Óþekktarangar

Æji...af hverju þurfiði að láta svona ? Fullorðið fólk !! Hvernig á álit almennings að aukast þegar hver fréttin af annari í þessa veruna birtist þjóðinni ? Hvernig á virðing að aukast gagnvart Þingheimi þegar það er svo augljóst að þið berið ekki virðingu hvort fyrir öðru ?

Svo þykir mér skrítið að biðja um atkvæðagreiðslu kl. hálf eitt að nóttu og ætlast til þess að fólk sé vakandi og bregðist við sms þegar flestir eru sofandi. Að hafa líkt Þingmönnum við slökkvilið í hruninu 2008 var bara samlíking, og óþarfi að taka það bókstaflega.

Af hverju var svona brátt í brók með að fá atkvæðagreiðslu á svo ókristilegum tíma með mál sem hefur verið í vinnslu á einn hátt eða annan í áratugi ?

Stundum er talað um nauðsyn þess að hinn og þessi þurfi á endurmentun að halda. Mér sýnist full þörf á að fólk fái enduruppeldi, því miður. Hættið að sóa peningum þjóðarinnar með þessari óþekkt og stælum. Please.

Þingmenn sakaðir um klækjabrögð

Til fyrirmyndar

Þessir s.k. smákrimmar, þeir játa alltaf skýlaust. Mikið væri nú gott ef þeir stóru og sér í lagi hvótflibbarnir myndu nú taka þá smáu sér til fyrirmyndar.

Eða kannski að þeir smáu ættu að taka flibbana sér til fyrirmyndar og neita staðfastlega ? Svona víst við búum í jafnræðissamfélagi ... ;;)

Skrítið, en það virðist vera að þeir smáu séu yfirheyrðir án þess að hafa lögmann með sér. Og svo þykir mér vandræðalegt fyrir lögmenn að ná ekki að verjast sakfellingu á þeim smáu. Metnaðarlaust og varla þau meðmæli sem þeir stóru vilja sjá á afrekaskrá lögmanns. Ef ekki tekst að fá þann smáa sýknaðan, hvernig á þá að vera hægt að fá þann stóra sýknaðan ? En það tekst nánast alltaf. Skrítið.

10/11 ránið er upplýst

Hagur þjóðarinnar

Af fiskveiðum okkar...hver er hann eiginlega ? Svona í raun og veru í alvöru peningum í sameiginlegan kassa okkar.

Alltaf hamrað á því að fiskurinn sé máttarstólpi okkar og svo virðist þetta allt sent úr landi. Sjómenn fá ekki of mikið í sinn hlut og í gegnum áratugina hafa laun fiskvinnslufólks lafað við hungurmörk, eins skrítið og það er. Merkilegt að fyrirtæki standi í rekstri ef það getur ekki borgað góð laun, þá er nú varla rekstrargrundvöllur fyrir því hvort sem er hefði ég haldið.

Er hlutur þjóðarinnar einungis klink í samanburði við hlut Samherja, hvort sem það er starfsemi þeirra  hér ´landi eða plat Samherja sem ,,erlendur aðili" hér og þar um heiminn. Af hverju þarf öll þessi dótturfélög hér og þar um heiminn ??

Ætli þetta sýndarbrölt með fiskinn okkar sé ástæða þess hvað blessuð krónan okkar er veikburða ?

Talin hafa selt afurðir á undirverði

Hávær þögn Samherja

Að það skuli ekki enn vera komin yfirlýsing frá Samherja um að húsleitin sé óskiljanleg, engin lög hafi verið brotin. Eða að ,,annarlegar hvatir" hljóta að liggja að baki og fleiri kunnugleg stef.  Ekki neitt. Ekki bofs. Hvað veldur þögninni ?

Gott að Kastljósið okkar sé svona öflugt. Á sama tíma er leitt að fréttamenn þurfi til að eftirlitskerfi okkar, sem við borgum háar fjárhæðir fyrir, skuli drífa sig af stað. En hvernig komast fréttir um húsleitir alltaf svona fljótt í fjölmiðla ? Hver hringir ? Og hversvegna ?

Þetta skýrist vonandi betur í Kastljósinu í kvöld.

Húsleitir standa enn yfir

Aldeilis

Er þetta stórkostlegt í alla staði hjá Jóhannesi. Að segja sögu sína opinskátt og svo hugmynd hans um Bláa naglann. Til hamingju með þetta allt saman ! Og því miður er það svo að karlmennskan er oft banvæn.  Því þarf að breyta og karlmenn þurfa að leyfa sér að kvarta, gráta, líða illa og þora að leita að leita sér hjálpar og stuðnings. Rétt eins og við konur höfum ,,leyfi " til. Enginn getur allt og það á líka við um karlmenn.

Það er t.d. sagt að sjálfsmorðstíðni karlmanna sé 5 sinnum hærri en hjá konum. Það er eflaust af því að karlmennskan ein og sér er oft banvæn því miður.

Megi söfnunin ganga sem allra best og ég óska Jóhannesi skjóts og fulls bata sem og hverjum þeim sem glímir við krabbamein.

„Látið ekki karlmennskuna drepa ykkur“

Skuldfærslur

Beint á bankareikninga heimilsmanna....er það lausnin sem greinarhöfundur er að leggja til og fara fram á ? Vissulega draumastaða allra fyrirtækja að komast beina leið í vasa fólks.

Annars skil ég þetta ekki alveg, vegna þess að ég hef heyrt að það sé einmitt tekið beint af reikningum fólks að þeim forspurðum. Að ekki séu sendir reikningar mánaðarlega fyrir þeirra hlut sem er mishár eftir því hver innkoma hvers og eins er.

Hvernig fengust svo nánar upplýsingar um mál mannsins sem um er rætt ? Veitti maðurinn umboð til þess að persónulegar upplýsingar uppá krónu, færu í fjölmiðla frá TR ? Eða er alveg óþarfi að fá skriflegt leyfi víst um eldri borgara er að ræða ? Hvað ætli Persónuvernd segði við þessu ?

Þurfa ekki öll fyrirtæki í rekstri að taka þvi að tapa stundum ? Fram hefur komið að ríkið greiðir 22 þúsund per sólarhring með hverjum heimilsmanni, það eru svakalega háar upphæðir. Ca. 660 þúsund krónur á mánuði og fólk fær ekki einu sinni að velja hvað það borðar !

Með allar þessar nánu upplýsingar um fjárhag mannsins, er það svo á sama tíma leyndarmál hvaða heimili um ræðir ? Hversvegna má það ekki koma fram líka ? Og hver skipar þeim að draga manninn fyrir dóm ???? Það ættu allir orðið að vita að það er hægt að afskrifa skuldir, sé vilji til þess.

Heimili biður um gjaldþrot

Gísli Einars neitar

Að Landinn hafi þegið greiðslur fyrir umfjöllun, það má sjá í frétt á dv.is.

Ég er pínu hugsi...er mögulegt að spillingin í ,,gamla daga" hafi verið svo miklu mun almennari og víðtækari en okkur órar fyrir þannig að reynsluboltum þjóðarinnar detti ekki neitt annað í hug en að greitt sé fyrir hverja þá umfjöllun sem er í fjölmiðlum almennt, amk mjög oft ?

Að allt eigi sér ,, annarlegar hvatir" ? Hafa þessir reynsluboltar sjálfir unnið sýn störf með þeim hætti, að fá ávallt eða oft allavega, eitthvað aukalega fyrir sinn snúð, hvort sem voru þá  ,,bitlingar"  eða cash ? Eða þekkja þeir svo ótal mörg dæmi þess ? Var það bara alveg gefið hér áður fyrr og sjálfsagt ?  Ef svo, væri þá ekki nær að fræða um það hvernig þessu var háttað hér áður fyrr í stað þess að dylgja og gefa í skyn eitthvað sem er svo ekki neitt til í ? 

Vona að menn biðjist afsökunar hafi þeir rangt fyrir sér. Hver sem í hlut á.  Það er vont að sitja undir ásökunum um mútuþægni. 

Björn sakar RÚV um áróður

Skamm Kaupás !

Fyrir að koma svona fram við starfsfólk ykkar, skamm, skamm !!!

Við þekkjum það flest hvað hátt er talað um mannauð fyrirtækja, allavega á hátíðar-og tillidögum. Það er nú meira hvað er mikilvægt þegar á reynir...

Ég var að komast að því að síðustu tvær verslanir 11-11 loka á morgun. Starfsfólkinu var tilkynnt um það seinni partinn í dag, boðuð á fund og voða fínt og var afhent uppsagnarbréf ! Þau fara vonandi til VR til að kanna rétt sinn. Sumt af starfsfólkinu hefur haft þetta til hliðar við nám sitt og stólað á þetta, amk út veturinn og svo bara bæ bæ , með dags fyrirvara !

Ég trúi því seint að svona gerist með svo litlum fyrirvara að það sé ekki hægt að gefa fólki eðlilegan 3ja mánaða uppsagarfrest. Og það verður engin útsala á nokkru í búðunum, öllu pakkað niður og þá væntanlega flutt í Krónuna og Nóatún og selt þar á lægra verði.

10-11 mun víst koma í staðinn og skrítið að Kaupás hafi ekki viljað breyta þessu þess í stað í Krónu búðir í stað þess að færa þessi tvö verlsunarpláss yfir til samkeppnisaðila. Ef hann nú er það í raun ? Ætli t.d. Nettó eða Víðir hefðu ekki allt eins viljað reka þarna sínar verslanir ?

Kommón !

Hverjum er ekki sama hvað einhver sagði fyrir 15 árum síðan !

Af hverju má fólk ekki skipta um skoðun yfirleitt og hvað þá og svona löngum tíma. Þegar án efa hellings vatn hefur runnið til sjávar í millitíðinni.

Eitthvað væri sagt ef fólk haldi sig ávallt við sömu skoðun, það væri þá kallað þrjóska, þvermóðska ofl álíka.

Steingrímur var á móti veiðigjaldi

Stofufangelsi

Og það að búa við félagslega einangrun vegna fjárskorts...er einhver munur á því í rauninni ?

Annars trúi ég ekki þessum tölum og skil ekki hvernig hægt er að halda því fram að fólk hafi það eins núna og árið 2004 hvað kaupmátt varðar. Vona að góðgerðarsamtök, féló of fleiri aðilar sem ættu að vita um málið, segi okkur hvort þetta sé rétt. Og já fleiri aðilar sem eru á hinum endanum, í því að græða, eins og innheimtufyrirtæki, sýslumenn sem sjá um að selja heimilin ofan af fólki, kaupmenn , vegagerðina, bensínsala ofl.

Er Hagstofan að taka með í þennan kaupmátt sinn þá staðreynd að almenningur hefur tekið út tugi milljarða af viðbótarlífeyris sínum eftir hrun, sem ekki var hægt árið 2004 ? Væri það sanngjarnt ?

Ekki man ég eftir að fólki hafi liðið eins illa árið 2004 og það gerir í dag og hefur gert frá hruni. Er Hagstofan að saka almenning um ímyndunarveiki á sama tími og við erum dópistar samkvæmt Seðlabankanum ?

Kaupmáttur svipaður og 2004