Leyndóland ehf

Það er oft eins og hinar ýmsu stofnanir landsins séu ríki í ríki sínu og séu rekin eins og hvert annað ehf. Af hverju stofna menn ekki bara eigin fyrirtæki ? S'in eigin ehf eða þessvegna eitthvað Group.

Hér gilda upplýsingalög og til hvers eru símtöl tekin upp, ef það má svo ekki hlusta á þau, rétt eins og önnur gögn þó á pappír séu ?

Að hafna þessu vekur meiri tortryggni í málinu með margumrætt lán sem var veitt í fallinn banka sem menn segjast hafa vitað að væri að sökkva í langan tíma. Eftiráklókindi ?

Gott og blessað, það kemur svo sem fram hér að það þurfi fleiri úr nefndinni að biðja um þetta. Ég rétt vona að þeim takist að fá fleiri með sér og endurtaki þá beiðni sína til Seðlabankans. Og leyfi svo þjóðinni sem á þessi gögn, að hlusta !!! Og sem ber kostnaðinn af aðgerðum og aðgerðarleysi fyrrum þjóna okkar. 

Og þá er eins gott að bankinn neiti ekki aftur og skaffi lögmönnum vinnu við það að þurfi að drattast með þetta fyrir dómstóla sem hafa nóg annað á sinni könnu og kostar alveg nógu mikið að reka.  

Hafnar beiðni um birtingu á símtali

Spaugstofulegt

Það er eitthvað svo margt asnalegt við þetta.

Að vera ráðherra með mörg starfsheiti og mæta á mismunandi fundi eða uppákomur sem margir ráðherrar. Og að þurfa næstum að skipta um takt í sama viðtali eða ráðstefnu, næstum að þurfa að ráðfæra sig við sjálfan sig. Svo eru þessi nöfn alltof löng.

Er ekki hægt að finna styttri nöfn og svo sjái sá ráðherra um þá mörgu málaflokka sem starf hans krefst ? Þetta er alltof ruglinslegt og flókið.

Oft er gott að nota bara KISS aðferðina ( keep it simple stupid). 

Er ekki alveg hægt að líta á  titil / starfsheiti ráðherra eins og titil yfirmanns í deildarskiptri verslun eða framleiðslufyrirtæki? Þá er það bara eitt starfsheiti og eftir atvikum eru deildarstjórar.

 

Mikið um andsvör við ræðum þingmanna

Hvað þýðir sigur úti ?

Verði málið tekið fyrir og sigri fyrrverandi Forsætisráðherra, hvað mun það þá þýða fyrir íslenska ríkið/ okkur sem eigum allt það gull sem þar er finna ???

Þýðir sigur úti  að hann eigi  rétt á skaðabótum sem ríkið ( við)  þarf að greiða ? Eða þýðir sigur úti að ríkið/ við þurfum að greiða allan málskostnað úti ? Eða þýðir sigur úti að Íslandi verði gert skylt að breyta réttarkerfinu ?  Eða þýðir sigur úti bara rassskellur án refsingar fyrir réttarfarið á Íslandi ??? Hver er ávinningurinn af að fara með mál út til Strassborgar, þegar sigur næst þar ?

Og hvað kostar að fara með mál fyrir dóminn og hver borgar ?

Stefna til Strassborgar

Birta lista

Yfir þær verslanir sem sáu sér fært að virða frídag launamanna. Þá er hægt að sjá nákvæmlega hverjir stóðust græðgismátið og höfðu lokað. Orðið frídagur er ósköp skýrt og gott orð. Hvernig má það vera að svo margir verslunareigendur skilji ekki hvað þetta orð; frídagur,  þýðir ?

Og af hverju er tregða verlsunareigenda meiri en t.d. þeirra sem eru með skrifstofur, verksmiðjur, verkstæði  og banka sem sýna deginum þá virðingu sem hann á skilið og hafa lokað 1. maí ???

Svo skil ég ekki, oft er sagt að 1.maí sé lögbundinn frídagur. Af hverju má þá samt hafa fólk í vinnu þann dag án viðurlaga af nokkurri sort ? Af hverju mega þá verslunareigendur ákveða sjálfir hvort þeir gefi starfsfólki sínu frí eða ekki ?

Vilji eigendur verslana vinna, er sennilegast ekki hægt að segja neitt við því. Hversu margir eigendur stóðu einir vaktina í búðum sínum 1.maí ?  

Segir hátt í 40 verslanir hafa verið lokaðar

,,Hrein borg

fögur torg"- hvað varð um að slagorð ???

Þverpólitískur sóðaskapur. Sennilegast býr enginn merkilegur þarna, svo þá er þetta ok.

En það gengur auðvitað ekki að rukka fyrir þjónustu sem ekki er innt af hendi. Af hverju má ekki vænta þess að þeir sem eru á launum, sinni störfum sínum?

Eða er sóðaskapurinn sýndarmennska til að reyna að telja fólki trú um að ekki sé bruðlað með opinbert fé ? Hafa sparnað, aðhald og niðurskurð sýnilegan, eins og það að slá ekki gras og minnka unglingavinnuna sem eru alvarleg mistök, sama hver situr við völd á hverjum tíma.  Sama tirkkið og RUV notaði með því að byrja á því að reka þulurnar !! PM sagði það sjálfur í viðtali að þetta væru mjög sýnilega aðgerðir sem enginn brást við á þeim tíma svo ég muni. Og svo voru reyndir fréttamenn reknir og sumum hent út eins og rusli, t.d. Elínu Hirst. Og svo aðrir og sennilegast fleiri ráðnir á móti. Hvernig er hægt að spara með því ? Eins og ef heimili er að skera niður, segir upp Nýju lífi og kaupir áskrift af Mannlífi í staðinn...;))

 

„Vígvöllur hraklegustu sóða“

Oh

Að þessi frétt skuli ekki vera frá íslenskum verkalýðsleiðtogum á Íslandi í dag, 1.maí 2012...en hún væri það ef þeir stæðu með þeim sem þeir eiga að standa, launþegum landsins. Og færu fram á tafarlaust afnám verðtryggingar, ella boðað til allsherjarverkfalls. Ekki flóknara en það. En því miður draumsýn og óskhyggja sem ekki rætist vegna algjörs viljaskorts ( en fullkomins vilja að standa áfram með verðtryggingunni, atvinnurekendum og peningaöflunum).

Skipuleggja allsherjarverkfall

25% verðtryggðing ofaná vexti

Er nema von að peningaöflin vilji ekki sleppa verðtryggingunni !!! Og hversu neyðarlegt er að setja hér banka á hausinn með slíka álagningu ??? Mjög heimskulegt að takast ekki að skila blómlegum alvöru hagnaði í slíku umhverfi. Hvað þurfa vextir eiginlega að vera hér háir og laun bankastjóra, til þess að bankarnir fari aldrei aftur á hausinn ??? En af hverju vilja ekki allir 63 Alþingismenn okkar og sumir s.k. verkalýðsforkólfar það ekki heldur ?? Hvaða hag hafa þeir persónulega af því að standa með peningaöflunum og gegn almenningi ??

 

Og bankarnir eru að auglýsa óverðtryggð lán með föstum vöxtum með vaxtaendurskoðunarákvæði sem ég vona að enginn taki . Þetta var boðið í upphafi innrásar bankanna á húsnæðislánamarkaðinn árið 2004 og olli ótta þegar hrunið varð og þá var fallið frá að nýta þetta ákvæði, muni ég það rétt. Bankarnir voru svo góðir að sleppa því að nýta þetta sem fólk samþykkti. Að vísu voru það verðtyrggð lán, en fólk gat valið fasta vexti eða breytilega með þessu ákvæði. 

En það sem var alvarlegast í hruninu að mér þykir, var hið algjöra hrun á öllu trausti. Það er rót þess sem hann talar um að ég tel. 

Verkalýðsforkálfarnir s.k. og Alþingismenn okkar, þurfa annaðhvort að sjá til þess að verðrygging verði afnumin STRAX eða koma henni STRAX á launin, eins og var. Það tók enga stund að afnema hana á launin á sínum tíma, svo menn hafa bæði þekkingu og reynslu af því hversu einfalt þetta er. Þegar viljinn er til staðar gerast kraftaverk á svipstundu!!   Vilji þeir það ekki, hafi þeir ekki greind til þess, menntun eða annað; treysti sér ekki til þess eða nenni því ekki, þurfa þeir að finna sér aðra vinnu. Annars fer mann að gruna að mútur séu á menn bornar og við þeim tekið !! Suss, hvernig læt ég, það er bara gert  í útlöndum...;)) 

Fasistar, nasistar og kommúnistar

193 þúsund í laun

Er það sem vantar með í þessa frétt Moggans. Vonandi að fréttin verði uppfærð og því bætt við!

Hún ætlar að gefa restina til góðgerðarmála, þar til launaleiðrétting hefur náðst fram, sjá www.ruv.is ,,Vill lágmarkslaun sem forseti".

Þá er vonandi að skorað verði á alla aðra frambjóðendur til að gera slíkt hið sama !!! 

„Þar sem er vilji er vegur“

Frí auglýsing fyrir kaupmenn ?

Er þessi umræða um að sumir kaupmenn séu svo illa staddir að þeir geti alls ekki haft einn blessaðan dag lokað, auglýsing ti að trekkja fólk í búðir til að styrkja þá greyjin ???Og hjálpa þeim að græða meira ? 

Munum við sjá fréttir þess efnis innan fárra daga , að gróðinn hafi aldrei áður verið jafn mikill á 1. maí og í ár ??? Semsagt, að frí auglýsingabrellan ( dulbúnar sem fréttir) hafi svínvirkað ? Skála sælir og glaðir kaupmenn í kvöld og hlæja að öllu saman ? Eða grenja þeir sig til svefns ? 

Ég vona að sem flestir viðskiptavinir hafi staðist mátið og látið það ógert að versla í dag. Að þetta trikk, ef trikk er, hafi misteksit og hvatning VR og fleiri hafi svínvirkað í staðinn. Það deyr + enginn við örfáa frídaga verslana ! Alveg satt ;))

En ef þessu verður ekki breytt og búðir lokaðar 1.maí og Frídag verslunarmanna..þá er best að sama verði yfir alla látið ganga þessa daga og allir þurfi að mæta í vinnu og í broddi þeirrar fylkingar verði verkalýðsforustan og ráðamenn þjóðarinnar og bankarnir að sjálfsögðu. 

Stöndum vörð um þessa örfáu frídaga sem allir eiga að eiga, hvort sem er 1.maí, Jólin, Páskarnir eða aðrir dagar. Nýtum völd okkar sem viðskiptavinir og verlsum ekki þessa daga, þá hafa þeir lokað næst. Það er ekki sjálfgefið að þessi frí séu til staðar, þau eru árangur mikillar baráttu eldri kynslóða. Réttindi þurfa að aukast en ekki að glopra þeim úr höndum okkar sem þegar er búið að ná í gegn. Það er fullkomin vanvirðing við þá sem fyrir þeim börðust. 

Völd viðskiptavina eru algjör í þessu, og þá ábyrgð sömuleiðis ef allir fríadgar munu tilheyra sögunni !! Tómum búðum er haldið lokuðum ! Höldum þeim tómum.

 

 

 

Margar verslanir opnar á 1. maí

Afvegaleidd þjóð

Ætti almenningur á Íslandi ekki að geta dregið ráðamenn okkar fyrir dóm fyrir að hafa  afvegaleitt okkur og hylmt yfir með því sem vitað var að var í gangi hér fram að hruni ? Og um leið Vikingana okkar að sjálfsögðu og vitorðsmönnum þeirra. Meðsekt, víst ábyrgð hefur ekki sannast á nokkurn ráðamann. 

Það er margt sem heimfæra má uppá ráðamenn okkar í þessari frétt...nota blinda augað, rannsaka ekki, þykjast ekki vita. Og þarna er mælt með að finna refsingu við hæfi vegna vanvirðingu sem sýnd hefur verið. Og að ekki hafi verið hægt að treysta á heiðarleika og skilvirkni í gögnum. Að sýnd hafi verið einstök fyrirlitning á blygðunarlausan máta. Og þarna er verið að tala um fjölmiðil sem hleraði símtöl en ekki um ráðamenn okkar sem voru á vakt þegar landið okkar hrundi !!! Því miður er þessi frétt ekki um kerfið okkar og krimma þess ;((

Eða eigum við að kyngja þessu, fyrirgefa og gleyma og setja alla á sína gömlu pósta á ný og láta sem allt sé í gúddí og halda áfram inní framtíðina með óuppgerða fortíð og treysta þeim sömu á ný ? Eða sömu aðferðum með öðru fólki ?  Rétt eins og ýtt hefði verið á pás haustið 2008.  Engum refsað, engar almennar leiðréttingar vegna þess beina fjárhagstjóns sem almenningur hefur verið neyddur til að taka á sig.

Óbreytt ástand gengur ekki, eitthvað af þessu þarf að gerast, til þess að samfélagið nái að halda áfram og byggja upp landið á ný til framtíðar. Eða eru fleiri möguleikar í stöðunni til þess að frostið afþýðist og réttmæt reiðin hverfi á braut ?

Þetta er nú það sem kom í huga mér 1. maí við að lesa þessa frétt. Svo keimlíkt framkomunni við þjóðina. 

Ófær um að stjórna fyrirtæki