Tökum upp einræði !!!

Það er hreinlegast ef fólk ætlar ekki að þora að fá nokkra breytingu af ótta við að þá fari allt í vitleysu og landið sökkvi í sæ. Sama viðhorf var á sínum tíma gagnvart Davíð Oddssyni, að enginn gæti stjórnað landinu nema hann...

Hættulegt og slæmt. Heimurinn mun bæði hlæja að okkur og vorkenna að kjósa í 5.sinn sama Forseta, þó við höfum úr mörgum fínum frambjóðendum að velja. Vorkennir maður ekki annars fólki sem hefur ekki neitt val, þó svo eins sé með það fólk að það trúir því að aðeins einhver einn geti passað að allt sé ok hjá þeim ??? Mörg lönd öfunda þá sem geta kosið, hvernig á að fólk að skilja svona bull, að kjósa alltaf það sama aftur og aftur og þora engu að breyta ????

Og hvað svo 2016 ? Önnur 4 ár ?? Aftur 2020 ?

Af hverju ætti ÓRG að vilja hætta 2016 eða síðar, verði hann áfram jafnlánsamur og hingað til, að hafa góða heilsu, bæði á líkama og sál að því er virðist amk ?

Vilja draga úr umsvifum forsetans

Neyðarleg landkynning

Fyrir lýðræðissamfélag að kjósa sama Forsetann í 5.sinn !!! Við sem erum almennt rosa upptekin af því hvað umheiminum þykir um okkur.

Pútín má orðið hafa sig allan við, svei mér þá..hef heyrt álit vina og kunningja sem eru frá Evrópu og USA sem eiga vart orð yfir hversvegna Íslendingar eru svo hræddir við breytingar. 

Fram hefur komið að ÓRG sé í 21.sæti yfir þausetnustu ráðamenn heimsins. Verði hann kosinn aftur þá mun hann skjótast hratt upp listann. Viljum við vera ofar á þeim lista ? Svona í alvörunni..úff !! 

Hann hefur staðið sig vel og landið mun ekki sökkvað í sæ eða allt fara í klessu. Honum er annt um velferð Íslands og Íslendinga og mun halda áfram að vinna að hag okkar, bæði í ræðu og riti. Svo það er óþarfi að óttast það að hann víki eftir 16 ár. Svo vona ég að sett verði lög sem takmarki setu Forseta, burtséð frá hversu vel þeir hafa staðið sig eða hversu margar áskoranir berast. 8 til 12 ár ætti að vera hámark og bundið við lög um ráðamenn landssins, þar sem þeir sjálfir og sumir kjósendur, passa ekki sjálfir að takmarka þaulsetu sumra í gegnum tíðina. 

Spennan lýtur að kjörsókninni

Kjarkleysi

Að þora ekki að kjósa nýjan Forseta í lýðræðissamfélagi. Að hafa sama forsetann í 20 ár er ekki neitt annað en ótti, þó svo hann hafi staðið sig vel. Og hvað svo þegar hann er 73 ára og vill vera áfram og ef einnig þá verða óvissutímar, eins og ávallt má segja að sé ???  Mér var t.d. bent á að strætóbílstjóri má ekki vinna fulla vinnu eftir 70 ára afmæli sitt, heldur aðeins 50% í nokkur ár sem ég man ekki hvað eru mörg. En það er ok að vera Forseti eftir 70 !!! Af hverju erum við sátt við að þeir sem sinna svo miklum ábyrgðarstörfum á margföldum launum strætóbílstjóra og skrifar undir lagasamþykktir í landinu, fái að vinna eins lengi og þeim sýnist ? Af hverju nýtum við okkur ekki þá staðreynd að við búum ekki í einræðisríki og kjósum breytingu ?

Af hverju eru Íslendingar svo kjarklausir og hræddir ? Af hverju ætti Ólafur Ragnar ekki að geta talað máli okkar áfram á nýjum vettvangi ? Clinton hefur t.d. magvísleg mikilvæg verkefni og Ólafur Ragnar ætti að fara létt með að feta álíka fóstspor og gert gagn áfram fyrir Ísland.

Ég hef þegar kosið og ég ákvað að kjósa nýjan Forseta til marks um nýja og breytta framtíð eftir ósköpin 2008 og ég vona að fleiri geri það sömuleiðis. Hátt hefur verið öskrað á breytingar og nýtt fólk í sem flestar opinberar stöður. Sýnum kjark og þor og kjósum nýjan Forseta á morgun. Það er hreinlega neyðarlegt að vera í sömu stöðu og þau lönd sem ekki fá að kjósa í lýðræðiskosningu eins og við erum svo lánsöm með að mega. Landið sekkur ekki í sæ með nýjum Forseta, það er slatti af fólki sem vinnur á Forsetaskrifstofunni og víðar sem hjálpa nýjum Forseta að sinna starfi sínu. Höfum það í huga. Hættum að vera gungur sem eru yfirbugaðar af þrælsótta!!

 

 

Ólafur Ragnar með meirihluta

Týpískt

Ekki að ég styðji þjófnað, alls ekki. En þetta er nú ekki alveg sanngjarnt...hvað hafa olíufélögin stolið miklu af neytendum og þessvegna þessum manni að auki ? Það hleypur án efa á milljörðum , hvort serm er vegna samráðs eða vegna þess að það er alltaf svo erfitt að lækka þegar heimsmarkaðsverð lækkar eða / og gengið styrkist. Og sloppið !!! 36 þúsund krónur og 30 daga fangelsi fyrir það...skilaboðin eru svo kristalsskýr í samfélaginu okkar..steldu miklu til að sleppa !!!

Dældi eldsneyti en greiddi ekki

Stimplar

Ég er nú ekki vön að minnast á sjálfa mig á bloggin mínu , en ætla að gera það smá núna.

Fór og kaus utan kjörfundar í Laugardalshöllinni sem ég hef aldrei gert áður. Þarna eru semsagt stimplar í kjörklefum með nöfnum allra frambjóðenda. Nokkuð sniðugt og einfalt kerfi þykir mér. Þegar maður stimplar, þá heyrist ágætis hljóð um leið. Svo það hefði verið sniðugt að hafa einnig stimpil sem á stendur ,,Skila auðu". Það má segja að það ,,heyrist" með þögn hjá þeim sem kjósa að  skila auðu.

Svo er annað sem ég hef ekki skilið með kjörklefa, en það er að henginu eru alveg gólfsíð, svo það er of létt að labba óvart inná þann sem er að kjósa. Hefði haldið að það væri betra að hafa hengin ca. í hnésídd eða svo, svo maður sjái örugglega að klefinn er tómur. Eða er nauðsynlegt að hafa hengin gólfsíð ? 

 

Tæp 16.000 atkvæði komin í hús

Hörmungarhyggja

Bölmóður, neikvæðni...er það sem manni dettur í hug...til hvers að tala þetta flotta hús niður ? Man ekki betur en það hafi verið X-D sem upphaflega samþykkti húsið. Hefði allt verið í glimrandi gúddí ef X-D hefði einnig klárað húsið ?

Sé ekki hvernig landið á að rísa úr sæ á ný eftir hrunið 2008, þegar stjórnmálamenn tala svona. Sé ekki hvað á að vinnast með þessu tuði og rausi. 

Hrakspár vegna Hörpu að rætast

Why Evrur ?

Er löglegt að binda saminga við erlenda mynt ????

Og af hverju kaupir RÚV ekki það sem á þarf að halda í stað þess að leigja, sem ég giska á að sé málið ? Lágmark að sjónvarpssöð eigi eigin linsur hefði ég nú talið. 

RÚV semur við Exton

Skítastælar

Að láta svona, að mismuna fólki í krafti Borgarinnar. Og ekki neitt annað, nema að viðbættri spillingu og mmisnotkun á stöðum sínum. Fólk sem sinnir embættisverkum sínum með þessum hætti, þurfa að segja upp og stofna eigin fyrirtæki. Það heitir spilling að afgreiða mál með þeim hætti sem hér er líst. Eitthvað hefur þetta fólk farið í taugarnar á þeim eða álíka, hvað veit ég. Og embættismenn refsað þeim með þvi að neota að taka við lóðinni þeirra. Skamm á þá starfsmenn Borgarinnar sem sinntu þessu máli og misnotu stöður sínar !!!

Þriggja ára barátta á enda

Súrt

Ef satt er og ég svo sem ímynda mér ekki að Ari Trausti sé að skálda þetta.

En ætli það sé einnig búið að biðja hin um að draga sín framboð til baka ?

Er það með þessum hætti sem ÓRG og ÞA líta lýðræðið augum ? 

Hvöttu Ara til að hætta við

Gott ad hugsa

Hvad ef eg yrdi kaerd/kaerdur, hvernig myndi eg tha vilja ad talad yrdi vid mig og um mig, sem og skrifad a netinu ?

Afsaka, er ekki vid tolvu med islenskum bokstofum. Laet her fylgja med komment sem tengist mali hans, en svo lokadi mbl.is a kommentamoguleika.

http://hvilhjalms.blog.is/blog/hvilhjalms/entry/1245161/

Mannorðið beðið alvarlegan skaða