Farsæl málalok

Gott að þær fengu tölvurnar sínar og það væri óskandi að hann verði öðrum til fyrirmyndar, sér í lagi þeim sem flestir telja ábyrga fyrir hruninu 2008, takk ;)  Hvort hann fái þyngri dóm en þeir síðarnefndu...líklegast. En víst hann gaf sig fram og skilaði því sem hann sagðist hafa tekið, vona ég að þetta verði bara látið niður falla. Góss sem er falið í skattaskjólum fer svo vonandi að skila sér heim á ný og til eigenda sinna, almennings í formi miskabóta amk.

Óskar þjófunum alls hins besta

Allt datt niður

Og í dúnalogn...þvílíkur bömmer að lenda í sonna á brúðkaupsnóttinni, áts hvað það er svekkjandi ;)

Kvörtuðu undan háværum brúðhjónum

Stikkfrí

Vegna andlátsins ?

,,Lögregla gerði húsleit hjá mönnunum 30. apríl 2011 eftir að hún fékk upplýsingar um að fíkniefni frá þeim hefðu komist í hendur stúlku nóttina áður og hún látist af völdum neyslu þeirra. Þar sem talið hafi verið að um mjög hættuleg fíkniefni væri að ræða hafi verið ráðist inn til mannanna án tafar." - efnið reyndist síðan undir meðallagi.

Gott að strax var gerð húsleit, en er það alltaf gert og  í hvert sinn sem fólk deyr af völdum eiturlyfja, hvort sem er ólöglegra eða læknadóps ? Og er tilgangurinn sá eini að ná að sekta menn um nokkur hundruð þúsund, sem er minna en menn fá í sektir fyrir skrif sín í dómssölum ? Alvarlegt að sverta mannorð fólks og það geri ég ekki lítið úr en ...Afleiðing gjörðana hér var andlát.

Fíkniefnasalar greiði sekt

Óborganlegur

Er nema von að hann eigi sér öfundarmenn. Vona að þetta gangi glimrandi vel og verði komið til að vera. Völdin eiga að sjálfsögðu að vera hjá eigendum fjármuna sem eru að auki með fjárræði, sem oft gleymist að ég held, eða hreinlega ekki hugsað útí.

Smellti reyndar hugmynd á vefinn sem ekki náði áfram svo ég viti. Áttaði mig ekki nógu vel á að ég held, að mín hugmynd er sennilegast ekki á forræði Borgarinnar, kjáninn ég... Yfirskriftin er Prison Hotel. Sem gengur útá að Hegningarhúsinu á Skólavörðustíg verði breytt í hótel. Upplagt fyrir alla þá sem telja að fangelsin okkar séu eins og hótel að kaupa sér þar gistingu og að engu yrði breytt nema læsingum. Sami matseðill og allt eins og það er, sama þjónustustig. Svo er fullt af ferðamönnum sem vilja ólmir prófa óvenjulega gistingu. Tel það gæti slegið léttilega í gegn. En þetta var nú smá útúrdúr að ganni.

Íbúakosning sem innkaupaferð

Hópurinn stækkar

Sem hefur líst yfir framboði. Eftir er að sjá hvort öllum takist að skila inn lágmarksmeðmælendum á tilsettum tíma.Hér er linkur á Vík Lögmannsstofu sem hún á hlut í og starfar hjá ; smá upplýsingar um Herdísi fyrir áhugasama, þar til www.herdis.is opnar ( stofnuð á isnic.is í gær, sé ég) :

http://viklaw.is/?c=webpage&id=110&lid=76&option=links

Það á enginn embætti sín og engum er holt að sitja of lengi í sama sæti, engum. Hámark 8 ár vona ég að einhverntímann verði lögfest á Íslandi. Gangi henni vel sem og öðrum áhugasömum um að ná kjöri í vor.

Herdís fer í forsetann

Óþarfi að eiga til að eyða

Hversu eftirsóknarvert er að fá hagvöxt sem án efa verður að mestu fenginn með dýrum lánum og mikið af þeim verðtryggðum að auki ? Minnir að ca. 50% hagnaður bankanna sé kominn frá verðtryggðum lánum. Og verðbólgan er á hraðri uppleið, búið að spá því að hún aukist...beint í verðtryggðu lánin okkar. Á sama tíma býður einn bankanna ný húsnæðislán með 4,10% vöxtum með vaxtaendurskoðunarákvæði. Svona eins og þeir haldi að fólk sé bjánar að taka sénsinn á því að vextir hækki ekki....eins og að spila í rússneskri rúllettu þar sem bankinn heldur einn á vopninu...sneddý tilboð.

Man að eftir hrunið 2008 var talað um það að bankarnir urðu stífari með yfirdráttarlán og það var líka talað um að heimildir fólks voru lækkaðar. Líka á kreditkortum. Mig langar að vita hvort þeir séu orðnir rosa ,,góðir" á ný, svo fólk hafi einhvern pening til að eyða og séu komnir á full svíng á ný með yfirdráttalán á gósenvöxtum og auknar heimildir á kredit. Eitthvað þarf að gera, fólk er jú búið að taka út tugi milljarða úr viðbótarlífeyri sínum og allt tómt þar.

Hækkar hagvaxtarspá sína

Ég táraðist

Í hjarta mínu að lesa þessa frétt, svo leið er ég yfir því að við erum með 63 Alþingismenn á launum til þess að ÞJÓNA okkur öllum, hvort sem við kusum þau eða ekki og hvað sem okkur kann að finnast um þau.

Að vera með þessi endalausu læti og stæla, hefndir og skot út og suður. Hvernig á að ná upp trausti og virðingu á Alþingi okkar, þegar fréttir í þessum stíl eru nánast daglegt brauð ? Sé ekki hvernig það á að vera hægt og það verður að ríkja traust á Alþingi og virðing. Bruðlandi með fjármuni okkar allra. Takandi af okkur það að fá að kjósa; að fá nýja Stjórnarskrá. Eins og hver annar þjófnaður. Nú þarf að hafa aðra og sér kosningu um þau mál sem til stóð að kjósa um samhliða Forsetakosningum. Til þess að hafa þetta nógu dýrt. Vissulega er það atvinnuskapandi sé það markmið þeirra á tímum niðurskurðar.

Læt þetta nægja að sinni svo ég skrifi nú ekki eitthvað meira sem ég sé mikið eftir á meðan ég er svona leið og reið um leið ;( ;( ;(

Ekki kosið samhliða forsetakjöri

Eitthvað fissí

Þetta viðtal Í Kastljósinu...?  Forstjórinn virtist svo stressaður og í mikilli vörn.  Þannig upplifði ég þetta viðtal. Og svo vona ég að skatturinn renni öllum þessum tölum saman um fiskverð og hlut sjómanna við laun þeirra. Heildarupphæð launa allra sjómanna og starfsfólk í fiskvinnslum, sbr. við hagnað Samherja...hver ætli % talan sé í launakostnaði  ? Svo maður geti séð hvort svigrúm sé til hækkunar. 

Jóhannes er afar góður fréttamaður og kurteis. Það er til fyrirmyndar þykir mér. Furða mig samt á því hversvegna Helgi Seljan var ekki látinn taka þetta viðtal, þar sem hann var með fyrri innslög um málið. Af hverju ætli það hafi verið skipt um fréttamann ? 

Annars má vel vera að allt sé satt og rétt og ekki öfunda ég rannsakendur málsins. 

Þorsteinn hafnar ásökunum