Dauðarefsingar

Eru bannaðar í Noregi, sem og flestum ef ekki öllum Vestrænum ríkjum. Hvernig datt honum í hug að mæla með því ómögulega ? Ok, í skiljanlegri og mannlegri geðshræringu daginn eftir þennan sorgaratburð..en að endurtaka þetta svo löngu seinna ? Til hvers ? Er hann kannski ekki dómari að atvinnu ? Er hann meðdómari sem vinnur við eitthvað allt annað dagsdaglega ?  Hefði talið að allir löglærðir vissu amk þetta um lögin.

Stendur við ummælin

Fríar ættleiðingar

Þetta mál er skelfilegt að lesa um og ekki veit ég afhverju konunni datt í hug að ræna barninu og svo skjóta móður þess. Kannski átti hún ekki nægt fé til að borga ættleiðingu eða var orðin úrkula vonar með að fá barn vegna langra biðlista eða krafna sem hún stóðst ekki ? Það kemur ekki fram svo þá þarf að giska á mögulegar ástæður. Eða var hún kannski of þung ? Sum lönd gera kröfur um hámarksþyngd. Amk mæðra.  Veit ekki hvort það sé svoleiðis hér og ef svo, hvort sömu kröfur séu settar á karlmenn.

Það kostar á milli 5000 og 40.000 dollara að ættleiða barn í USA og án efa himinháar fjárhæðir að fara í tæknifrjóvgun. Og sumar konur þurfa að fara margsinnis þar til það tekst.

Það stefnir í eða er kannski komið á þann stað nú þegar, að það að fá hjálp til að eignast barn sé forréttindi fárra með næga peninga. Það þykir mér ekki ganga upp. Þurfa yfirvöld hér og víðar, ekki að endurskoða stefnur sínar í ættleiðingar- og tæknifrjóvgunarmálum þegar kemur að kostnaði ofl því tengdu ? Þarf þetta ekki einfaldlega að vera frí þjónusta rekin af ríkjum heims ? Eða/og af non-profit hjálparsamtökum ? Of mikið er um það að börnum er rænt, konur neyddar til að gefa börn sín ofl. sem er miður fagurt. Og á sama tíma eru of mörg börn sem eru stálpuð eða / og ekki heilbrigð, sem erfiðlega gengur að finna foreldra fyrir. Þau sem mest þurfa á ást og umhyggju að halda. Eins og t.d. börnin í Norður Kóreu sem myndbrot sást frá í vikunni á mbl.is ;(;(;(

Það er ekki mikill akkur í því að borga dýrum dómum tæknifrjóvgun sem tekst og svo væri næsta par eða kona, sem ekki hefði efni á því, tilbúin að gera allt til þess að svo ræna því barni til sín, vegna þess að hvað þetta er dýrt. Sama á við um ættleiðingar. Já, og biðlistar eru alltof langir. Fólk gerir ótrúlegustu hluti í neyð og sennilega eru oft lítil takmörk fyrir því hvers mikla áhættu fólk er tilbúið að taka til að uppfylla  óskir sínar og  drauma.

Það er hagur allra að fólki líði vel og sé hamingjusamt  Þessvegna er þetta eitt af mörgu sem þarf að huga vel að.

Skaut nýbakaða móður og stal barninu

Öllum konum bannað

Eins og ég skil þetta, þá verður um leið öllum konum bannað að nota tölvur, þar sem það er aðeins eitt kvennafangelsi og það er í Kópavogi. Eða er það kannski deildaskipt í opið og lokið fangelsi ?

Ég er ekki sammála þessu banni. Þó evt einn og einn geri eitthvað slæmt í gegnum tölvu, er ekki rétt að það bitni á öllum föngum lokaðra fangelsa. Hvað er slæmt við að setja like á Facebook ? Væri ekki nær að loka á aðgang á síður sem þykja ekki uppbyggilegar ? Hvað blátt efni varðar....hef lesið að 95% karlmanna horfi á slíkt efni, giftir eða ógiftir. Þarna eru þeir einir, svo hverjum er ekki sama í rauninni ? Og blátt efni er ekki ólöglegt að ég held amk.

Hversu oft hefur það gerst að menn séu að selja eitthvað sem ekki kemur fram hvað er, eða hafa handrukkað úr fangelsum eða skipulagt glæpi ? Hversu stór er vandinn sem á að réttlæta bann á línuna ? Og hafa allir fangar gert eitthvað slíkt ?

Vonandi að þetta verði endurskoðað. Það er gott að hugsa um það hvernig framkomu maður sjálfur vildi fá, sæti maður í fangelsi. Og hvað netið varðar, ef maður vissi að maður væri bara að vafra á netinu en ekki að handrukka eða annað slæmt, hversu ósáttur maður væri að það yrði tekið af manni. Ein af fáum dægrastyttingum sem þeir hafa, get ég ímyndað mér.

Hitt er annað sem mætti hugsa um. Hvítflibbaglæpamenn sitja væntanlega ekki í öryggisfangelsum. Mega þeir komast í tölvur og netið ??? Einmitt þar sem svo létt er að halda brotum áfram, sé vilji til þess !!

Banna tölvur í fangelsum

Kristján Eldjárn týpa

Ari Tausti virkar vera hvers manns hugljúfi. Ekki veit ég um neinn ágreining sem hefur skapast um hann sem persónu né heldur í störfum sínum.  Aldrei man ég eftir að fólk hafi orrast útí hann. Hann hefur þægilega og góða rödd og framkomu, virðist sáttasemjari í eðli sínu og forðast án efa ágreining og læti með málamiðlum á rólegan og yfirvegaðan hátt. Hann gæti vel sameinað ágreiningsefni þjóðarinnar, þegar uppúr sýður inná milli.

Ég man óljóst eftir Kristjáni heitnum Eldjárn. En í óljósri minningu var hann einmitt rólegur , traustur og góður maður sem ekki tranaði sér mikið fram. Var þarna í ró sinni og veitti öryggistilfinningu. Blessuð sé minning hans. 

Ari Trausti er góður kostur fyrir alla þá sem vilja gamla rólega stílinn á ný á Bessastaði. Sem er gott á margan hátt. Ekki veitir af ´frið og ró. Hann á ekki eftir að skandalisera eða hneyksla og við getum vel verið stolt af honum útí heimi. Og ég held að honum muni bara ganga nokkuð vel í kosningunum í Júní ;)) M.v. þá sem fram hafa komið, pottþétt í hópi 3ja efstu. Mun hann sigra ? Það gæti alveg vel verið að það færi á þann veg.

p.s. Væri ekki ráð ef fjölmiðlar birtu nöfn frambjóðenda í stafrófsröð, svona til þess að mismuna ekki fólki. Listinn lengist stöðugt.

Ari Trausti ætlar í framboð

3 núll af

Hvað þetta hljómar nú eitthvað svo miklu svakalegri upphæð í fyrirsögninni þegar það eru 31.000 milljónir heldur en 31 milljarður. Hversvegna er það gert ? Það er nú venjan að tala í milljörðum þegar það á við. Þetta hefði auðvitað getað hljómað enn meira ef þetta hefði verið í þúsundum króna, eða enn meira ef það hefði verið í krónum.

En mikið væri nú gott ef greiningadeildir bankanna hefðu sömu vinnubrögð þegar kjör almennings eru skert vegna t.d. hækkandi verðtryggðra lána, skattahækkana og álíka óværu sem er að drekkja samfélaginu hægt og rólega. Af hverju gera þeir ekki sama þá ?

Og svo er annað sem væri gott að vita. Að óbreyttu, verði frumvarpið ekki samþykkt. Hvað þarf þá hvort sem er að afskrifa mikið ???

Tjónið 31.000 milljónir