Ókeypis SMS úr sögunni

Af hverju má ekki neitt vera frítt á þessu blessaða landi ? Póst-og fjar bannar þetta, meö þeim rökum að móttakandinn hafi ekki samþykkt FYRIRFram að móttaka auglýsingar með sms í gegnum já.is.

Erum við yfirleitt að samþykkja að horfa á auglýsingar ? Samþykkjum við t.d. auglýsingar , hátt og snjalla og með upplýstu samþykki, þegar við borgum okkur inná bíó ?

Held að þetta muni koma sér illa fyrir marga. Eitt af fáu jákvæðu tekið frá neytendum ;(

Nafnlaus sms úr sögunni

Hættum bara

Að reyna að sigra fyrirtæki landssins, þeas þau stóru. Sem og aðra s.k. athafnamenn, þeas þá stóru.

Þetta mál hófst fyrir 15 árum síðan, árið 1997 !!! Tók svo langan tíma að finna flöt á sýknu ? Var það fókusinn ? Fór tíminn og orkan í það ?

Ef þetta fer á þennan veg með öll þau mál sem verið er að rannsaka vegna hrunsins, þá er alveg eins gott að viðurkenna ósigur strax og hætta að leyfa almenningi að vona að eitthvert réttlæti nái fram að ganga. Þau mál sem eru afgreidd hjá Sérstökum saksóknara fram til þessa, eru 66 mál felld niður og 3 sektir, það er alles!

Höldum okkur bara við þá sem játa brot sín skýlaust og geta ekki varið sig. Kerfið hefur mesta þjálfun í þeim brotum hvort sem er! Sigra þar nánast alltaf á skömmum tíma og fyrir lágar fjárhæðir samanborið vð t.d. þetta 15 ára gamla mál sem enn er ekki lokið!

Og svo kunna þeir sem stjórna þessum fyrirtækjum engan veginn að skammast sín. Það var ekki neitt sem bannaði þeim að una sektinni sem þeir fengu á sínum tíma en eiga nú að fá tilbaka með vöxtum frá ríkinu; OKKUR. VIÐ EIGUM AÐ ENDURGREIÐA ÞEIM og það voru þeir sem sviku OKKUR með samráði !

„Á þetta er ekki unnt að fallast“

Rússnesk rúlletta

Það þykir mér allavegana og vona að fólk falli ekki í freistni, enn og aftur. Endurskoða vexti á 5 ára fresti, enn ein rússneska rúllettan sem bankar landsins vona að við bítum á. Beinlínis hættulegt tilboð. Bankinn telur sig græða á þessu, enda 100% öruggt að bankinn býður aðeins það sem hann græðir á. Við þurfum ekki að halda neitt annað, amk er hann ekki að bjóða eitthvað sem hann sér fram á að tapa, held ég sé óhætt að slá á fast. Auðvitað verður fólki talin trú um að vextir geti líka lækkað...en við þurfum ekki annað en að líta nokkur ár tilbaka, hámark 10 ár, til að sjá og vita að líkurnar á því er nánast ENGAR. Staðreynd fortíðar segir okkur það. Að vísu hafa stýrivextir verið nokkuð lágir að undarnförnu en það var stutt og óvenjulegt ástand, þeir eru á uppleið og voru hækkaðir í vikunni um 0,25 prósentustig, eins og fram hefur komið.

Í fréttinni kemur eftirfarandi m.a. fram: ,, Lækkunin tekur til nýrra verðtryggðra húsnæðislána með föstum vöxtum með vaxtaendurskoðunarákvæði á 5 ára fresti. "

Þetta kom til tals eftir hrunið og á endanum féllu bankarnir frá endurskoðunar rétti sínum, hjá þeim sem höfðu tekið húsnæðislán með þessum skilmálum.  Minnir að þá hafi verið að tala um 7% eða 8 % vexti plús verðtryggingu. Margir voru þá með hnút í maganum, eðlilega. Man ekki hvort þá hafi komið fram hversu margir það voru sem höfðu fallið fyrir sama tilboði þá, en þetta byrjaði 2004 þegar bankarnir komu inná húsnæðislánamarkaðinn og þetta var þá ein af nokkrum gullrótum þeirra til að lokka fólk til sín; hunang sem virkaði á of marga amk.

Látum ekki 2007 ruglið endurtaka sig. Ekki er allt gull sem glóir. Hrunið ætti að amk að hafa kennt okkur það.  Föllum ekki fyrir gylliboðum sem þessum, sama hvaðan þau koma. Hvaða skoðun hefur spara.is á svona tilboði ? Ég efast um að þeir mæli með slíkri áhættu, yrði satt að segja mjög hissa ef þeir gerðu  það.

 

 

Íslandsbanki lækkar húsnæðisvexti

Norðurljósin seld

Kannski að Einar Ben hafi verið að meina þetta með þessum hætti , þegar hann talaði á sínum tíma um að selja Norðurljósin ? Hann var kannski bara misskilinn, hvað veit ég.

Þetta þykir mér frábært og afar jákvætt. Norðurljósin okkar eru töfralistaverk okkar sem taka stöðugum breytingum og eru sveipuð magnaðri dulúð á ævintýralegan hátt. Í hvert sinn sem ég sé þau, á ég erfitt með að trúa augum mínum. Ég er einlægur aðdáandi þeirra og elska þau! Svo ég á afar létt með að skilja ferðamenn sem kaupa sér ferðir hingað til að sjá þau. Hvað við megum vera heppin að við þurfum þess ekki, að eitthvað sé frítt fyrir okkur að njóta ótakmarkað og um alla eilífð. Svo sannanlega endurnýjanleg auðlind.

22.000 farþegar skoðuðu norðurljósin

Bravó

Enn eitt dæmið um hvað við eigum frábært listafólk á hinum ýmsu sviðum. Skapandi greinar færa alvöru verðmæti , ekki neinar loftbólur sem springa. Engin Excel trikk á ferðinni.

Verum stolt af listafólki okkar og jákvæð í garð þeirra. Það er góð fjárfesting að greiða þeim laun sem sækja um og fá, það skilar sér á endanum, bæði beint og óbeint.

Kvikmyndagerð í stórsókn

Draugar fortíðar

Uppgjör er forsenda þess að hægt sé að halda áfram. Annars fylgja draugar fortiðar inní ókomna framtíð og munu valda þrætum í tíma og ótíma. Passa þarf að persónugera ekki neitt í þessu uppgjörsferli sem hér um ræðir. Hvað þá draga menn í dilka eftir flokkslínum. Þetta snýst um embættin í þessu tilfelli. Hef enga trú á að menn hafi eitthvað að fela með þetta lán og því engin ástæða til að óttast hvað kemur út úr nánari athugun á svo hárri lánveitingu án skriflegra samninga, skilji ég fréttina rétt.

Allavega vil ég ekki trúa því að Seðlabankinn hafi verið notaður eins og einkabanki.

Og svo þarf að ná sáttum við það liðna og move on inní framtíðina. Því fyrr sem fortíðaruppgjöri verður lokið, því fyrr kemst þjóðin áfram. Flóknara er það ekki. Hafi lög verið brotin höfum við kerfi sem tekur á því og sem allir þurfa að una niðurstöðum frá.

Vilja svar um lán til Kaupþings

Fyrirmyndir

Hagar gera nú svipað og Karen Millen. Almenningur þarf að gera það sama.

Kæru Alþingismenn : Drífið að klára lög um hópmálsókn til þess að fólk geti farið í mál við bankana og fleiri sem allra fyrst. Vinsamleg ,,tilmæli"  eru alveg bitlaus, það er fullreynt. Almenningi skortir sárlega slíka ,, Grýlu" sem lög um hópmálsókn geta svo léttilega orðið og þurfa að vera. Annað er fullreynt.

 

 

Hagar höfða mál gegn Arion banka

Óskandi

Að kortafyrirtækin séu til í að loka á þessi netpóker. Punktur is eða Punktur com, breytir litlu. Jafn slæmt eftir sem áður fyrir þá sem ánetjast þessu. Það eru nægir djöflar að eltast við sem er erfiðara að ná í skottið á og stoppa. Látum þá ekki þennan halda áfram óáreittan þegar það er vel hægt að stoppa han af með því að loka á kreditkortin.

En af forvitni, ætli það skili sér eitthvað tilbaka, ef menn vinna ? Ekki að ég telji slíkar gjaldeyristekjur spennandi en það væri fínt að upplýsa um það svo þeir sem eru háðir þessu viti þá stöðuna. Mér skylst nefnilega að eitt af því sem einkenni þetta netpóker gambl, sé sú trú að sá sem gamblar nái að koma út í plús.

Og svo er eitt pínu skondið um leið....á tímum gjaldeyrishafta, að hægt sé að eyða milljarð á einu ári í gjaldeyri sitjandi heima hjá sér á Íslandi í tölvunni sinni að gambla.

Á sama tíma þurfa aðrir að sætta sig við að fá aðeins að kaupa gjaldeyri fyrir kr. 300.000.- gegn framvísun flugmiða... ;)

Rætt við kortafyrirtækin um samstarf

Bílskúrsfyrirtæki

Er það kallað þar á bæ þegar hagsmunir viðskiptavinar eru ekki hafðir að leiðarljósi. Vá hvað það væru þá margir bankar og önnur fyrirtæki sem myndu flokkast sem bílskúrsfyrirtæki á Íslandi...vá !

En það er óskandi að Ísland bíði ekki boðanna með að herða reglur með smálánafyrirtæki hér á landi, líkt og Finnar og nú Svíar eru að vinna að. Við þurfum ekki að bíða með það eða finna hjólið upp sjálf. Getum vel nýtt þeirra reynslu, það er ólíklegt að reynslan hér verði svo ólík þeirra.

Svíar herða kröfur um smálán

Svipting fjárræðis ?

Ég skil ekki alveg hvað verið er að tala um né hvað maðurinn vill ? Vill hann að heimilin fái aðgang að beingreiðslu á bankareikninga hvers og eins ? Það væri vissulega draumur allra annarra að þurfa ekki að vesenast við að senda fólki reikninga. Er ástæða til að óttast vanskil svo mikil að það megi ekki sýna fólki sem er með fullt fjárræði og hefur ekki verið svipt þvi, þá lágmarkskurteisi að senda þeim reikninga eins og almennt er gert í samfélaginu ?

Vona að ég sé að misskilja þetta og ef svo, þá biðst ég afsökunar. En ég óttast að skilningur minn á þessari frétt sé réttur. 

Orð og efndir fylgdust ekki að