Vog til LSH !

Verði af byggingu fyrirhugaðs ferlíkis við Hringbrautina, rétt vona ég að Vogur fái þar aðstöðu.

Alkahólimsi er sjúkdómur og þessvegna hef ég aldrei skilið af hverju þetta þarf að vera rekið sér og með einkaframlögum og fjáröflunum,  aldrei. Það ætti að vera nægt pláss og mun betra á allan hátt að hafa alla sjúklinga undir sama þaki, í stað þess að aðskilja aðeins þá sem eru með sjúkdóminn alkohólisma eða/og eiturlýfjafíkn. Það á ekki að vera meiri lúxus að fá læknahjálp með þennan sjúkdóm, eða hjartasjúkdóm, gigt, krabbamein eða annað sem mannfólkið hrjáir,frá vöggu til grafar.

Langtímaúrræði að afvötnun lokinni er svo allt annað mál og þá mætti allt eins nýta byggingu Vogs til þess, í meiri kyrrð og ró. Svona lítur þetta amk út í mínum huga. Gangi þeim alt í haginn og það er þakkarvert að þeir sem vinna þarna, nenni að standa í stöðugu stappi með fjármuni, áratugum saman. Nú er þetta orðið fínt og LSH á að sjá um þetta, að sjálfsögðu og fá til þess sama fjármagn og aðrir sjúkdómar fá og sleppa að þurfa að standa í fjáröflunum. 

200 bíða eftir að komast í afeitrun

Tafir með einbeittum ásetningi ???

Ég er farin að hallast að því, að fjármálastofnanir, með aðstoð dómstóla, því miður, séu að tefja þessi mál með einbeittum ásetningi. Hvað annað skýrir þetta endalausa bull ?Ef svo, hver er þá ástæðan ? Engir peningar og ótti við annað hrun og verið að kaupa tíma með þessum endalausu dómsmálum ? 

Og svo þetta með fullnaðarkvittun, sem svo oft er hamrað á...hvað er það eiginlega, og er það eitthvað sem vitað er að fáir eiga, og þessvegna farið fram á ? Eru rafrænar greiðslur ekki fullgildar og ígildi fullnaðarkvittana ? Þó maður sé með pappír og greiði reikning hjá gjaldkera, þá fær maður ekki lengur stimpil greitt, muni ég það rétt, heldur aðeins : ,, AFGREITT ". Svo er það þá ekki fullnaðarkvittun ?

Á ekki við um Lýsingu

Ekki gott mál ;(

Minni samkeppni; hærra verð. Og þarna kemur án efa skýringin á því why WOW hætti að fljúga á Köpen, á meðan þetta hefur verið í bígerð ? Og um leið og þeir hættu, rauk verðið upp í allar hæðir og hefur haldist þar.

En hvernig er þetta fjármagnað ? Spyrja fjölmiðar ekki um það,er það óþarfi ? Er svona lítið mál að yfirtaka heilt flugfélag og gæti hver sem er gert það bara sí sona ? Það var ekki spurt fyrir hrun. Á það að halda áfram og koma okkur í það næsta ? Á huss, huss stemmningin að halda áfram, eða er bara ok að spyrja um fjármögnun ef útlendingar eiga í hlut eða konur ?????

En víst þetta er svona, þá vona ég að WOW lúkkið verði látið ráða með sínum litum ;)) Það er ein best heppnaða markaðssetning sem ég man eftir hér á landi í langan tíma. Flugfreyjurnar eru svaka gangandi auglýsing á flugvöllum í þessum sérstöku litum, að það eru sennilegast fáir sem ekki sjá þær og líta við. Og fleira, eins og t.d. merkispjöldin á töskur farþegar, stór hringlaga í sömu litum, skrifstofan líka...frábær hugmyndasmiður þar á ferð, mætti alveg tala um þann einstakling eða hóp, hvort sem á í hlut. 

WOW air yfirtekur Iceland Express

Fór spes ferð í Kost í gær og keypti USA CP !!!

Þessi umræða sem poppar upp annað slagið, hafði þau áhrif á mig að ég fór spes ferð í Kost í gær og keypti mér pakka. Ekki það hollasta fyrir kroppinn, en vá hvað þetta var gott fyrir sálina, nammi, namm. Og henni má ekki gleyma í allri hollustuumræðunni. Sem er þörf , góð og nauðsyn, en það þarf samt að gæta einhvers hófs og skikka ekki alla í hollustuskirlífi án valkosta !!! Ég hefði hvort sem er haldið, að þeir duglegustu með að gæta sín með mataræðið 100% alla daga, myndu hvort sem er ekki líta við Cocoa Puffsi. Ætli þessi manía í Nathan og Olsen skýrist af því að salan á þeirra vöru hafi snarminnkað; að markaðurinn hafi hafnað henni ? Falli ekki að smekk nammigrísanna, ungra sem eldri, og ekki heldur að þeim sem eru mjög duglegir að passa mataræði sitt ?

 Svo langar mig að vita hvort Nathan og Olsen fái hraðafgreiðslu hjá Matvælaeftirlitinu. Það þarf að koma fram, hvort tímalengd og viðbrögð þeirra við kvörtunum gagnvart Kosti, séu í takt við það sem vnejur þeirra þar innan húss segja til um. Ef þeir fá skjótari afgreiðslu en aðrir, þá á það ekki að viðgangast að sjálfsögðu. 

Það þarf ekki svona svakalega og endalausa forræðishyggju. Alveg nóg að skella sykurskatt á þetta og þeir borga þá sem vilja kaupa það sem kallað er óhollusta. Sem má þó draga í efa, eftir því hvernig litið er á. Sjálf tel ég allt best í hófi, og ætti að nægja að reyna að vera 80% passasamur hvða hollustu varðar, amk fyrir þau okkar sem glímum ekki við yfirþyngd eða veikindi eins og sykursýi ofl ofl hafa áhrif á, og það fólk þarf þá að passa sig enn betur og oft 100%. 

Eitt er víst, að ég ætla aldrei að kaupa Cocoa Puffs innflutt af Nathan og Olsen. Aldrei. Vilji ég Cocoa Puffs, sem gerist mjög sjaldan að ég langi í og leyfi mér, vil ég hafa það alvöru , beint frá USA ;))  Hvað veit maður nema NogO kroppi svo miðana af pökkunum frá Kosti ?

„Sandkassaleikur“ um Cocoa Puffs

Einelti eða refsing ?

Ekki virðist það vera góður vinnustaðurinn sem hann hefur nú skilið við. Svei fullorðnu fólki að útiloka vinnufélaga sína, svei þeim bara !!! Ættu að vita nokkuð vel að slíkt er ekki í lagi, hefði ég haldið, eins greindir og þeir eru, en kannski með lága tilfinningagreind sem er leitt þeirra vegna.

Útilokun er ein af mörgum birtingarmyndum eineltis. Man þegar hann var ráðinn á sínum tíma, fékk ég það á tilfinninguna að það væri fyrst og fremst til að þagga niður í gagnýni hans á dómstóla.

En eins og ég skil fréttina, að þá voru margir á móti ráðningu hans...hver réð hann ? Var hann lagður í einelti eða voru menn að refsa honum fyrir grun um að vera ráðinn þar inn vegna klíkuskapar ? 

Svo vona ég að hér verði stofnaður smámáladómstóll, eins og t.d. er í USA. Þar getur fólk mmætt sjálft og án lögmanns eða mikils kostnaðar, ef nokkurs, og farið í mál við vini eða kunningja vegna ágreinings um nokkurra dollara skuld. Hér er það ekki hægt, og óboðlegt. Hvað þá eins og með bílavisðkipti og fleira, þegar upphæðir eru lágar og lögmenn líta ekki við slíkum málum. Það er ekki í lagi að troða á rétti fólks þó upphæðir séu lágar, þær safnast saman í eina stærri. 

Óska Jóni Steinari til hamingu með að vera laus úr prísundinni og ég vona að hann skrifi bók og nafngreini gerendur á fyrri vinnustað; þeim sem gerðu líf hans þar að víti, heyrist mér. Þú þarft ekki að skammast þín, skömmin er þeirra að hafa komið svo illa fram við þig og fantalega. Gangi þér allt í haginn ;))

Fann fyrir mótbyr og andúð

Óeining ?

Væri það þannig sem sumir myndu kalla meirihluta niðurstöðu kosninga ? Eins og þegar tæp 70% kjósa já við því sem minnihluti segir nei við.... ?

Munu taka grönnum sínum vel

Nafni afa síns, hvað meira ?

Af hverju er já niðurstaða 2/3 hluta, til marks um óeiningu ? Væri sömu viðbragða að vænta ef flokkurinn sem hann tilheyris, fengi sömu niðurstöðu í Alþingiskosningu ? Er mótstaða hans og fleiri, fyrst og fremst vegna þess að hans flokkur samdi ekki tillögurnar ? Hvað ætli sé búið að eyða miklum tíma og fjármunum úr almannasjóðum í gegnum áratugina, í að reyna að breyta stjórnarskránni ? Milljarður, 5 eða 10 ? Auðvitað er frábært að hafa eilífðarverkefni til að dúllast við í áratugi í viðbót, til að þessvegna redda vinum og vandamönnum fína vinnu á góðum launum, svo það eru án efa miklir hagsmunir í húfi að klára ekki þetta mál með stjórnarskrána.

Af hverju velur mbl.is þessa tilvitnun í hann sem er fyrirsögn fréttarinnar ? Af hverju ekki allt eins : ,, þessi kosning er vísbending" ?

Svo hef ég velt því fyrir mér, hversvegna BB er staddur þar sem hann er í stjórnmálum ? Er aðalmálið það að afi hans og alnafni, var forsætisráðherra og þessvegna þurfi hann að verða það líka ? Til þess að afkomendur geti tjattað um það  og grobbað sig á því á Facebook framtíðarinnar , hvað það sé geggjað kúl að alnafnar hafi verið forsætisráðherrar ? Hefur BB sömu leiðtogahæfileika og mér skylst að alnafni hans og afi hafi haft til brunns að bera ? 

Það vill þannig til að fólk hefur heila og nær að hugsa, óháð flokkum. Í alvörunni. Og samfélögum er virkilega hægt að stjórna af ýmsu fólki í ýmsum flokkum ;)))

„Sýnir mikla óeiningu“

Leyndó á Íslandi...

Þó menn séu dregnir fyrir dóm...minnir að einhverjir hafi verið dæmdir...þarna verða þau birt, ásamt aldri og heimili þó aðeins sé um ákærur að ræða og menn eru enn saklausir í augum laganna, þar sem sekt er ekki sannað á því stigi.

Fáránlegt að hafa haldið nöfnum leyndum hér í þessum eina dómi. Vona að það endurtaki sig aldrei og að það komi að því að leyndinni verði aflétt. 

Nöfn vændiskaupenda birt

Ríki í ríki sínu og græðgi landeiganda !!!

Eins og restinni á Íslandi komi þetta bara alls ekki við, því landeigendur Grímsstaða græða svo á þessum samning...og hver fær svo reikninginn ef þetta klikkar eða afleiðingar verða vondar á landið...? Seljendur landssins...nei, þá verður ÖLL þjóðin nógu góð til að vinna úr því með þeim kostnaði sem mun fylgja.

 Hvaða ferðamenn vilja spila gol þarna í rokraskati ? Það er eitthva ðannað sem stendur til, hvað sem það er..Ég vil þetta ekki, sama hvaðan maðurinn er og þó hann væri Íslendingur,, þetta gengur ekki upp þetta draumórabull í mínum huga. Ef þetta gengur svo óvart allt upp og verður landinu og þjóðinni stolt og til góðs, þá mun ég éta þetta blogg ofan í mig og biðjast afsökunar. Fyrr ekki !!! 

Skrifað undir í þessum mánuði

Frí auglýsing fyrir alla ?

Mig langar að vita hvort öllum standi það til boða, sem eru að selja fasteignir, að fá svo góða umfjöllun um það á mbl.is ??? Er þetta frítt eða kostar þetta eitthvað og þá sama verð fyrir alla ? Það er nokkuð mikið um slíkar ,,fréttir" á hinu ljúfa Smartlandi mbl.is. Eftir því sem ég best veit, má ekki láta fólk halda að um frétt sé að ræða, ef það er greitt fyrir birtingu efnis.

Fyrrverandi heimili Sævars Karls til sölu