðinni. Svona atburðir hafa því miður oft miklar afleiðingar fyrir fólk, sem sumt hvert mun kannski aldrei aftur þora að setjast um borð í flugvél.

Lent heilu og höldnu

Opið fyrir komment

Venjulega er nú lokað fyrir kommentmöguleika á mbl.is þegar um andlátsfréttir er að ræða.

Hversvegna er opið núna ? Er það látið skipta máli hver á í hlut ? Það gruna ég og líkar ekki, verð ég að segja og ég vona að mbl.is sýni öllum sömu virðingu og hafi annaðhvort alltaf opið eða alltaf lokað.

 

Lést í fangaklefa á Litla-Hrauni

Starfslokasamningar

Fyrir ALLT launafólk, eða enga. Það væri allavega lágmark ef allir bæjarstafsmenn í Garði hefðu sama starfsöryggi. Það er vel hægt að leika sér að því að draga sér opinbert fé með þessum hætti. Því má ekki gleyma. Ekki að það hafi verið gert í þessu tilfelli, en möguleikinn er vissulega til staðar og gæti vel freistað margra að slá til. Ráða endalaust marga nýja bæjarstjóra og í fleiri stöður með drjúga starfslokasamninga, og finna svo ástæðu til missættis og reka þá svo hvern af öðrum. Og segja svo bara úps...hann var ómögulegur og líka næsti, og líka næsti...nei þetta gengur ekki og þarf að afleggja með öllu. Menn geta leikið sér svona með eigið fé í sínum fyrirtækjum en ekki í einkagamble með almannafé.

Bæjarstjórinn í Garði rekinn

Hippadraumórar

Sem ganga því miður ekki upp. Heimurinn er því miður ekki eins góður og við óskum okkur að hann sé og því ábyrgðarlaust að vera algjörlega varnarlaus hér á okkar fallegu litlu eyju. Á sama tíma er verið að tala um nauðsyn þess að efla lögregluna. Þó hún muni fá auknar heimildir og þessvegna vopn ( sem ég vona að verði aldrei), þá munu þeir ekki hafa roð í nokkrar varnir ef öryggi okkar yrði ógnað og ef einhver myndi vilja koma hingað sem við ekki viljum fá. Þá mun ekki þýðar neitt að væla með hvolpaugu og sætu brosi og biðla til annarra NATÓ ríkja að hjálpa okkur. Annað væri kannski ef við hefðum aldrei gegnið í NATÓ en það var gert og því algjört óráð að skrá sig úr þeim klúbb.NATÓ þjóðir gegna einnig friðarhlutverki sín á milli, loforð um að ráðast ekki hver á aðra og því má ekki gleyma, þó margt slæmt gerist innan þess því miður. 

 

Vilja Ísland úr NATO

Við sigrum í ár !

Okkar lag er langbest og við erum sú þjóð sem yrði án efa þakklátust fyrir að sigra. Harpan er tilbúin svo nú þarf ekki að stressa sig lengur með það að við getum ekki haldið keppni hér.

Ég amk vona svo innilega að við sigrum Þetta lag er vel heppnað í alla staði og mér þykir Greta Salóme vera afar góð landkynning. Hún  er ung, samdi lag og texta, syngur og spilar á fiðlu ! Ekki létt að toppa það. bæði flott klædd og með þokkafulla framkomu.  Með þessa hæfileika sigraði Ryback og ég vona að við fetum nú í fóstpor frænda okkar Norðmanna.  Að auki þykir mér ekki neitt annað lag, af þeim sem ég hef heyrt, komast með hælana þar sem við höfum tærnar. Vona að tölfræðin með fatalit skemmi ekki fyrir okkur, en Páll Óskar hefur farið yfir það og svart sigrar síst, og hvítt oftast. En...Olsen bræður sigruðu í svörtu, svo við ættum að geta það sömuleiðis ;))) 

Íslandi spáð 6. sæti

Hver kaupir ?

Verður áhugavert að sjá hvort Iceland verslanir opni þar í staðinn ? Ef svo er, þá er skiljanlegt að Forstjóri Haga hefur líst því yfir að hann ,,óttist ekki samkeppni" með til tilkomu Iceland á markaðinn, verði það að veruleika.

Talaði Jóhannes ekki annars um að opna 4 verslanir til að byrja með ? Man það ekki alveg reyndar, en mér þykir einkennilegt að menn séu ekki stressaðir að fá aukna samkeppni, þegar alvöru samkeppni er í gangi eins og okkur er sagt að sé málið hér á landi. 

Er þessi tímasetning algjör tilviljun eða er hér um eitthvert samkomulag eða pöntun að ræða ? Kostur kvartaði undan því að erfitt væri að fá húsnæði og að fá afslætti á vörum. Áhugavert verður að fylgjast með hvernig Iceland muni ganga með þessa tvo þætti. Eins er 11-11 nýbúið að loka sínum tveimur síðustu verslunum og sem enn eru þó opnar undir merkjum þess. Og seldi 10-11 / Högum. Hefði nú verið gráupplagt að fá þar Krónuna í staðinn. það hefði aukið samkeppnina hefði ég haldið, með Bónus nálgægt þeim báðum. Mun Iceland opna þar i staðinn ? 

Ætli eigendum Víðis verði boðið að kaupa af Högum ? Var þeim boðið að kaupa af 11-11 ? 

Smá hálfkæringur í morgunsárið.. ;))

Hagar selja smásöluverslanir

Hræðsluáróður

Eða sannleikur ?

Nú eru einhverjir bankanna nýlega búnir að auglýsa óvertryggð íbúðalán með vaxtabreytingaákvæði.  Er það til að lokka fólk í gildru ? Eða er FME að hræða okkur til að vilja ólm halda í verðtrygginguna ?

Ef vextir munu sveiflast svona mikið, mun þá ekki koma hávær þrýstingur frá lántakendum, rétt eins og gerðist vegna gegnislánana þegar þau tóku stökkbreytingum eftir hrunið ?

Mun það kannski koma að sjálfu sér, svona næstum því, að þegar við fáum vaxtakjör eins og heimurinn, að Seðlabankinn nái að halda verðbólgumarkmiðum sínum ? 

Er kannski best að sem flestir taki áhættuna og fái sér óverðtryggð lán og afnemi þannig verðtrygginguna, þar sem stjórnvöld í gegnum áratugi hafa aldrei séð sér fært að stíga það skref ? Og standi þá 100% saman ef vextir fara uppfyirr ákveðna eðlilega sveiflu, 2% stiga eða svo, og borgi ekki neitt á meðan. Ekki krónu. 

 

Óverðtryggð lán næm fyrir vaxtahækkunum

Fylgja límmiðar með ?

Svona just in case ef einhver sem sést á mynd, á eftir að ergja einhvern með tilveru sinni ?

Ég mun ekki sækja þessa skrá vegna þess að ég varð virkilega ósátt við þá ákvörðun þeirra að gefa út límmiða til að hylja einn mann, sem enn er ekki vitað hvort sé saklaus eða ekki af því sem hann er kærður fyrir. Símaskráin er ekki dómsvald. 

Það sem þeir gerðu er eitt það kvikyndislega einelti sem ég hef nokkurn tímann vitað um. Svei þeim ævinlega að hafa gert þetta, svei þeim !!

Símaskráin kemur út í dag

Áhugavert orðaval

..,,annars myndi ég ekki nenna að eiga það.."

Eru fyrirtæki sem eru skráð á hana, að nafninu til, sem hún nennir ekki að eiga ? Hvað eru þau mörg ? Og hver eru þau ? Sem hún þá hefur ekki sett peninga í, því annars myndi hún nenna að eiga þau.

Áhugavert orðaval hjá henni, mjög svo : ,, annars myndi ég ekki nenna að eiga það.." Hver á svo ca. 10% sem uppá vantar ? Og hefur hún greitt þetta eða er þetta í skuld ? Hvar fékk hún fjármagn og hvert var kaupverðið ? Af hverju þá ekki að kaupa þetta í eigin nafni í stað þess að gera þetta í gegnum nökkur félög, og sum skráð í skattaskjólum ? Þetta þarf að koma fram og það ætti eigandi vel að geta svarað, væri hann spurður að því, en ekki hlaupa í fýluvörn.  Það er orðið nokkuð þreytt. 

Þreytt á umræðunni um 365

Hættum að deyja

Og spörum þannig peninga ríkisins / okkar !

Orðið aðeins of langt gengið í niðurskurði þegar ekki verður hægt að grafa fólk. Eða er kannski ætlast til að fólk setji andlát sitt á hold þar til hagkerfið lagast ? Eða endar þetta með fjöldagröfum ?

Ætli það sé þannig að kirkjugarðsgjaldið, sem skylt er að greiða, fari ekki óskipt í kirkjugarðana ? Að það sé enn einn nefskatturinn sem klipið er af ?

Sorglegt þykir mér það sem fram kemur um að um leið og orðið ,,kirkja " sést, þá virðist það vera orðið eins og hvert annað skammaryrði. 

 

 

 

Hafa ekki lengur peninga til að taka grafir