Mikið er það gott

Að Harpan gengur svona vel og svo margir fara þangað. Ég er rosalega ánægð með að tekin var sú ákvörðun að ljúka við byggingu hennar og hef fulla trú á því að vegna hennar, muni listamenn okkar eflast og fleiri ná blóma. Mér Þykir allt vera jákvætt og gott við Hörpuna. Það tekur tíma að uppskera og það var rétt sáning að leyfa Hörpunni að fæðast. Við þurfum bara að temja okkur þolinmæði ;))

Milljón gestir senn í Hörpu

Uppúr kreppunni

Ég trúi því að opnun Bauhaus og sú samkeppni sem það mun hafa í för með sér, verði til þess að hjólin fari að snúast á ný í landinu okkar fagra !! Þjóðfélagið er nánast búið að vera á hold í 4 ár og tími kominn á að ýta á play takkana. Þó helst þannig að fólk skuldsetji sig ekki eða sýni kæruleysi í útgjöldum. Hrunið á að hafa kennt fólki það að stóri vandinn hjá mörgum var of mikil skuldsetning. Það þarf að eiga til að eyða ! Það er fullt af fólki sem líður skort því miður. En það er líka fullt af fólki sem hefur ekki þorað að eyða peningum sínum, sem er jú meginorsök kreppu, ótti. Það fólk getur komið hjólunum af stað með því að taka upp veski sín !!  

Að fólk drífi sig í að ditta að fasteignum sínum og það komi skriður af stað á sem flestum sviðum atvinnulífssins, hvort sem er á fasteignamarkaði, hjá iðnaðarmönnum eða öðrum og það mun svo hafa keðjuverkandi jákvæð áhrif víða um samfélagið. Óskandi að iðnaðarmenn sem fóru eftir hrun og  m.a. til Noregs,  sjái nú ástæðu til að koma aftur heim ;))

Góða veðrið mun hjálpa til og óskandi að skap VeðurGuðanna haldist hlýtt og sólríkt, það hefur góð áhrif á skap landans. Það er alveg ljóst. Í góðu veðri er fólk jákvæðara og til í allt , svona næstum því.Óskandi að fólk nýti sér þá góðu og jákvæðu orku sem er allt í kringum okkur.

Þetta ár, 2012 verður gott á svo margan hátt og það ár þar sem Íslendingar spinntu við fótum eftir að botninum var náð eftir hrunið. Því vil ég trúa og vona að það reynist verða svo. Takk Bauhaus fyrir ykkar mikilvæga innlegg í innspýtinguna sem svo sárlega hefur skort. Svo sigrum við Euro, fáum nýjan Forseta eða þann gamla með nýjar áherslur, tökum gullið á ÓL og....;)

 

 

Allt fullt hjá Bauhaus

Lækka verðskrána

Er það sem þarf að gera. Enda virðist hún blöff hvort sem er, ef svo margir fá yfir 70% afslátt. Hafa gott verð fyrir alla og alltaf.  Eða hunsað þetta, enda ekki alltaf farið að tilskipunum ESB alveg ett , tvo og tre hvort sem er. 

En var það ekki þannig í upphafi að það átti að hætta að rukka í göngin þegar þau væru greidd upp ? Og hefur það ekki annars tekist ?Mig rámar í að hafa lesið um það áður, hver man og veit meira um þetta ?

Jafnræði neytenda...hvenær mun ESB fara fram á að t.d. eldri borgarar borgi fullt verð fyrir lækna og lyf ??? Á að banna okkur að veita vissum hópum mikla afslætti á heilbrigðisþjónustu ? Er þá ESB einnig að berjast fyrir jafnri innkomu  allra og jöfnu verðlagi kaupmanna og opinberra aðila ??

Og svo er talað um að ESB þýði frjálst flæði fólks og fjármuna....hummm..

 

Breytt gjöld í göngin

Krónískt tuð

Við erum að ég held nokkuð stolt af því að vera herlaus þjóð. En samt eru orustur háðar hér dagalega, hvort sem er í Net-eða Mannheimum og Alþingi í forystu !! Við erm með stórskotalið á Alþingi okkar, alveg þverpólitískt og þannig hefur það verið í alltof mörg ár, sennilegast áratugi. Hver er að biðja ykkur um að hegða ykkur svona ? Lítil börn hafa meira vit en þið sýnið, alltof mörg ykkar og sennilegast mikill meirihluti. Taki til sín sem vilja og eiga. Þau fáu sem standa sig: Takk ;))

Baunandi hvert á annað, hvað einhver gerði áður ( að JS hafi talað í 11 klt.) og á þá að halda því áfram ? Hverju skiptir það í dag ??? Auga fyrir auga, tönn fyrir tönn. Eða tuð fyrir tuð, og röfl fyrir röfl. Grow up !!

Þetta rugl ástand er að kosta okkur dýrmætan tíma og fjármuni. Hættiði og sýnið hvoru öðru virðingu sem og þjóðinni allri, bæði þeim sem kaus ykkur og þeim sem ekki gerðu það. Þegar þið hættið þessum stórororustum ( í herlausa landinu sem ég efast oft um)  mun sá dagur koma að virðing og traust á Alþingi eykst. Vitiði til. Það er ekki nóg að tala um að hér skorti traust og að það þurfi að bæta og vinna upp. Það þarf að verða að veruleika. Það fer illa með alla að geta ekki treyst, bæði ykkur og þjóðina alla.  Það endar með því að ungt fólk með áhuga á stjórnmálum leggur ekki í að bjóða sig fram !! Leggur ekki í þá ljónagryfju sem stjórnmál virðast vera. Er það nauðsyn til að geta sinnt hagsmunum þjóðarinnar sem allra best á hverjum tíma, allir 63 ???

Vinnið veg þjóðarinnar sem hraðast og best, hættið þessu eyðileggjandi skothríðum og stælum eða hver er í meirihluta og hver er í minnihluta. Þið hafið ekki leyfi til að hegða ykkur svona í vinnunni á launum frá almenningi. Hegðiði ykkur með sama hætti heima hjá ykkur eða ausiði bara og gusið úr tuðskálunum yfir samstarsfólk ykkar og almenning ??? 

Þeir sem eru krónískir tuðarar : stofnið eigið fyrirtæki og gangi ykkur vel að finna fólk sem vill vera í vinnu hjá ykkur undir slíku tuði og þrasi sem dregur alla orku ,jákvæðni, samvinnu, kraft og vilja til framkvæmda med det samme.  Það væri þá ykkar persónulega tap og gjalþrot en ekki bruðl með almannafé og tíma sem þið getið ekki leyft ykkar og þið ættuð að hafa næga greind til að átta ykkur á því öll, þverpólitíkst. Takið ykkur góð samskipti í kringum ykkur til fyrirmyndar og í fáum tilfellum á Alþingi, eða farið á námskeið hjá Dale Carnegie og lærið það.  Í leiðinni hefðuð þið gott af að kynna ykkur hvað einelti er og vinna að því að vera skólum landsins góð fyrirmynd.  Please ;)

Jóhanna skammaði Ragnheiði Elínu

Plús verðbætur

Er það eðlilegt eftir 7 ár þegar fólk skilar ,,vöru" sem það vill ekki eiga ? Kemur það fram í samning þegar fólk kaupir lóðir, að hægt sé að skila og fá verðbætta endurgreiðlsu eftir 7 ár ?? Og hvað með kvaðirnar um að hefja byggingu innan tveggja ára ? Sem ekki var staðið við. Hefur það engar afleiðingar ; eru það einungis vinsamleg tilmæli sem enga þýðingu hefur ? Til hvers eru þá slíkar kvaðir settar ?

Fjárkröfur fyrnast á 4 árum. Hér er ekki um hefðbundna fjárkröfu að ræða né ,,gallaða vöru". 

Og hver er þá heildaruppæðin sem þarf að endurgreiða ? Eru verðbætur hærri en t.d. bankavextir hefðu verið í 7 ár ?  Nú er það þannig að þegar fólk á inni fé hjá opinberum aðilum, þá er það ekki endurgeitt með vöxtum eða verðbótum.  Þó svo oftekið hafi verið og sannarlega réttmætt að fá endurgreiðslu með vöxtum eða / og verðbótum.

Mér þykir þetta ekki vera rétt. Fólk ætti að prísa sig sælt að fá að skila og fá endurgreitt eftir svo mörg ár, sem sennilegast er nú ekki mörg fordæmi fyrir. 

Reynir að skila 10 milljóna lóð

X-D tapar 3

Ætli það sé vegna reiðilesturs fyrrverandi formanns og Forsætisráðherra eftir niðurstöðu Landsdóms ?

Ný framboð næðu tíu þingmönnum

Flott hjá þeim

Að höfða mál !! Vona að þau sigri og að sá dómur verði fordæmi fyrir fleiri að gera slíkt hið sama.

Þetta þurfa foreldrar á Íslandi einnig að gera þegar lífi barna þeirra er rústað og þau kveljast. Sum ná sér aldrei og sum fremja sjálfsmorð . Það þarf að muna að foreldrum ber lagaleg skylda til að senda börn sín í skóla. Lágmark er því að setja þær skyldur á skóla að öllum börnum líði vel. Ekki bara í orði heldur einnig í verki. 

Það á ekki að líða ofbeldi í nokkurri mynd. 

Foreldrar í mál vegna eineltis

Kellingarálkan

Að sjá það ekki blessunin hvað þetta er lj... litur og óeðlilegur.  Þetta er nú heldur ekki sú besta auglýsing sem sólbaðsstofur myndu kjósa sér. En hvað með ábyrgð þeirra ?  Vonandi að þetta mál leysist nú, engin þörf á að setja kellu bak við rimla , þó svo sekt myndi sannast.

Bull að hún hafi verið handtekin, þvílíkt bull og kostar hana himinháar fjárhæðir sem er kannski tilgangur kerfisins ?

Handtekin fyrir að setja dóttur sína í ljós

Hefur reynt á ábyrgð annarra ?

Mig langar til að vita hvort reynt hafi verið að fá ábyrgðarmenn til að borga og hvort þeir hafi neyðst til þess, sem eru í sömu stöðu og þessi maður ??? Þar sem LIN taldi sér stætt á að rukka, þá er spurning hvort þetta sé eina málið sem þeir rukkuðu eftir að ábyrgðamannatími hefur runnið út. 

Þetta er væntanlega í fyrsta sinn sem einhver neitar að borga, þeas neitar að vera enn í ábyrgð. Svo ég vona að fólk sem eins er ástatt um láti heyra í sér, hafi það neyðst til að kyngja þessu. Því það geta ekki allir farið með mál fyrir dóm eins og vitað er, það kostar svo mikið.  Eða hefur það kannski verið gert en tapast ?

Hæstiréttur dæmdi dómara í vil

Hvar eru þeir ?

Hvað þýðir að vera í vörslu lögreglu ??? Eru þeir báðir þar saman ? Í klefa , á hóteli, heima hjá lögrelgumönnum ? Hvar eru þeir ? Í Reykjavík, Keflavík, Sandgerði ? 15 daga dómur.. tíminn líður hratt svo hvernig á að framfylgja dómnum og hvað verður um þá í framhaldinu ???

Ekki má setja þá í fangelsi, amk ekki þann sem talinn er vera 15 ára. 

Svo tek ég eftir að þeir eru ýmist kallaðir, karlmenn, unglingar, börn eða ungmenni , allt þetta í einni stuttri frétt um sömu einstaklingana.

Svo er nú annað sem ég vona að verði skoðað betur og vonandi stöðvað , að málum sem þessu fer mjög fjölgandi. Hversvegna ætli það sé ? Það geta ekki hverjir sem er komist yfir fölsuð skilríki, þau kosta háar fjárhæðir svo hvað er í gangi í raun og sanni ? 

 

Reynt að finna fósturheimili